الحـطو بڪلبي وجــع حطــيتهم بــيد الله🖤🖤
الكاتبه: شهد علي
اسيد: رحت شفته نايمه بسابع نومه وعيونه مورمه مبينه جانت تبجي عفته وسديت الباب خابرت على خواله لان من كالتلي ريم خواله ذابيه وعمامه ماصدكت رحت سئلتهم بس طلع كلامه صح كالو منريده واحنه شمرناه عسما تموت بشوارع لا تجيبه النه اتصلت على خواله انطيتهم علم بوفاة اختهم ورجعت كعدته.
ريم: ها اسد شنو جبت خالتي
اسيد: صفنت عليه شريد اكلله احمم ريم خالتج شكد صارله تعاني من مرض القلب
ريم: صارله 8سنوات تعاني منه
اسيد: شعجب خوالج ما اعتنو بيه
ريم: من ماتو اهلي وعمامي شمروني على خوالي مارادوني يمهم وطردوني بس خالتي جانت متقبل وكالو اله اذا ترديه روحي وياه احنه منريده وهيه معافتني وعافتهم واخذتني قبل لا تطلع كالو اله تنسين عندج اخوه من اليوم من وكته خالتي بقت وياي وهيه جانت تشتغل خدامه تنضف ببيوت عد العالم بس حتى توكلني لحد ماصار عمري 14سنه وخالتي وكعت بلمرض بيومه جانت تشتغل عد عالم عدهم عرس متخربطه واكعه ناقلينه للمستشفى وهناك مبين عدهم مرض بلقلب كالو اذا مسوي عمليه يتزم وضعه وتموت بوكته رحت لخوالي وكتلهم بكلام الدكتور طردوني من الباب وكالوان شاء الله اثنينجن نرتاح منجن بعد ماايست منهم كمت مااخلي خاله تتعب وتشتغل بقت بلبيت واني الي طلعت اشتغل
اسيد: شكد انذال هذوله خوالج يعني عادي عدهم اختهم تموت شنو من بشر
ريم: يحبون بس نفسهم ميهمهم احد اني عندي خالتي اعز من روحي تذكر من جنت تلكه فلوسك نقص من يبقن يمي اني جنت اخذ منهن واجيب علاج الخالتي
اسيد: اي جنت ادري بيج تخمطين بس كلت خليه لان مجانن الفلوس بتعب اجيبهن
ريم: هسه نروح اشوف خالتي موو
اسيد: ريم خالتج تعبت تره وهيه مره جبيره ومرضه حيل مأذيه
ريم: اي اعرف والله قبل كم يوم اخذته للدكتور كال ماتفيد العمليه بعد تبقه على علاجات شسوي اسيد ماعندي غيره والله
اسيد: من تبجي تمردت كلبي استفغر الله شسوي هسه شلون راح اكول اله لزمت اديه وكتله عندج ابنج الي جاي بطريق
ريم: هههه اي صح بس مو اعز من خالتي هاي امي الي ماجابتني هيه الي تكطع الكمه من حلكه وتنطيه اليه حتى ماانام جوعانه
اسيد: ريم خليج قويه مثل ماعرفتج
ريم: ناوي تعوفني اسد وهيج تحجي موو
اسيد: مستحيل اعوفج ريم شنو هيج ماعندي غيره
ريم: لا حشاك مو هيج قصدي بس كلامك ماادري احسك جاي تودعنيي اسد اني مو قويه والله اضعف مني ماكو مااكدر اعيش بدون خالتي هيه الي تخليني اعيش علموده ومتمسكه بلدنيا علموده حتى اجيب اله علاجه حتى اسمع صوته من تتلكاني هلا يمه ريم شحلاته من اسمع كلمة يمه منه احس ماكو هم كل انزاح مني
اسيد: اني موجود يمج وابنج هم هناا
ريم: انته باقي وياي لان حامل بي لحظه تتركني يجوز بس اولد تاخذه مني
اسيد: لا ريم مستحيل اسوي هيج بيج كومي غسلي حتى اوديج اشوفين خالتج كامت تغسل مكدرت اكول اله شي مااعرف ليش كلبي معصور عليه يتيمه هوه اني رجال وانكسرة وره ابويه شحاله هيه لا ام ولا اب ولا عمام ولا خوال شلون راح تعيش ماادري كملت لبس اخذته وطلعت للمستشفى وصلنه شافت خواله باب الاستعلامات شافه خاله الجبير اجه هاد عليه
أنت تقرأ
احببت خاطفي
General Fictionلا الله يخليك لا تكتلني اششش مااريد اسمع صوتججج منو انتوو منوو. شتردوون تعرفون انيي منووو ضحك بستهزاء ورد ايي نعرف انتي منووو الصميييي
