:مـثل آلجگآرهہ آتنفسـگ آرتآح وتآذيني
الكاتبه: شهد علي
ملاك: شفت اسيد داء يسوي جاي كتله هاي شجاي اسوي ما صحتلنه انسويلك
اسيد: بنيتي مااريد اتعبج اليوم تعبتن انتن
ملاك: تعبك راحه حبيبي جوعان اسويلك شي تاكله
اسيد: لا بس جاي اريد انتي شكو منايمه لهسه
ملاك: هوه شسمه مجاني نوم
اسيد: كتيلي مجاج نوم اكول اتصل على سلام مشغول تعرفي ويامن يحجي كل هلوكت
ملاك: ههههه لا مااعرف
اسيد: ههههه جا صبيلي جاي يابه
ملاك: اي تدلل من عيوني هسه اصبلك صبيتله جاي واخذت ماي وصعدت
وتين: حلمان بيه اسيد اكو واحد يتصل ب٣ونص
اسيد: شسوي ولج اشتاقلج بودي ابقيج بحضني مامل منج والله
وتين: امممم زين وين انته هسه
اسيد: نايم بغرفة الوالده متجين تكملين نومتج يمي يول
وتين: هههه سالمين تره بعد ماانام يمك لا تتعود شفتك مساع مريض محبيت اكسر بخاطرك
اسيد: ها هيج صدك وتين متحبين تنامين بحضني
وتين: عوفنه من الاحضان وكلي شراح اسوي بموضوع ريم
اسيد: انتي شنو تردي اطلك ريم
وتين: اذا طلكته ابنك شنو وضعه وهيه وين تروح
اسيد: مااعرف والله اني محتار اكثر منج شفتيه شكد خوثه وفاهيه كلشي مدبر وحده وماعده احد تروحله
وتين: زين اني قررت قرار وارجوك اسمعني للاخير لا تقاطعني اسيد
اسيد: اسمعج يا دفو كلبي شعندي غير اسمعك انيي
وتين: بقيه على ذمتك هيه هم تحبك مثل مااني احبك اسيد وحرام عليه اخذك منه
اسيد: شبيج بابا تخبلتي وتين ثقي مااحبه اني جانت مجرد نزوه اخذته كم شهر اني كلبي وعقلي كله يمج
وتين: زين انته ياابو نزوات ما فكرت بيه هااا ما سئلته شنو تحس تجاهك ما اهتميت المشاعره كل همك تكضي وقت ولا عبالك المقابيلك عنده احساس ومشاعر يحسه
اسيد: وتين لا تلوميني لان مجنت احبج ولا جان بالي حب صدكي واني شمعرفني هيج وضعيته لو ادري فلا اعقد عليه واخذه مو هلدرجه نذل جنت ساعدته بس عرفت متأخر حالي حالج وبعدين اني وين جنت فارغ لسوالف الحب والاحاسيس هاي التعبانه تحجين ولا عبالج تعرفيني
وتين: وهسه عرفت ولازم اصحح غلطك اسيد اني شفته بعيني شلون انهارت وبجت عليك وانته بلمستشفى اصدك نفس الشعور اني وياه نفس لالم حسينه بي صرنه وحده تشكي الثانيه شكد تحبك
اسيد: وتين اذا بقت ريم على ذمتي راح تنضلم وياي لان تعرف بيه مااحبه ولا ابادله الحب
وتين.: الحل برائيك شنوو اسيد فهمنيي
اسيد: وتين شوفييي لو كل الدنيا بجهه وانتي بجهه راح اختارج انتي لان مااكدر بدونج وتين لا تبدين بهاي السوالف تدرين بيه احبج لا مو بس احبج اعشگج
وتين: مكتلك راح اعوفك اني اسيد هوه لو اكدر جا عفتك
اسيد: لعد شنو هذا كلامج مال صحح غلطك مفتهمت عليج
وتين: صح اني احبك واغار عليك واموت بيك بس بنفس الوقت اكو بنيه ثانيه تعيش نفس الشعور الاحسه اني هم تحبك واني قررت اني وياه نكون زوجاتك
اسيد: هههه ناصبه عليه انتيي وتين بابا خاف بعدج نايمه وحلمانه
وتين.: لا صاحيه وبكامل قواتي العقليه جاي اكولك هلكلام
اسيد:. يعني تردين مني ابقي ريم على ذمتي واحسبه زوجه حاله حالج لا مستحيل بابا فكري بيه زين مراح تتحملين اعرف بيج شكد تغارين متكدرين وتين الحجي مو مثل الواقع
وتين: لا اني من احجي متاكده من كلامي من جهه هيه تحبك ومن جهه ابنك خطيه حرام يتربى هيج
أنت تقرأ
احببت خاطفي
General Fictionلا الله يخليك لا تكتلني اششش مااريد اسمع صوتججج منو انتوو منوو. شتردوون تعرفون انيي منووو ضحك بستهزاء ورد ايي نعرف انتي منووو الصميييي
