المنديل

بارت التاسع والثلاثون

بعض الامور لا تاتي الا بعد مشقه وصبر
فصبرا جميل ومن بعده ياتي الاجمل

.
.
.
قراءة ممتعة .... الكاتبة كاميليا

.
.
.

ريم : لا اريد غرفتك ولا اريد اي شي منك وباجر توديني لاخوية وكلمن يروح بحاله ماطول مصدك اني وحدة مو شريفه روح اخذلك وحدة متريايه وشريفه
وهذا الاثر اللي بخدي يروح بس مراح يروح من قلببي

فقار : شكاعد تحجين انت شكاعد تخربطين بكلامج هااااا

ريم : اني اخربط بكلامي موووو ميخالف اصلا حتى كلام بعد ماحجي وياك كلشي انتهى بيناتنه تمام

فقار : كعدت كدامها نص كعدة وكمت احجي وياها
بنيتي ادري تعبانه واللي صار يجوز اني سبب بي بس انت لحيتي كتلج عوفيني

ريم : يعني صوج بيه هسه مووو وخر عني فقار وعوفني انام لان مابيه حيل حتى للكلام وللنقاش

فقار : كومي يله نامي بفراشجج

ريم : تحلم بعد يجمعنه فراش واحد
وتريد الصدك تحلم تجمعنه غرفه
كمت وشلت فراشي ومشيت دا اطلع لزمني

فقار : وين رايحه

ريم : بيت جبير ما شاء الله شعليك وين ماروح اروح

فقار : لتتخبلين رييييم

ريم : اصلا تخبلت من زمان من صدقت بيك تحبني
دفعته عن الباب وطلعت رحت نمت يم خالة وكمر بس جذب اذا اكول نمت... منمت من وجع قلبي وحركته
بقيت اشهك وابجي بفراشي للفجر يله نمت

. . .

فقار : اول مرة اشوف ريم بهيج حالة صح غلطت اني بس مليون مرة كايلللها لتجين يمي واني عصبي

استغفر الله ياربي شلون ورطه هاي انوب عناد جهال
عفتها على راحتها واني تعبان كلش نمت

كعدت ثاني يوم سبحت وبدلت وطلعت لكيت امي كاعدة وحدها كالت ريم بعدها نايمه
سويت ريوك وحضرتة على ميز الطعام وطلعت رشيت الحديقه ودخنت بقيت صافن انداريت لكيت ريم كاعدة
وجانت صافنه شافتني اندارت وراحت للمطبخ لحكتها
للمطبخ طبيت جانت تحمي الجاي تقربت منها وخرت عني ومدارتلي بال صبت جاي ومصبتلي
ضحكت ههههه جتي امي كعدت

فقار : يمه اني ادري بيج بنت خير ليش عينج على الجاي متصبيلي يوللو

ام فقار : ما تستاهل نصبلك واذا نصبلك نخليلك ملح بدال الشكر

فقار : هاي امي عود شبقيتي لذولاك الناس لعد
شيحجون بقلبهم عليه

ام فقار : كلشي ميحجون فقيرين اويلي عليك انت ابو الكبات

فقار : يمه مو كلنه من تشوفونه هيج وخروا من يمنه انتوا تلحون .... باوعتلي بطرف عينها واندارت