انت اختيار قلبي فما اجمل ذوقه في الحب
.
.
دمجت 3 بارتات بواحد
فالبارت طويل بس مليان احداث
.
.
قراءة ممتعة ... الكاتبة كاميليا
.
ريم : هذا شنو فقار
فقار : هذا بدايتنه حبيبي بيتنه بيت حبنا بيت سعادتنه
ريم : ليييش شبي ذاك البيت
فقار : مابي شي بس اريد وياج ابدي من جديد ممكن لو مو ممكن
ريم : زين وخاله شكالت هاي منطقتها من زمااان
فقار : بالبداية مقبلت بس بعدين استوعبت الامر وكالت براحتك اللي يريحك سوي .. وذاك البيت كلش جبير شنسوي بي واحنه كم نفر صح راح نزيد ان شاء الله
بس بالمستقبل عود الله كريم
هسه باوعي هاي الغرفه لامي وكمر وهاي اللخ النه
والفوك اي غراض زايدة نخليها بي والبيت نضيف هسه يجون جماعتي يغسلو ويشيلون الغراض اللي اريدها والباقي نبيعهن او ننطيهم للمحتاجين
ريم : ليش جماعتك اني اغسله
فقار : اشششش بابا المن رايدهم بس اصرف عليهم وهاهيه
ومن انزل ان شاء الله ننتقل بأذن الله والخط مالتج غيرته خليتلج اخو حسين صديقي ثقه وحباب وردة
بس من اني بالدوام يوديج ومن انزل اني اوديج واجيبج ...
هسه مكتيلي عجبج لو لا
ريم : يجنن ذوذو يخبل ونضيف واحسه يضحك
بس صدك انت عندك غرفه جيم وين راح تخليها
فقار : ميحتاج بعد اكوم اتمرن بيج ههههه
ريم : فقااااار
فقار : اكو قاعه هنا اسجل بيها وبعد شسوي بالتمرين تزوجت راح اكوم اكل واسمن واكرش شرط كرشي متر بالعرض
ريم : ههههه ما اتخيل ذو الفقار يترك الرياضه
يتركني وميترك جسمه ادري بيك
واحس انت ابد مراح تكبر راح يبقى هيج شكلك
فقار : ههههه ان شاء الله لان اللي ماخذها يرادلها بعد عشرين سنه يله تشيب وتكبر
ريم : لا عيني ما اكبر اني همين ابقى صغيرونه
فقار : ماطول ماكو احد اطلبج شوط مي عيني
ريم : امشي نرجع اصلا من هسه عجزت وبعد مافيد شووف احووو احوووو
فقار : سلامتك باباتي سلامتك ههههه اني اعلمك بهذا البيت ...
دنطلع واتذكرت لازم اجرب واشوف خاف نفس الشي صحتلها .. ريم
ريم : نعم عيوني
فقار : اني عيونج لعد شكد اخبل
ريم : تسطر سطر والكفل زينب
أنت تقرأ
المنديل
General Fictionفتاة حلمها الوحيد ان تحقق امنية والدها تواجه المشاكل والعقبات وتتحمل كل شي الى ان ينتهي الحلم بالزواج ولكن بالشخص الخطأ وتسوء حياتها اكثر فأكثر ... الى ان تتخلى عن منديلها ل .... تابعوا الاحداث
