اسيره انتقامه
تأليف: جنات حيدر
♡♡♡♡♡♡♡
كريم:- احنة نريد نطلب منكم طلب وان شاء الله ما ترفضون هذا الطلب.
اشرف:- كول، ان شاء الله اذا نكدر علي ما نرفضة.
كريم:- اريد ازل لأبني اسد.
انصدمت من خالوا شنو يريدني لأبنة، اني ما اوافق حتى لو اهلي وافقوا كافي نخطبت مرة وحدة وما صارت، ما اريد بعد......
اشرف:- اي عيني ادلل، بس لازم بالبداية ناخذ رأي ازل.
ازل:- ما اوافق لأي شخص يجي يخطبني مو بس اسد.
كريم:- ليش خالوا؟
ازل:- اني ما اريد، كافي بعد انخطبت مرة وحدة وما صارت كافي.
كريم:- فكري ننطيج وقت ع راحتج فكري بالكت توافقين.
راحوا بيت خالوا كريم وحجوا وياي ماما وبابا حتى اوافق بس ما قبلت لأن ما اريد عافوني اهلي ما حجوا وياي بعد ع الموضوع، رحت الغرفتي كعدت اكلب بالموبايل فجأة اجت عيني ع صورة من صور اسر بموبايلي.....
ما اعرف اخبارة بعد، وين راح؟ انسجن لا؟ واذا انسجن طلع من السجن بعدة؟
بقيت كاعدة افكر باسر بعدها رحت تمددت ونمت.....
رحاب-: بعد معاناة طويلة ياله قبلت اعتذار اشرف ورة ما راحوا اهلة واهلي بالعزيمة اجة اعتذر مني وكال بوكت عصبية صيحت عليج ومن هذا الحجي بس ما قبلت ورة كم يوم ياله قبلت الاعتذار منة.....
عسل صار عمرها سنة وبقت تزحف بالكاع بس تستغرب من الخطار اليجونة بس تشوفهم تبقى تبجي، ومن عبن احنة دائما يمنا خطار بس ما اعرف ليش بس تبقى تبجي من يجون خطار......
[بعد مرور سنتين]
ازل-: بهاي السنتين الراحت جانت كورونا وكلش تأذينا بأيام كورونا لأنبابا.صار بي كورونا هو وماما وحجروا نفسهم بغرفة واني اوديلهم الاكل واجيبة من عدهم واعقم البيت واطبخ،واختي عسل بقت يمي وكل شوية تريد تروح يم بابا وماما ومن ما اخليها تبقى تبجي واخواني هم شكو بنفسهم بيهم كورونا ما خليتهم يقتربون يم عسل لأنبعدها طفلة ونخاف عليها،بس الحمد لله عدت الايام واتشافوا اهلي من كورونا.....
اليوم حفلة تخرجنا اني وغيث بس ليث مو هسة يتخرج لأن دكتور اسنان وبعد مو هسة يتخرج.....
رحت قبل الحفلة بيوم اني وماما للسوك واشتريت فستان ومن جوة شوية منفوش لون وردي فاتح وبي شذر فضي وحذاء (اكرمكم) عالي لون ابيض وجنطة هم ابيض وبيها فضي واشتريت اكسسوارات فضية وشال ابيض.....
وروب التخرج هم اشتريتة، واخوي غيث جاب قاط من السوك وهم اشترة روب تخرج.....
رحنة كلنا للحفلة مال تخرج حتى ليث ويانة وخوالي وخالتي وبيبي وعمي وعمتي هم ويانة لأن كلهم اجوا الأربيل يستقرون هنا، وجان اجمل يوم كلش حلو واني من لبست الفستان ومكياج طلعت اخبل(شوية دلع النفسي) ههههه....
أنت تقرأ
اسيرة انتقامه
Ficción Generalتدور أحداث الرواية عن فتاة تتعرض الخطف وهي تبلغ من العمر ١١ عام من قبل طرف مجهول... بعد عدة أعوام يطلق المجرم سراحها، وتبدأ بالبحث عن عائلتها الذين انتقلوا إلى مدينة أخرى بعد خطف ابنتهم. فهل تستطيع إيجاد عائلتها؟ هل سيعرفون ابنتهم؟ ما هو سبب تعرضها...
