المنديل

البارت الخامس عشر

كن لها سندا قبل ان تكون لها حبيب
.
.
الكاتبة كاميليا ..... قراءة ممتعة
.
.

ريم ،،

اشم عطر مو غريب عليه ياربي اريد افتح عيني بعد مدا اكدر بس اسمع صوت اريد اندار مابية حيل بس سمعت ....
غزالتيييي كعدتي

ريم : باباااا ويييينك

فقار : ها بنيتي اصيرلج بابا

ريم ،، ردت احجي بس مكدرت رجعت نمت

،،،نرجع بالزمن ساعات

فقار ،، بدلت وخابروني جماعتي متحضرين وصلت للمكان اللي اتفقنه بدلنه ولبسنه شماغات بوجهنا ورحنه وكفنه ليغاد من بيتهم ننتضر يطلع الشفية لان خابرت رائد واتفقت ويا يكله يوديها للمستشفى
ننتضر وماكو ياربي قلقت حيييل المهم ساعتين ننتضر جان تنفتح الباب ويطلع الاسد شايلها بيده وهي لا يمها
وكع قلبي وويا مرة صعدوا بالسيارة

ضامن : ها نبلش لو نفركش

فقار : انعل ابو اليفركش دوسلها

حرك السيارة وورة مسافه طبو بفرع طبكنه عليهم ونزلنه بالسلاح عليهم رحت كبل شلت ريم وصعدتها بالسيارة ورحنه كبل بسرعه مو طبيعيه واني خالها بحضني وهي ترجف فدمرة واباوع على رجلها مدماية وانترس حضني دم ياربييي جان منتضرني زين العابدين نزلت ونزعت ملابسي وبدلت وشلتها وصعدت بسيارته ووصلني للبيت وشايلها وطبيت واصيح على نور

فقار : نووور وييينج تعااااااي ،،يمممه خابري على هاي جوارينه مو دكتورة بتهم خليها تجي

ام فقار : ها يمه جبتها سويتها صدك

فقار ،، طبيت للحمام وجتي نور وراية جابت كرسي كعدتها على الكرسي وطبت امي واني طلعت غسلولها وهي فاقدة بس تون من الوجع وبدلتلها وصاحت عليه اشيلها شلتها ووديتها لغرفتي وبفراشي نيمتها امي لبست عبايتها وراحت لجوارينه لان متحصلهم بالتلفون
جتي من عدهم وكالت فد نص ساعه تجي الدكتورة بنتهم حبابه
جان تجرني على صفحه

ام فقار : يمه البنية جسمها متزورك فدمرة ورجلها كلها حرك بطابيط بيها وقدمها من داخلها مفركسه مجواية

فقار ،،امي هيج كالت لو دارت تيزاب على قلبي
اخخخخ بس الزمك يا عار الزلم

نور : فقار البنية متأذية كلش حته دتنزف فدمرة

كعدت على ركباتي ياربي ليش هيج ياربي جويت قلبي
ربيييي

ام فقار : يمه كوم اسبح شوف هدومك كلها دم

فقار : يمه ابقي يمها

ام فقار : رايحه يمها يمه

راحت نور سوت غدة واني طبيت سبحت وبدلت وكل شوية افوت عليها اشوفها نايمه وامي بصفها تقرة على راسها جتي الدكتورة ودخلت يم امي
وطلعت كاتبه ورقتين ادوية