في عينيك هانت كل اشواقي ياربة الحسن تنوين تنوين إغراقي؟ الكاتبة إعتام.

البارت١٣.

غسق ضحكت على نبرتها ثُم بجدية.:احس داخل عيونك حزن؟ نوره ليش احس فيك تردد وقلق وخوف فضيع لما تكونين حولنا ؟ عكس لما تكونين لوحدك احس تتطمنين ويختفي هالاحساس؟وأحيانا احسك ودك تقومين وتُروحين من عندنا احس هالمكان قاعد يخنق لك واحس ان داخلك مو راضي بس من جهه راضي؟.
نوره بألم.:يالله ياغسق كيف عرفتِ هالشي عني؟اذا اخواتِ اللي دايماً ويا بعض ماحسوا بمشاعري ذي كيف انتِ حسيتِ واحنا ابتعدنا عن بعض من مدة طويلة ولا عاد تقابلنا وحتى نقلتِ من مدرستي كيف عرفتِ مشاعري واحنا ابتعدنا وكيف عرفتِ خوفي؟.
غسق اوجعتني كلمة ابتعدتِ على انها عارفه اني انا السبب بهذا البُعد لكن قالتها بطريقة الجمع اني انا وهي ابتعدنا عن بعض قد ايش هي منتبه على اثر كلماتها معي وانا الملومة ههه لو احد غيرها وانا اولهم كنت مُستحيل اقول كلمة ابتعدنا دام اني ماسويت هالشي بالعكس كنت اقوله انت اللي ابتعدت ماراح اجمع نفسي ب خانة البُعد وانا اللي حاولت،نوره حاولت معي كثير تواصلت معي كثير حكت معي كثير حتى كان ودها تنقل معي لمدرستي الجديده لكن انا صديتها وصديت الكل ب اقوى م عندي ومع ذلك للحين كعادتها تخاف علي ولا تحب تزعلني وتنتبه لكلامها علي ليش؟.
غسق.:طيب إبي اسمع السبب؟لاني ابي أشارك هالشي ؟تسمح لي أشارك هالشي؟وتشاركني بحزني؟.
نوره بأبتسامة.:انتِ بدون طلب تشاركيني حزني انتِ اختي وصاحبتي وصحبة طُفولتي البعد ماغير من مكانتك عندي وعارفه ان مكانتي م تغيرت عندك..بس خليها بالليل شرايك نُروح نجلس برا ونجيب لنا فشار واكلات خفيفه ونقعد نحكي ونضحك ونبكي سواء؟.
غسق بضحكة.:عجبتني نبكي ونضحك سواء قدام..بس بعد شرايك اجيب اللاب حقي ونتابع فيلم من افلام دزني مثل ماكنا ايّام المتوسطة؟مع الايسكريم.
نوره.:كم انتِ مُذهلة ياصديقتِ لم تنسي ذلك.
غسق.:نعم نعم انا لا انسى أيام طفولتنا الشقية.
وبعدها طالعنا بعض وأصدرنا صُوت ضحكة عالية لدرجة كِل اللي بالمجلس طالعوا فينا من جدي وابُوي وعمي ..وجدتي وعماتي مستغربين..ابُوي ابتسم بكل حُب اني قاعده اضحك ومستانسه من زمان ماشافني كذا..اما جدي استانس اني بديت ارجع علاقتي فيهم.
بعدها اتفقنا ناجل جلستنا لبكرة بسبب ان جدي قاعد يسوي تعديلات ع المزرعه وقضيت باقي يوم اكلم لولوه وانبسطت ياعمري كيف صار الوضع معي.
عند الشباب اليوم التالي-.
هبطت الطايرة لارض الوطن وفي داخل كل شخص فيهم حُلم وأمنية ومخططات راح يسُويها وكل واحد فيهم باله مشغول..سالم بالّي مشغول مع اللي راح يصير راح اثبت هالمره لابُوي اني تغيرت وقد المسؤولية ومستحيل اسمح له يقارن بيني وبين عبدالعزيز بس هالمره ماراح يكون ب اسلوبي الهمجي
المعتاد راح اغير طريقة كلامي وتفكيري وراح اجيب ابوي من الطريق الصح والمهم اثبت لنفسي..محمد كنت افكر في نوره اللي اخذها واحد غيري على اخر علمي فيها انها جابت بنت سافرت لاخر الدنيا لاجل انسى ذاكرها لكن على مين انا وين ماروحت راح يبقى ذاكرها بقلبي بس..وبرضو اشتقت لعلياء اتمنى تُكون تغيرت وبطلت ترضا ان ندى تتحكم فيها حتى ندى اللي طول وقتنا هواش مشتاق لها مهما كان ذي اختي الصغيره..عبدالعزيز اخيرا تخرجت وراح اخُطب البنت اللي إبيها من كنّا صغار لكن لازم تأكد من مشاعرها لكن من جهه خايف ان مالها مشاعر لي..فيصل الحين اكيد جدي راح يوظفنا عطول طيب كان فِي بالي انِ ارتاح وأستأنس بعد التخرج وأسافر واعيش الوناسه اللي في بالي وبعدين يعني؟سعود..قد ايش مشتاق للسعودية والرياض وأهل الرياض اشتقت ل غسق وحشتني اخر مره ماكان صوتها عاجبني وهالمره بما اني رجعت راح افرض عليها التغير دامها مانفذت وعدها لي ب انها تدرس وتغير من شخصيتها اللي قاعده تدمر فيه نفسها وصحتها ونفسيتها...
عند البنات-
غسـق"كنّا انا ويا البنات قاعدين بالصالة الكبيره والحريم بغُرفة الحريم لحالهم اما علياء فُوق اعتقد تكلم فهد وتبي ترتاح وتنام تركتها ندى لاجل تاخذ راحتها وانضمت لنا وحبينا نقعد هنا عشان ناخد راحتنا بالحش على قولت غلا هالبنت تُموت ضحك فاصله اليُوم بشكل مو طبيعي عاد استغربت شفيها.
ف حبيت اسألها غسق.:ندى وش فيك اليوم مستانسه هالكثر الله يزيدك وناسه بس استغربت شفيك !.
ندى رفعت راسها من على الجوال اللي  من قعدت عليه ولا شاركتنا الحكي وبرفعه حاجب.: شفتي كم مره قلنا لك اثقلي فشلتنا !!!الثقل بُصوب وانتي بصوب ابد مهما نعلم فيك تبقين غلا الخفيفه تعلمي!
غلا ترمي المخده على ندى.:كلي تبن انتي انا أعلمكم كلكم الثقه والثقللل وأعطيكم دورات مجانيه لو تبون
ايلاف بضحكة.:اي تعلمينا وانتي اليُوم فاضحه نفسك بنفسك  الكل عارف وكاشفك قالت ثقه بس هههه!
حلا وهي تضحك .:عاد عطاري الدورات  اقول شرايك تعلمينا ب دوراتك كيف نجيب رأسهم مثلا؟؟؟.
حلا"فجأه الكل يطالع فيني ويعطيني نظرات ويخزني ويضحكون بطقطقه وخصوصا غلا نرفزتني!".
حلا  بعصبية .:شفيكم ويع بشويش ع عيونكم جعلها البط على ذي نظرات تخرع!!.
ندى بغمزه.:قالت تبي طب واكبر أولوياتها طب ها .
ايلاف.:من تحت