في عينيك هانت كل اشواقي ياربة الحسن تنوين تنوين إغراقي؟ الكاتبة إعتام.

البارت١١.

عبدالعزيز.:لا ماقلبنا شي مو مشكلتي اذا يفسر الكلام المازح نكد!.
خالد.:المزح شي والنفسية شي وقلة الاحترام شي يا أخ ماظن راح اعلمك التربية صح!!!.
عبدالعزيز تقدمت لخالد وانا أغلي من داخلي لاني ماسمح لاحد مين ماكان يقلل من تربيتي !!إبتسمت له وهو انصدم من ابتسامتي له  لكن فجأه بدون سابق إنذار مسكته من ثُوبه وقلت.:اسمعني زين ياخالد مو انا اللي تقلل من تربيتي لاني راح اعلمك التربيه كيف تُكون!!.
خالد بعصبية بعد عني ودفني.:تخسي تعلمني وقبل لا تتفلسف علي روح ياولد امُك علم نفسك التربيه .
عبدالعزيز لما جاب طاري امُي عصبت اكثر واكثر.:اسمع ياحيوان ان جبت طاري أُمِّي لو بنص كلمه قسم بالله مايصير فيك خير وراح اعلمك مين عبدالعزيز انا للحين محترم نفسي كونك بزر لا تخليني اعلمك كيف تتطاول على اللي اكبر منك.
خالد ب استهزاء وبُرود.:يلا علمني كيف؟حاب اشوف؟.
عبدالعزيز بحلف.:يمين الله لا تندم ع هالشي وراح اذكرك فيه وتذكر كلامي زين وهالموقف.
خالد.:نش...
فهد تدخل وقاطع حكيه وفك بينا وَهُو معصب.:انتم وش فيكم داخل هواش والحين هواش فكوا بعض وفوكنا من المشاكل اذا مو عشان انفسكم عشان جدي اللي تعب اليـوم ترا صحته مهيب زينه لو شافكم تهاوشون كأنكم بزران وش بيقول !!!.
عبدالعزيز بُرود.:عاد من دق الباب سمع الجُواب.
خالد بُرود وضحكة نرفزتني لكن تظاهرت بالبرود والمبالاة وقررت اخرج برا لان لو بقيت راح يزداد بينا الهوش وراح تكون كارثة لجدي.
"فهدبعد ماخرج عبدالعزيز ألتفت لخالد"وقلت.:ماكان له داعي مُوقفك وترا نظرته وحركته دايما انت تسويها عادي وكلنا نسويها شحقه عصبت وكبرتها؟.
خالد"وانا اقدر اكون طبيعي معه بعد اللي سمعته من غسق".:مافيني شي وهو يستاهل غروره زايد علينا وعلمته قدره وتكفى قفل المُوضوع،وخلّينا الحين بموضوع علياء.
فهد.:ليش وش فيها علياء؟؟؟.
خالد باستغراب.:ماتدري؟.
فهد.:ادري عن شنو؟.
خالد.:اختِ علياء قبل شوي رجعت لها حالتها العصبية وانهارت وجاها ضيق تنفس حاد ودوخت ؟.
فهد بخوف.:ليش وش صار عشان يحصل كذا !!وهي لها فوق الشهور ماعاد رجعت مثل قبل  بذي الحاله؟.
خالد .:انا بقولك بس توعدني م تعصب؟؟.
فهد ب استعجال.:وعد بس اخلص قول.
خالد.:السالفه ومافيها........
فهد لا رد انصدمت من تصرف علياء لكن من جهه اعجبت ب انها عرفت غلطها وتداركت غلطتها بُدون تدخل مني كالعادة وارتحت من ذي الناحية وارتحت اكثر انها اعتذرت لكن استغرب ليش دوخت انا اعرف ان الدوخه وضيق التنفس والقلق والتوتر مايجيها الا بُموضوعها لكن شعلاقة موضوع غسق في فقد عذريتها ش لان هالحالة م تجيها الا اذا تذكرته او حد سالها عنه او حد فتح الموضوع معها.

