شده.؟
ما.؛) تعدت عمري عده.
ومن؛ يوم الصرت؛ لليوم شده.
والله؛ تبهذلت؛ بس الله موجود؛./
لو ما؛ الله ما ضل ساعة وحده.
لأن؛مليت من الناس يا ناس؛.
والباب المشرع؛ راح اسده./)
للشاعر: حسين السلطاني
◇◇◇◇◇◇◇◇◇◇◇◇◇◇◇◇◇◇◇
اسيرة انتقامه
تأليف: جنات حيدر
♡♡♡♡♡♡♡♡
ازل:- شفته اسر، شلون شافني؟ يارب شنو هاي المصيبة الوكعت نفسي بيها.... هسة شيخلصني منه.....
ازل-:( ببجي) اسر عوفني عوف ايدي اريد اروح ادور اهلي مليت اريد اشوف اهلي.
اسر-:(بعصبية) ليش طلعتي؟
ما جاوبت بس ابجي
اسر-:(بصياح) ليش طلعتي ليششششش؟
هم ما جاوبت
اسر-: امشي بسرعة امشي حسابج بالبيت مو بالشارع.
يمشي ويجر بية واني بس صوت البجي يطلع مني... وصلنة للبيت دخلني وشمرني بالطرمة اكو مثل الصعده تصعدينها ياله تفوتين للمطبخ من شمرني بالكاع وكعت على الصعده وانضربت براسي بعدها ما حسيت بشي....
اسر:- جنت نايم وحسيت ع شخص دخل الغرفتي فتحت عيوني ع كيييف حتى اشوف منو، شفتها ازل لابسة عبايتها وشال....
اتقربت من الجرباية واخذت المفاتح واخذت فلوس بقت عيني عليها، طلعت من البيت طلعت وراها ع كيييف ومن تندار وراها اختل بمكان حتى ما تشوفني....
من وصلت ع الشارع الرئيسي شفتها رادت تأجر سيارة راسن جريتها من ايدها واسحل بيها من وصلنا للبيت شمرتها بالكاع بالطرمة صار راسها ع الصعدة وبعد ما كامت، كلت اكيد كاعد تسوي هيج حتى ما احاسبها جبت كرسي بالطرمة كعدت وهي صارت كبالي.....
صحت عليها ما جاوبتني بقيت كاعد منتظرها شوكت تكوم، فجئة وشفت دم يطلع من جو راسها شصار بي راسن ركضت عليها واشوف راسها مغرك دم احرك بيها ما تتحرك اريدها تكعد ماكو جبت مي وغسلتلها وارش ع وجها ما تفتح ولا تحرك ايد ولا رجل عبالك ميتة.....
بسرعة اتصلت ع صديقي مؤيد.
اسر-: مؤيد بسرعة جيب الدكتور وتعال بسرعة.
مؤيد-: شبيك اسر شكو؟ حتى سلام ما سلمت صاير شي؟
-:(بعصبية) مؤيد بلا حجي زايد جيب الدكتور بسرعة لا تتأخر.
حجيت هيج وسديت الخط، شلتها دخلتها الغرفتها خليتها ع الجرباية وكعدت يمها، شوية شوية وحسيت نفسها يقل والدم بعدة يطلع من راسها.....
رجعت خابرت مؤيد وعطت بي.
اسر-: ولك وين صررررت؟ البنية راح تموت.
مؤيد-: هسة بالطريق جايين.
سديتة منة وبقيت احاول اكعدها ماكو ملابسها وملابسي انترسن دم، شوية وسمعت صوت الباب رحت فتحتة....
أنت تقرأ
اسيرة انتقامه
General Fictionتدور أحداث الرواية عن فتاة تتعرض الخطف وهي تبلغ من العمر ١١ عام من قبل طرف مجهول... بعد عدة أعوام يطلق المجرم سراحها، وتبدأ بالبحث عن عائلتها الذين انتقلوا إلى مدينة أخرى بعد خطف ابنتهم. فهل تستطيع إيجاد عائلتها؟ هل سيعرفون ابنتهم؟ ما هو سبب تعرضها...
