المنديل

البارت السابع

انت الصح الوحيد في عالمي المخطأ

.
.
.
 
قراءة ممتعة ... الكاتبة كاميليا

.
.

ريم

طبيت للمكتب وكعدوني وحدي اباوع على الميز بي فدشي مكتوب عليه اسم اباوع على الاسم

مكتوب ... مراد سلمان محمد

صافنه على المكتب والغراض وفزيت من انفتح الباب وطب رجال يخوف لابس بدلة عسكرية اجه كعد على الكرسي مال مكتب

مراد : الاسم

ريم : صفنت بوجهة محجيت شي جان مدنج ويحجي ويلعب بالقلم

مراد : الضاهر انتي خرسة احجي وياج اسمج شنو

ريم : هاااا ويايه

مراد : لا وي الوراج

ريم : انداريت عبالي اكو واحد وراية مشفت احد
كلتله ماكو احد وراية

مراد : على كولة فقار ربي جاي تشوف
لج بابا وياج اسمج شنو

ريم : اسمي اسمي ر ر ريم

مراد : يا الله تبارك الله الف الحمدلله ممكن الاسم كامل

ريم : والله عمو كلشي ممسوية اني هو تحرش بية واني ضربته

مراد : اسم الكامل عمووو

ريم : ريم جمال عبدلله

مراد : العمر

ريم : ١٧

مراد : شكككد

ريم : ١٧ عمو والله

مراد : بابا شجابج علينه انتي استغفر الله وين اخوج ابوج احد تخابري علمود يجي يجيب جنسيتج

ريم : ما حافظه رقمه لاخوية

مراد : ابوج

ريم : سكتت ودمعت عيني دمعه حركة قلبي وجريت حسرة وكلتله بابا ميت

مراد : اني اعتذر ابوية هسه شلون كليلي طريقه علمود يجون اهلج او اي احد من البيت اللي تشتغلين بي

ريم : يا بيت

مراد : المرة جانت وياج كالت هاي خدامتي اخذوهة وبعدين نجي وراكم صار اكثر من نص ساعه وماكو اي احد

ريم : سكتت وتعبت كلش مماكله وجسمي ياذيني من الضرب

مراد : ممكن تحجيلي بالتفصيل شصار

ريم : حجيتله اللي صار حته انطيته الورقه الشمرها عليه لان من رادوا ياخذوني مادري شلون فكرت تفيدني شلتها من الكاع واخذتها ضميتها

مراد : استغفر الله ربي شلون ويا هذا
دك تلفوني شلته

الوو .. اي .. اي ..خوش،.. هسه تمام ..