في عينيك هانت كل اشواقي ياربة الحسن تنوين تنوين إغراقي؟ الكاتبة إعتام.

البارت١٠.

الجد بخوف.:وش فيها كذا تعبت ماكان فيها شي؟.
ندى بتمثيل الخوف اقتربت من علياء وضمتها بشويش وبدت تقرا عليها وبعصبية قالت.:علياء لها ثلاث سنين كذا اذا خافت ولا تضايقت يجيها انهيار عصبي كله منكم وكله منك انتِ كله منك الله لا يسامحكم اختي م تتحمل هالشي.
الجد بعصبية.:انتِ لسانك طويل ويبي له قص.
ابو غسق بتفهم.:يبه البنت خايفه ع اختها خل نؤديها المستشفى.
علياء بتعب قامت.: لا انا بخير بس شوية تعب.
ورجعت طاحت على ندى.
عمتهم منيره.:يبه البنت محتاجة راحة بس واضح خلونا نطلعها الغرفه ترتاح فيها وان شاءالله بتصير كويسه.
الجدة.:خلاص منيره طلعيها انتِ وندى فوق ترتاح وتنام وعطوها اكل طول اليوم م اكلت زين.
ندى اقتربت منها مع عمتي منيره وقاموا ساعدوها كانوا البنات يبون يطلعون وراها بس جدي منعهم لاجل ترتاح.
اما انا لا تسألوني عن حالي تأنيب ضميري كان اقوى مني خصوصا اعتذارها ونبرتها انا السبب صح كلام ندى اذا صار ب علياء شي او بنفسيتها ماراح اقدر اسامح حالي ماكنت ابيها حتى تعتذر مني.
الجد بهدوء.:غسق جدتك تبي تقولك شي.
غسق طالعت فيه والكل طالع واستغرب؟.
الجد عطاها نظرة قامت تقدمت الجدة وقالت.؛انا اسفه يابنتي حكمت عليك بقسوة تعرفين السكري والضغط مسيطرين علي اتمنى تسامحيني.
غسق بحنية.: ليش تعتذرين مني انتي بمقام امُي وانا مازعلت ولا بزعل منكم انتم اهلي
الجدة ببغض وكرهها الشديد لها ولأمها.:الله يسعدك يابنتي انشهد انك اصيلة وقلبك طيب واعذريني وانا امك الكبر له دور وتسرعت هالمره .
غسق حسيت اني تسرعت بالحكم على جدتي واضح لي انها ندمانه وتحبني لكنها تسرعت مثل ماقالت لي واكتفيت بالرد بأبتسامه لكن قلبي مقبوض على  علياء خايف عليها من الانهيار والتعب.
تكلمت غلا بنت عمِي.:جدي انا طالبتك قِول تم لا تردني تكفى تكفى تهز الرجاجيل طلبتك ياجججددددد.
جدي بضحكة.:تم على هالخشم .
حلا بلقافة.:ياجد نبييييي نفتح اسطبل الأحصنة انت قِلت بعد يومين بتجي الأحصنة حق الأولاد واحنا نبي ليش بس الأولاد.
الجد برفعة حاجب.:بنات واحصنه!!لا اكيد.
غلا تقُوم وتحضن الجد.:جدي حبيبي انت قلت لي تم.
ع الاقل لا تشتري لنا أحصنة حق العيال موجودين نجربها لمدة ساعة بس.
الجد.:تعرفين كيف تقنعني خلاص تم.
حلا بتأفف.: ابي اعرف ليش كل شي للعيال واحنا البنات محرومين هنا .
الجد بعصبية.:بنت وش قاعده تقولين
حلا بضحكة.:فديت المعصب يناس
الكل ضحك على خبال هالبنت ماتتغير .