عند الشباب بلندن-.
كانوا يتعشون وكان الصمت مُسيطر على الجلسة لكن قطع هالهدوءصُوت رسالة لجوال عبدالعزيز..محتواها انا وسالم جاييين ياليت تمهد للوضع قبل لا نوصل نص ساعه كذا واحنا عندنا حاول تراضي محمد شوي.
عبدالعزيز سالم بيجي؟ وواضح انه يبي يتصالح مع محمد؟شحصل مُو هذا قبل شوي تفل علينا هههه بس وش بسُوي وش اقول حتى اهدي الوضع الله لا يوفقك يافصيل كل مهمه صعبه تعطيني اياها..خطرت بالي..
عبدالعزيز بتمثيل وحزن.:شباب.
طالعوا فيه واستغرب سعود ملامح وجه الغريبه؟.
عبدالعزيز بتمثيل.:تعرف ليش سالم كان معصب؟.
محمد لا رد...
سعُود.:لانه انسان يحُط غضبه في الناس اللي عنده.
عبدالعزيز.:لا مو كِذا عاد لا تظلمه ياخوي؟؟.
سعود بإستغراب.:اجل وش السبب ههه؟.
عبدالعزيز.:انا اقولكم..عمي سالم حب وحده وجدي كان رافض الوضع والخطبة ذي لانهم من عايلة ميسورة وأنهم مو من مقامنا ولا يمكن يقبل..
سعود انصدم وحتى محمد وانا جاتني ضحكة بس كتمتها ياربي م أتورط بس حاس اني تورطت اساسا.
سعود.:ومين ذييييي العايلة؟!ومن وين يعرفها ومتى كان بيخطبها وهو دايما موجود !!مانزلنا للرياض؟.
عبدالعزيز تورطت.:اي لما نزل الرياض فاتح جدي.
محمد.:ومتى نزل الرياض اساسا حتى يكلمه؟.
عبدالعزيز تذكرت.:تذكرون مره ان جدي مرض!؟.وحذف الترم سالم وقعد تقريبا ٧ شهور؟وقتها شافها وهي عند عمي ابو سعود وحبها وكان ناوي يخطبها وقتها بس جدي رفض وحلف انه يتبرا منه.
سعود .:في بيتنا احنا؟؟؟ومين ذي اساسا؟؟؟.
عبدالعزيز بكذب وتورط.:انا ماعرفها لكن سمعت انها صاحبة غسق اختك وشافها لما كانت طالعه من عندها.
سعود يتذكر غسق ماعندها الا صاحبه وحده وأتذكر انهم من أسرة فقيرة حتى ابوي قرر يساعدهم ويرسلهم مصروف شهري لان الابو ميت والعيال صغار والام كانت تشتغل فراشه لكن تعبت ولا قدرت تكمل اظن لولوه معقوله عمي كان يبيها ماعتقد انها ع مزاجه؟.
سعود.:اظن اني عرفت البنت المقصودة ولما عرفتها تاكدت الحين ان جدي مستحيل ولا يمكن يقبل فيها.
محمد بعصبية خفيفه.:انا مدري ليش جدي يبينا نعيش على كيفه وعلى قرارته وعلى ايش هو يبي ومايبي ماله حق يحرم سالم من البنت اللي يحبها ويبيها.
عبدالعزيز بتمثيل وحزن.:عشان كذا هو فرغ عصبيته عليك لاجل موضوعك يشبه موضوعه..انا ماقصدي شي ولا حبيت افتح الموضوع بس عشان أفهمك.
محمد لأرد....
سعود.:برضو ماله حق ويبقى غلطان ب حق محمد.
عبدالعزيز.:اكيد هو ندمان واكيد يبي يعتذر ع غلطته.
سعود برفعه حاجب.:مين يعتذر؟سالم؟اَي يصير خير.
عبدالعزيز قربت وقرصت يد هالغبي سعود والحمدلله ان محمد كان باله مشغول ولا انتبه لي التفت علي سعود بحده ان خير شعندك يالآخو