من بعد المواقف والتجارب ذيج
_وضعفك ونكسارك تبدي تتعلم
_تتغير ويبدي الحار يبرد بيك
_وتتعود عيونك كلشي ما تحلم
_ما تعتب بعد وتموت بيك اليش
_وما تضطر ادور ع العذر مرغم
_تشوفك غير واحد صدفه المرايات
_مو ذاك الكبل من كلشي يتألم
للشاعر: مصطفى جواد
◇◇◇◇◇◇◇◇◇◇◇◇◇◇◇◇◇◇◇
اسيره انتقامه
تأليف: جنات حيدر
♡♡♡♡♡♡♡
كرم:- هو اني اريد اطلكج بس كلت خلي امها تصير زينة ياله بس هاي انتي هم ردتي وباجر راح اطلكج.
ازل:- انتظرك.
كرم:-باي.
ازل:-باي.
غلقت الخط واني ميتة قهر ليش هيج سوه بس احسن من ما اتعلق بي وبعدين ياله يعوفني هسة عافني احسن......
طلعت من غرفتي، اروح اشوف ماما، دكيت باب الغرفة طلعلي بابا....
ازل:- ماما شلونها؟
اشرف:- زينة، بعدها نايمة.
ازل:- يله اني راح اروح احضر غدة.
اشرف:- ازل شبيج شو مو ع بعضج؟
ازل:- ما بيه شي.
:- ازل تعاي كدي سولفيلي شكو؟
كعدنة اني وبابا بالصالة وحجيتلة ع كرم احجي وابجي.....
اشرف:- خلي يولي ما يستاهلج وهسة اني شوفي شراح اسوي بي اذا ما اخلي يتندم.
ازل:- بابا لا تسوي شي بس خلي يولي.
{بعد مرور عشرة ايام}
ازل:- صار عمر عسل ١٥ يوم وكرم طلگني بابا راد يسجنة بس اني كتلة يعوفه، ماما صارت زينة ورجعت تشتغل بالبيت، خوالي رادوا يصالحون ماما بس ماما ما قبلت وشكد رادوا يحجون وياي ويسولفون وياي بس اني ما انطيتهم مجال ولا خليتهم يحجون وياي ع السوو بماما.....
اليوم كاعدين بالليل واندك الباب كام بابا يفتحة شوية وصاح سوو مجال اني وماما فتنة بالمطبخ وبقينة نباوع منو الاجة دخلوا شكد ناس للاستقبال ناس وشيوخ شكو ما ادري....
اجة ليث....
ليث:- حضروا چاي بسرعة.
ازل:- شكد؟
ليث:- ١٥.
ازل:- منو اجة؟
ما جاوبني، عافني وراح، بقيت احضر بالچاي وماما يمي تلعب ب عسل، كملت الچابي واتصلت ع ليث اجة اخذة.....
اشرف-: اجوا شيوخ وناس كبار جايبهم كريم اخو رحاب، جايبهم حتى نقبل اعتذارة، طلعت من الاستقبال اريد اكل الرحاب اشوفها تقبل لو لا....
رحت شفتها هي وازل وعسل بالمطبخ، صحتها ودخلت للغرفة، اجت وراي....
اشرف:- رحاب راح اكلج ع شي بس لا تعصبين.
أنت تقرأ
اسيرة انتقامه
General Fictionتدور أحداث الرواية عن فتاة تتعرض الخطف وهي تبلغ من العمر ١١ عام من قبل طرف مجهول... بعد عدة أعوام يطلق المجرم سراحها، وتبدأ بالبحث عن عائلتها الذين انتقلوا إلى مدينة أخرى بعد خطف ابنتهم. فهل تستطيع إيجاد عائلتها؟ هل سيعرفون ابنتهم؟ ما هو سبب تعرضها...
