اسيرة انتقامه

البارت الحادي عشر

_شويه شويه تطفى الناس مثل النار
_ومثل تل الرماد وجوههم تلتم
_وشبابيج المكابر تنفتح والريح
_تعصف بيها حد ما تبدي تتثلم
_واتورث الجكاره وتنتجي وتشوف
_كدامك ملامح ناس تتهدم
_وتجي الوادم تسألك وين المتعبيك
_وين العاشوا على امتون كلبك هم
_وين التشتعل من ما يجونك نار
_ويضل دخان روحك من بعد ينشم
_وين الجانوا من تعوفهم لحظات
_تضل مثل الجروح التنتظر بلسم
_معقوله المواگد هاي جانت ناس
_گبل يمك يمر طاريها تتلعثم
_معقوله المواگد هاي جانت ناس
_گبل يمك يمر طاريها تتلعثم
_هنا لحظة برودك تنغز الدفان
_من تسكت ثواني وترد تتبسم
_من گبل الجواب تباوع على الگاع
_ترد للسئلوا تكلهم الله اعلم

للشاعر: مصطفى جواد
◇◇◇◇◇◇◇◇◇◇◇◇◇◇◇◇◇◇◇

اسيره انتقامه
تأليف: جنات حيدر

♡♡♡♡♡♡♡

اشرف:- اريدج تسمعيني زين، الفيديو الواريتة الج وانتي بالمستشفى هو نفسة الواصل الاخوانج ومن هيج اخوانج ضربوج لأن انتوا عائلتكم الكل تعرفكم وسمعتكم حلوة مو يجون الناس ويشوفونج طالعة بلا حجاب، والفيديو صارلي اسبوع اريد اتأكد هو حقيقي او لا بس طلع مو حقيقي طلع مسويلة تعديل ومخلين صورتج علية وهاي مو انتي.

انصدمت من كال هيج شنو يعني يردون يسوون مشاكل ويه عائلتي؟ زين منو السوة هيج؟

رحاب:- زين حتى لو شافوني بالحقيقة بدون حجاب هيج يضربوني ويأذوني؟

كلت هيج وعفت اشرف وكمت طلعت من الصلاة دخلت للغرفة كعدت ابجي ليش هيج يسوون بيه؟ ومنو هذولة السوو هيج؟

بقيت كاعدة ابجي شوية ونمت.....

كريم-: اليوم كلنا مجتمعين بالبيت اني طلعت لأن متعلم بالليل اطلع وية اصدقائي، واني بالكوفي يم اصدقائي وصلي فيديو من رقم والفيديو هو اختي رحاب طالعة بالشارع بدون حجاب.....

من شفت الفيديو ما ضل براسي عقل رأسن طلعت بسرعة من الكوفي واصدقائي يصيحون عليه ما انداريت عليهم، رحت بسرعة للبيت اول ما وصلت فتحت الباب ودخلت شفت رحاب كبالي جريتها من شعرها وهي تصرخ.....

نزعت الاحزام وبقيت اضرب بيها شوية واجو اخوتي البقية هم بقو يضربون بيها،ووهاي اول مرة نمد ايدنا ع وحدة من اخواتنا، ثلاثتنة عليها نضرب بيها وهي بس تصرخ وامي واختي زهراء هم يصرخن....

فجأة اختفة صوت رحاب عفناها والدم يجري منها باوعنة عليها مغمضة عيونها وما تتحرك انحرك بيها ماكو، شفت امي كاعد تتصل ع اشرف عفناها اني واخوتي وطلعنا من البيت.....

مر اسبوع وكل ما اشوف رحاب اريد اكمشها واكتلها وما احجي وياها وما اشوف وجها يعني اذا شفتها بمكان لازم اكون اني واعوفها ما اريد اشوف وجها....