عبدالعزيز دقيت على السايق لاجل اعرف اذا وصلت اختي ولا لاوقتها  لالسايق مارد وتنرفزت دقيت عليها بعد ماترد لين متى أفهمهم اني اكره البنت تروح مع السايق وخصوصا لو كانت لوحدها وبعدين معها يعني بس توصل لي تصرف ثاني معها !!انا مادري متى تكبر هالبنت وتترك  هالتصرفات الطفولية!!
الا بدخلت فهد وخالد علي!.
فهد بطقطقه.:شكِلك خرفت وصاير تكلمك نفسك ايه العمر له دِور.
عطيته نظرة ترا مو وقتك ومالي خلقك
خالد ب استهزاء.:بشويش ياخوي على عيونك لا تنبط.
عبدالعزيز استغربت من نبرة الاستهزاء اللي بصِوته،رديت بُرود.:ماعتقد انت يخصك اخرج منها،وتعلم م تتدخل وتتليقف وتحشر نفسك بينا.
عند الشباب بـ لندن-.
عند سالم
مر وقت طُويل من روحت الشباب مابقى معي الا فيصل اللي طلبت منه يتركني لحالي محتاج اقعد هالقعدة ثم جلست إفكر باللي سُويته وإحساس تأنيب الضمير مو راضي يتركني..ياربي انا ليش سويت كذا ماكان ل محمد ذنب بالعصبية المُكبوتة فيني والمفروض ماقول هالكلام له ماعتقد لو اني مكانه راح اسامح الشخص اللي قالي هالكلام؟؟ الحين الأفضل إفكر وش بسُوي لان الندم ماراح ينفعني  بشي بس وش بسوي؟؟؟ الا بفيصل يجلس قبالي وهو مبتسم.:بقولك شي تدري انا ليش ماروحت معهم؟لاني عارف ان داخلك مهب قاصد هالشي!!وان هالكلام طلع من كِبت لفترة طويلة جداً فيك بس الغلط انه طلع بطريقة غلط مع الشخص الغلط،لا تفكر كثير صدقني مُجرد اعتذار منك راح يتضبط الوضع صحيح كلامك يجرح لكن تقدر تعدل هالغلط دامك عارف وندمان عليه مو عيب انك تغلط العيب أنك تستمر بهالشي!لازم تعرف كيف تمسك نفسك وقت الغضب!بالنهاية انت المتضرر الوحيد منها،ويلا قُوم قدامي نروح عندهم بالمطعم دق علي عبدالعزيز وقالي انهم بالمطعم ومحمد ماخذ على خاطره ماودك تجبر بخاطره وتخليه يسامحك وينسى؟
سالم بتردد.:بس الكِلام كان ثقيل ولا اعتقد انه راح يقبل اعتذاري؟.
فيصل ابتسم.:وتظن ان محمد من النُوع اللي يشيل بقلبه على شخص ندمان ومعترف بغلطه وجاي لين عنده؟.
سالم ابتسمت له لاني عارف محمد وطيبة قلبه وخصوصا لو كان الانسان ندمان وجاء من خاطره الاعتذار،قُمت وانا كلي أصرار انه يسامحني وأساعده واضبط علاقتي اللي بالفترة الاخيره خربت مع العيال بسبب عصبيتي ومقارنة ابوي الدائمه بيني وبين عبدالعزيز.
عند عبدالعزيز وخالد-.
خالد بُكل برود.:والله مجبُور أتدخل اذا كان الموضوع فيه قلة احترام للي موجودين ياولد عمي الغالي.
عبدالعزيز.:ماهي مشكلتنا اذا صاير حساس كأنك بنوته وتحسس من اقل كلمة؟.
خالد بكل شُموخ.:اني أراعي مشاعر الناس وانتبه لكلامي مايقلل من رجولتي ولا يحطنّي بخانة البنات،الله يعينك على عقليتك اذا كانت كذا؟.
عبدالعزيز.:الله يعيني عليك اذا مع كِم كلمه راح تقلبها محاضرات عن الرجولة..