المنديل

البارت الرابع عشر،

اصيرن رعيد الله بسماه لليدنالك بكلمة
.
.
الكاتبة كاميليا ....قراءة ممتعة
.
.

ريم ، طبيت دا اقدم المي وانوب بتك ايد جان تنفتح باب الاستقبال واشوف اسد وكعت صينية المي من ايدي وصفنت على فقار
رجعت باوعت على اسد ضل صافن بعيني ويضحك ضحكه مخيفه مال صبرييلي

اسد : ماشاء الله كمتي مابيج شي لعد يله امشي نروح للبيت لان كوووولش مشتاقيلج هناك

رائد : على الاقل سلم بالبداية اسد شبيك

اسد : هااا العفو اعذروني من الفرحه نسيت هلو شلونكم

ريم ،اني بقيت صافنه على رائد وومتت الف موته لان كدام فقار وامه هيج سوة اجه كعد كدام فقار وضل يتمضحك

اسد : سيادة الرائد مندري بيك كرايبنه

رائد : ابو كمر اني عزمته سوالي فضل ما انسى

فقار : لا فضل ولا شي احنه اخوان ان شاء الله

اسد : يعني انت ابن عمي والله تدري حلووووو
عندك ابن عم واصل اذا كمشوك راسا يطلعوك

فقار : الضاهر مار هواي بالمراكز

اسد : سوء تفاهم وهيج من هاي السوالف تدري طيش الشباب

فقار : وينهم الشباب

اسد : هههههه شكد تحب تحشحش ابو كمر عاشت الاسامي ممممم اييي يله ام شمس هههه

ريم ، اني واسراء ورة الباب جاي اسمع وقلبي يطكطك وماريد اروح

رائد : خليها بعد باجر وراها موعد تفك الجبس مال ايدها

اسد : اني اوديها
كام بسرعه وصاح رييييم

ريم،، طبيت اني ملابسة بعدني وكتله ماريد اروح بعدني تعبانه ومريضه

جرني من ايدي واباوع فقار راد يكوم وامه لازمته من ايدة جرني للمطبخ كدامهم لحكه رائد

اسد : حسابج بالبيت ام الضباط

رائد : ليش متحترم نفسك انت

اسد : ووين ملابسج يله ام غززززل جيبي ملابسها

اسراء : خليها هنا ترتاح ماكدر تسويلكم شي وايدها مجبرة

اسد : اخليها علمود تخدم الضباط

ريم : من شرفك وغيرتك ع اساس كاعد تغار عليه

اني هيج حجيت وهو جرني للسيارة ورائد يحجي ويا ميديرله بال كام يصيح طلع فقار من الاستقبال للطرمه
يعيط على اسد وامه لازمته لفقار ،، مدارله بال اسد صعدني بالسيارة واني ابجي شغل السيارة ديحرك باوعت على فقار ولزمت الجامه اريده ينزلني ساق بسرعه اسد واخذني لبيتهم .

نرجع لفقار
اليوم جان حلو من بدايته من فتحتلنه الباب وتضحك وعيونها العسل يضحكن وياها وامي كل شوية وتتغزل بيها طبعا امي اني جبتها علمود تشوفهم واقترب بعد اكثر مو علمود وحدها لان نور اختي موجودة وعفت كمر يمها المهم طبيت اصلي ومن دا اطلع شفتها كبالي
تغدينه سوة وكل شوية اشوفها كبالي كعدت كملنه وطلعت لو تباوع علينه من الزرف مال باب هههه طفلة بعدها احسها ،،
لهنا كلشي تمام الى ان جابت مي دتقدم وبيد وحده منشوف غير المهتلف طب علينه هي كامت ترجف ووكع المي من ايدها وصفنت عليه اني واني اباوع على عينها انملت خوف هاي الجانت بس تضحك قبل شوية
حتى سلام مسلم علينه طب كعد وكللها امشي بعدين حجه ورديته وامي كامشه ايدي حيييل تدري بيه توازيت ادفنه هاي اول مرة واحد يتمادى هيج وماخليله حل طلعوا كلهم برة الاسقبال واني واني بقينه واسمع بجيها يربي وعياط راسا كمت سحبت مسدسي وامي وكعت دخيل عليه دكلي شسوي ما الك حق زوجها هذا ،، اخخخخخخ ربي شسوي الى سمعتها تعيط تكول هدني وتبجييي وتصيح بابا يربي قلبي اتفطر عليها طلعت ركض اصيح عليه اكله اوكف احجي وياك خلاها بالسيارة وامي لازمه ايدي وتبوس بيها وهي بالسيارة تباوع احسها تكول بس خلصوني واخوها كام يبجي راحوا وطبينه