اسيرة انتقامه

البارت السابع

_كون اموت اليوم وعدل ثاني يوم.
_اريد اشوف شلون تصبح عازتي.
_اريد اشوفن ياهو يشك ثوبه حيل.
_وياهو يتمضحك بنص ولايتي.
_امنيتي اشوف الناس شتكول من اموت.
_يا خطيه هيه هاي طلابتي.
_رايد احلفلي ابشر غالي بحيث من اجذب يهدر الدم مالتي.
_خلصت عمري محالفلي بصديق مره بأهل البيت ومره بداعتي.
_الكالي اموت عليك شيسوي من اموت.
_اخاف اموت ويمشي ويا كتالتي.
_وحبي هذاك الخلصت عمري ورا.
_كون كبل امي يبوس جنازتي.
_واني حسبالي يحبني وكتله زين.
_وكلبي حبه سنين ما حب ثاني.
_واني حسبالي اذا اطيحن يطيح.
_شو طحت واولهم العافاني.
_واني حسبالي اذا اموت يموت.
_طيحت الجادر وما اجاني.

للشاعر: علي نجم
◇◇◇◇◇◇◇◇◇◇◇◇◇◇◇◇◇◇◇

اسيره انتقامه
تأليف: جنات حيدر

♡♡♡♡♡♡♡

اشرف-: شبيج اشو هاي الايام اكلج قليل وجهج اصفر؟ تعبانة؟

رحاب-: ما ادري شبية يمكن تعبانة من الشغل.

-: اخذج للدكتور؟

-: لا ما حاجة هسة شوية واصير زينة.

-: لعد نامي وارتاحي.

صدك كمت بدلت وتمددت ع الجرباية ونمت، كعدت الصبح اليوم اول يوم ل ازل وغيث وليث جامعة....

كعدت حضرت الهم الريوك، اشرف هم عندة دوام، شوية واجوا كلهم ع المطبخ مبدلين، اتريكوا وراحوا اني رحت نمت لأن احس نفسي مابيه اشتغل....

ازل:- اليوم اول يوم النه بالجامعة وكلش فرحت لأن يم اهلي اني واداوم ويه اخواني، بابا وصلنة للجامعة اني اول وحدة دخلت للجامعة اخواني وصلوني ع قسمي وهم كل واحد راح القسمة....

اني ما خليت مكياج هواي بس حمرة خفيفة وكحل العيوني، ولبست رسمي سترة وبنطلون كامل لونة احمر وبدي جوة السترة اسود وشال وجنطة وحذاء(يكرمكم الله) اسود....

اول ما دخلت للقسم مالتي الكل وجه نظرة الي، شكو ما اعرف، ما اهتميت الهم دخلت للستيج وكعدت، شوية واجت طالبة، الطالبة مبينة مو من اربيل...

الطالبة-: هلو.

ازل-: هلو.

-: ممكن نصير اصدقاء؟

-: اي عادي.

-: اني اسمي استبرق، وانتي؟

-: عاشت الاسامي، اني ازل.

استبرق-: حلو اسمج، منو سماج ازل؟

ازل-: ماما وبابا اختارولنا هذا الاسم.

-: اختارولكم! شنو اختارولكم قصدج اختارولج؟

-: لا اختارولنا، لأن اني عندي اخت توأم وياي وسمونا غزل وازل.

-: اهااا، زين اختج وين؟

-: اختي ميتة.

-: الله يرحمها.