ضحية الإرث

الفصل الأول✨ ... الجزء الأول

✨_ البداية...

/رواية القصة تحث عل الصبر وعدم الإستسلام للأمر الواقع

/ الرواية لا تحث عل غسل العقول ولكن هذا واقع المجتمع العام ويجب أن نعرف كيفية التعامل معه وهو محاولة عدم تفكك الأسرة وعدم الإستسلام للقدر والتضحية من اجل العائله ...

/ الرواية تم تعديلها قبل نشرها لعدة مرات كي تكون لكم واقعية اكثر

/ ملاحظة: القصة باللهجة العراقية

__________________✨

التعريف العام: بطلة القصة

ريهام: بنت عمرهه 21 سنه هي اكبر وحده بالعائله معتمدين عليهه بشكل تام ...
دائما راح تشوفوهه تحاول إسعاد عائلتهه وتقاوم الشر صح القدر مكتوبلهه تتغير حياتهه لكن هي ما إستسلمت رغم كل شي وخسرت اعز ماعدهه .. هسه عوفونه من هاي السوالف المهم هي قضت عل شر لكن بدال هذا الشي خسرت اقرب ما عدهه ...

__________________✨

نبدي بسم الله ..
:
:
:
ام ريهام: يلا يمه بس تعاي كملي ريوگچ حته تورحين للدوام ...

ريهام: لا يمه يكفيني الي اكلته اليوم ويله اليوم عندي امتحان مادري شلون راح اطلع من القاعه كلش متوتره وخايفه

ام ريهام: يلا گضت انشالله مابقه شي وتكمل امتحانات نص السنه هذا اخر امتحان بهذا الكورس تكملين وتصيرين باكورس الثاني

ابو ريهام: خطيه ريهام الشغل كلهه عليهه والله البارحه بال12 باليل شفتهه تقره وتغسل اماعين ..

ام ريهام: اي والله الشغل كله عليهه والله خطيه الله يوفقهه انشالله والله اني معتمده عليهه ابد ما معتمده عل باقيات

ابو ريهام: طبعا لعد ريهام وبس

ام ريهام: بله فرح طالبه سادس ومتگدر تشتغل لعد اني عندي بنات ثنين بعد وينهن

ابو ريهام: اي لعد البنات هم عدهن شغل مو كلساع بس يقرن متشتغلين انتي

ام ريهام: اني اشتغل ورجليه توجعني ... صدك تحچي يمعود 😂

________________✨

- ريهام طلعت من الإمتحان
.
.
.
.
°
ريهام:هم زين طلعت من اخر امتحان اليوم الأسئلة كلش سهله

زهراء: يمعوده حته الماقاري يكدر يجاوب ...

ريهام : يله اهم شي خلصنه

زهراء: بمناسبة هذا الشي خل نطلع للكافيتريا وبعدين نطلع للمول

ريهام: لا والله ما أكدر اطلع للمول عندي كومه شغل اليوم كله عليه اطبخ واغسل اماعين واهتم بيهم وأخذ فرح للخصوصي وأرجعهه والدراسة والتعب كله عليه ف اليوم اني اخذ إستراحه وباچر عود الله كريم ...