_عايش على الله وضحكتك!
_والله اذا ماتبتسم. ما جان يكمل يومي
_الروحي جنت مالي خلك
_وكعد وصفطلك حجي!
_وهذا الحجي بذاك الوكت؟
_ماجنت اصفط اهدومي
للشاعر: احمد الصالحي
◇◇◇◇◇◇◇◇◇◇◇◇◇◇◇◇◇◇◇
اسيره انتقامه
تأليف: جنات حيدر
♡♡♡♡♡♡♡
ازل-: غيث شنو يوجعك؟ شبيك؟
غيث-: جسمي كله يوجعني ما بقى بيه شي صاحي، اني دمرت نفسي بنفسي بسبب عنادي.
-: اشش كافي، يله خلي افتح اديك ورجليك وكوم وياي اكل، حتى اعقم جروحك.
فتحت اديه ورجليه راسن حضني وبقى يبجي.
ازل-: هيج دموعك رخيصة تبجي كدام اي واحد؟
غيث-: لا، بس اني خطأت واريدج تسامحيني ع خطئي لأن اني غبي، غبي.
-: امشي خلي نطلع من الغرفة.
طلعنة واول ما شافة بابا.
اشرف-: ازل ليش طلعتي من الغرفة؟
ازل-: بابا عوفة، اعترف بخطأه وسامحتة.
اخذت غيث للمطبخ بس كوة يمشي ساند نفسه عليه، اخذته للمطبخ وكعدته ع الكرسي وسويتلة اكل، كعدت اوكل بي لأن ما يكدر ياكل.....
من كملت جبت المعقم والكطن وكعدت اعقم بالجروح مالاته وجسمة كله مشخط ومورم من الضرب بالاحزام، من كملت دخلتة الغرفتة حتى ينام من ردت اطلع.
غيث-: لا تطلعين من البيت ازل، بس تطلعين يرجع بابا يضربني ويربطني.
انداريت علي.
ازل-: غيث ما اكدر ابقى هنا بعد، لازم اطلع، واني اكل بابا ما اخلي يضربك.
غيث-: حتى لو كلتيله راح يضربني ومحد يكدر يوخرة مني غيرج.
-: شوف غيث اني صح سامحتك بس ما راح اكدر ابقى هنا واذا بقيت معناها ما عندي احساس واحس بالصار، واني كتلك مسامحتك بس كلبي مكسور من كلامك الي كلته عليه، والكلام بعده يرن بأذني وانت تكول انهزمت، تدري لو لا شسويت بيه من كلت هيج؟ ف اسفه ما اكدر ابقى.
كلت هذا الكلام وطلعت من الغرفة قبل لا اسمع كلامه رحت للصالة شفت ماما وبابا وليث.
ازل-: اني راح اروح.
اشرف-: وين ترحين؟
-: ارجع للفندق الإجرتة.
-: انتي مو تصالحتي ويه غيث بعد شكو ترجعين؟
-: بابا اني صح تصالحت وياه بس بابا لحد هسة مجروحة من كلامة وما اكدر انسى، يعني تريدني انسى كلمت مهزومة؟ شلون كلي شلون انسى وهو يكلي انهزمتي؟
حجيتها وبجيت، حضني بابا.
اشرف-: كافي لا تبجين، تردين اروح هسة اضربة؟ عادي ما عندي مشكلة.
أنت تقرأ
اسيرة انتقامه
General Fictionتدور أحداث الرواية عن فتاة تتعرض الخطف وهي تبلغ من العمر ١١ عام من قبل طرف مجهول... بعد عدة أعوام يطلق المجرم سراحها، وتبدأ بالبحث عن عائلتها الذين انتقلوا إلى مدينة أخرى بعد خطف ابنتهم. فهل تستطيع إيجاد عائلتها؟ هل سيعرفون ابنتهم؟ ما هو سبب تعرضها...
