توقع الخيبات من الجميع لا تستثني احد
.
.
قراءة ممتعة . . . الكاتبة كاميليا
.
.
فقار : شلون كسرت فرحتج ونزلت دموعج الغالية شكلج .... ليش هسه استغفر الله ربي ليش كلما اتقرب اشوفج امل
ريم : احس سجينه وطبت بقلبي بقيت مسوية روحي نايمه احس عليه نام بصفي
كمت على كيفي اباوع ساعه ٤ ونص الفجر كمت غسلت وتوضيت صليت وبقيت ابجي بسكوت حجيت وي نفسي كلت يجوز تخيلها لان عرس وخبصه وتذكر عرسه خطيه
مسحت دموعي واستغفرت ربي هواي
ربي صبرني وانطيني القوة
كمت ورحت نمت يمه كعدت ساعه ١٠ ونص وهو مموجود يمي كمت سبحت وبدلت لبست برمودة حمرة وفتحت شعري وتمكيجت سويت روحي كلشي مسمعت
كلت بس البارحه خطيه خلي اماشي
طلعت شفته ماكو رحت للمطبخ سويت جاي وحضرت ريوك كلش جوعانه متعشيت البارحه
سمعت صوت حركه برة انداريت لكيته وراية
ريم : صباحو
فقار : شنو هذا الصباح الحلو
ريم : تريكت لو بعدك
فقار : لا بعدني دا انتضرج
ريم : يله لعد تعال خلي نتريك جوعانه
فقار : ليش ممتعشيه البارحة مو خليتلج الاكل يمج
ريم : ممشتهيه جنت
كعدنه تريكنه بس ساكتين كملنه غسلتهن ونضفت المطبخ وطلعت نضفت البيت وعلكت التلفزيون على القران وشغلت بخور كلت خاف انحسدنه وهيج صار
طبيت سبحت وبدلت وصليت
تمكيجت ولبست دشداشة برمودة على الجسم وطلعت شفته كاعد يقلب بتلفونه
شافني وضل صافن عليه جيت كعدت يمه وبسته بخده
جرني لحضنه بقه يبوس بيه شوية واندار وبقة صافن كام عافني وطلع شغل السيارة وطلع بقيت صافنه ونزلن دموعي
يعني ليش هيج ديسوي ميكدر على فراكها ليش تزوجني لعد ليش ديتخيلها بدالي
خاف بية شي معاجبه وهيج يسوي خاف معاجبه شكلي او شعري او خاف بيه شي يكرهها بقيت اشك يروحي وبقيت على التخم كاعدة ابجي واحجي وي روحي
الى ان سمعتة طب بالكراج مسحت دموعي
طب شافني هيج شمر العلاليك على صفحه اجه عليه
فقار : حبيبي شبيج
ريم : شبية .. ما بية شي تعبانه اريد انام
وخرت عنه وكمت سحبني من ايدي
فقار : مو احجي وياج
ريم : اريد انام
فقار : جبت غدة خلي نتغده
ريم : ما اشتهي هسه تريكت
أنت تقرأ
المنديل
Ficción Generalفتاة حلمها الوحيد ان تحقق امنية والدها تواجه المشاكل والعقبات وتتحمل كل شي الى ان ينتهي الحلم بالزواج ولكن بالشخص الخطأ وتسوء حياتها اكثر فأكثر ... الى ان تتخلى عن منديلها ل .... تابعوا الاحداث
