المنديل

البارت العاشر

وكأن روحي متصلة بروحها
اينما تذهب  القاها ... بالفعل تلاقي ارواح
.
.
.
قراءة ممتعة ... الكاتبة كاميليا
.
.

ام اسد : كومييي كومييي بسرعه تفتيش للبيت

ريم : تفتييش ؟؟

ام اسد :اييييي كومي بدلي ونزلي جوة بسرعه يردون يفتشون البيت كله ابو اسد واسد طالعين وزينب بايته ببيت جدها

ريم : ميخالف. اجة ببالي ذاك اليوم اللي فتشوا بيتنه اجه ببالي ذو الفقار مادري ليش المهم بدلت بسرعه ولبست شال ونزلت كعدت وام اسد خلتهم يفوتون يفتشوون اني منزلة راسي جوة ومشلته ابد فتشوا البيت واجه واحد وكف كبالي وكع من عندة شي التفتت شفت ... منديلي ... رفعت راسي اشوف واحد لابس لبس جندي وملثم كله يادوب مبينه عيونة هذا فقار
صفن عليه دا احجي اشرلي بيدة اشششش صعد فوك وييين ونزلوا كلهم جان يطلعون ضليت جامدة بمكاني منين اندل البيت المهم كمت دا اصعد جان تصيح ام عتوي

ام اسد : وين يالمسعدة تعاي نضفي

ريم : شلون انضف مو دشوفين ايدي مجبرة شلون اشتغل بتك ايد

ام اسد : دبري امرج شتريدين لعد اني انضفلج

ريم : ماكدر صيحي بنتج تنضف ماكدر اعذريني
عفتها وصعدت

طبيت للغرفه تمددت وجنت مكسرة من نومه الكاع وايدي بيها وجع مو طبيعي صفنت وضحكت وي روحي ( واخيييرا ضحكت ) جان ابالي فقار كلت هذا شبي ليش هيج يهتم لامري يله يجوز صدفه ماعرف كمت توضيت و صليت وكعدت قريت قران ودعييت ربي يفرجها عليه يا رب ماعندي غيرك واني كاعدة ادعي اندفرت الباب فزيت ومنداريت لان ادري بي هو ماكو غيرة واني بعدني على السجادة ولابسه ايزار الصلاة واجتني كفخه من ورة على راسي

اسد : الضاهر ميفيد وياج الحجي ولا الضرب شنسوي هسه احنه

ريم : شكوووو شبيييك مو شايفني دا اصلي احترم الصلاة على الاقل

اسد : اني اسف يا صلاة ههههه شريفه على اساس وتصلي ام المراكز بله شسوولج هناك الضباط

ريم : اشرف منك ومن اهلك وحته الضباط اللي هناك اشرف منك بمليييووون مرة

اسد : هااااا هيجج موو

خله وطلع برة اني خفت الصراحه لان مو عوايدة هيج يسوي لو يضرب او يغتصب
اجه فتح الباب بيدة سجينه صفنت علييه كلت شراح يسوي

ريم : هااا راح تذبحني ياااريت واخلص منك

اسد : لاااا حبيبتي شلون اذبحج انت مرتي

ريم : اييع حته تلعب نفسي من كلمه هاي من وراك
دا احجي وجان يطلع جداحه ويحرك السجينه الى ان صارت سودة من النار
بلعت ريكي وتقرب عليه واني ارجع ليورة ويقترب ويضحك