معلومة مهمة ... لتحكمون على القصة من البارت الاول
استمروا بالقصة علمود تتحمسون وتحكمون عليها
بداية موفقة ان شاء الله الي وياكم
قصة المنديل
قراءة ممتعة ... الكاتبة كاميليا
المنطقة اليرموك ... الساعه ٣٠: ١٢ ضهرا
اسراء : ريم .. ريم ..ريم يله كعدي حبيبتي ساعه ١٢ ونص
ريم : ها اسراء شتريدين حبابه اريد انام نعسانه
اسراء : كومي ولج اخوج وابوج طلعو من السته للشغل وغزولة بس تبجي من الصبح موتتني مادري شلون نضفت البيت وسويت غدة هسه همه ع جية وانتي بعدج نايمه يله كومي اخذيها نيميها واني اريد اطب اسبح كتلني الوصخ يمعودة
ريم : ولج يا غزوله بس الجمعه انام ولاحكيني الله واكبر ع راسكم
جريت اللحاف وغطيت راسي كلش تعبانه صارلي كم يوم منايمه من ورة الامتحانات
اسراء : ولج الله عليج بس شوية واخذها ادري بيج تعبانه من القراية يله بقن بس يومين وتخلصين بس حبابه بروح امج اخذيها
ريم : يوللو شلون وياج اني تعرفين ما ردج من تحلفيني بالعزيزة اووووف يربي تعالي انطينياها
* غزولة بنت اخوية عمرها سنة ونص تخبل ودبدوبة
بيضه وعيونها كلش كبار يشبوهها بيه بكلشي
واسراء زوجه اخوية حبابة كلش وياية ومتخليني اشتغل من عندي دوام دائما تكلي حققي حلم ابوج وتخرجي وصيري محامية
بس بالعطلة تطلع الشغل من خشمي ههههه
بس احبها لان ما عندي اخوات وامي توفت من جان عمري ١٠ سنوات بسبب مرضها اللعين ( سرطان )
مر على وفاة امي ٦ سنوات وبعدني ابجي عليها كلما اذكرها وبابا ميقبل يتزوج لان كلش جان يحبها يموت عليها ... ربي يرحمها
نيمت غزل وطلعت غسلت وجهي واكلت فاكهة لان بطبعي ما احب اتريك حتى من اروح للمدرسه اكل هناك كيكه واشرب عصير وهذا هو
انفتحت الباب مال مطبخ اجة بابا و رائد
ريم : هلو بابا شلونك شو اليوم طلعت للشغل مو جمعه
ابو رائد : اي بنيتي مو ابو البيت الكاعدين بي خابرني من البارحه وكلي تعال انت وابنك سوو السطح مالنه لان العام بالشتا جانت من تمطر ينزل المي ع الغرف الجوة فصبينا واجينه
رائد : وانتي شعليج نطلع الجمعه نطلع الخميس شيخصج انت .. حيري بدراستج محاميتنه ننننن
* كعد يقلد عليه هو هيج دائما احسه يغار مني لان اني واصله بدراستي وهو من الثالث وبطل
المهم ابوية حجه على رائد ميخلي يحجي عليه اببد
يموت عليه ابوية سندي هو
طبو يسبحون واحد ورة الخ واني واسراء حضرنه الغدة وتغدينة غسلت المواعين هي وطبيت اقرة اني
صف خامس ادبي وهاي نهاية السنه وبقالي بس امتحانين واخلص
أنت تقرأ
المنديل
General Fictionفتاة حلمها الوحيد ان تحقق امنية والدها تواجه المشاكل والعقبات وتتحمل كل شي الى ان ينتهي الحلم بالزواج ولكن بالشخص الخطأ وتسوء حياتها اكثر فأكثر ... الى ان تتخلى عن منديلها ل .... تابعوا الاحداث
