ضحية الإرث

الفصل السابع عشر✨

((نكمل الأحداث إلي راح تصير))
:
:
:
:
•

( ريهام هسه عائلتهه إكتملت بس ما إكتملت بنفس الوقت)

(ريهام بنت مؤمنه تعرف شنو يعني قضاء وقدر)
(بعدين من كثر ما سكتت عل وضع قررت تناجي ربهه)

(رفعت إديهه للسماء بوكت الفجر إنو يجي يوم كلهم يصير بيهم مثل ما صار ب ريهام)

ريهام: يا ربي حتى لو اني وأبويه ماتو اني راح اكون لخواتي امهن وأبوهن وما اقصر وياهن بشي

( لاحظت رزق إلي گاعد يصير ف گالت لريهام آني راح أكون أيضا مثل امچ ومثل أبوچ الله يرحمهم وأني إلي راح أكون مثل أمج ومثل ابوچ بعرسچ...)

رزق: حبيبتي لا تبچين هذا يسمو قضاء وقدر...

ريهام: ميخالف بس هذا الحزن ما راح يمنعني ارجع لحلمي

رزق: رغم موت أبوچ وسجن اخوچ ومرض امچ وموتهه وبيت جدچ من أذوچ هذا كله إنتي قاومتي وطلعتي من الأوائل... ودرستي ماجستير

ريهام:عمه بس اني مستحيل اوگف على هذا الحال ...أبوية الله يرحمه چان يحب الكيمياء وچان يتمناني بهذا الإختصاص وحققت حلمه وحلمي...

رزق:صدگيني يا بنيتي الدنيا متسوه تبچين هالبچي كله

ريهام: ميخالف عمه ...صدگ من إلي جاي يتقدملي

رزق:اليوم راح يجي

ريهام: عمه گليلهم الخطبة تتأجل لإن الأربعين مال أمي ما طلع...

رزق: الله كريم

✨•____________________•✨

((نكمل سالفة رند))

(رند هي هسه ببيت صديقت اختهه وفرحانه عل هاي العيشه ومن طلعت من بيت عمتهه متدري بالأحداث شنو)

(كل إل الموجود چان يحاول يغير نفسيتهه)

(بس عيونها تشوف محمد وحلگهه يحچي بمحمد وإذانهه متسمع إلا كلمة محمد)

(متدري هيه إنو محمد عزل عن بيت اهل ابوه )

(حاولو يغيرون خن نفسيتهه ف اخت صديقتهه ودتهه للمول)

(چانت ببالهه فكرة حتى تهرب وتخلص من هذا العذاب)

(ومن بين كل الناس والزحمه بالمول )

(قررت تخابر محمد)

قبل الحدث...

زينب: ها رند شتگولين نروح لهذا محل العطور...

رند: لا ما أريد بكيفچ إنتي بس شتريدين جيبيلي وياچ أي شي...

زينب: يعني متطبين للمحل...

رند: لا بس اضل هنا

(إستغلت الفرصة رند وخابرت محمد يجي عليهه)

رند: ألو شلونك محمد هسه آني بالمول إنتظرني بالشارع حتى تجي عليه ونشرد

محمد: روحي بابا روحي هو إنتي شنو بعدچ بگد النعال ياحب يا شي إنتو ما بيكم حظ أصلا سويت هيچ كله علمود بعناد أختچ وهسه اريد ابدي حياة جديده بعيده عن كل الگرايب فهمتي لو افهمچ بطريقتي...