ضحية الإرث

الفصل الثامن والعشرين ✨

(( إنتهت سالفة الخطبة بين فرح وسليم ))

(( ورزق تعاتب فرح ... وفرح ضايعه ... ليش ما صارت القسمه ))

رزق: ليش ولچ ؤاحت فرصتچ لييش والله الولد يحبچ

فرح: عمه شفتي شلون طاحظ هيچ حب مبني عل ثنين حيايه وحده مرت خالي القديمه ووحده حتى إبليس يتعلم منهه معقوله تريدني اتزوج من ذوله لو انتي اصلا تريدين تخلصين مني

رزق : ماريد اخلص منچ وإنما ناس يريدوچ ... ليش ما انطيهم

فرح : وآني ماريدهم اصلاً

رزق : هاهيه لعد ...

(( ريهام إجت سلمت على عمتهه ))

ريهام : هلا عمه

رزق : ها هلو حبيبتي شلونچ

ريهام : والله يا عمه اني من البيت للدوام من الدوام للبيت ... والهلاك يقره الف

رزق : الله يوفقچ إن شاء الله ... بنتي خيير ...

ريهام : فرح شلونهه

رزق : والله فرح ... شحچيلچ يعني خلي هي تحچي

فرح : اليوم إجه سليم يريد يتقدملي !

ريهام : وبعدين

رشا : خل أگلچ ريهام من هسه ... تره فرح اليوم گلبت البيت عل خطابة زين ما رگعوهه بكفخه عل عينهه

ريهام : هاي هيچ عفتكم چم شهر صرتو هيچ گمتي تتعدين عل اختچ الأكبر منچ .. خليهه بعلمچ تره بعد ما عندچ أحد غير فرح لإن اني تزوجت وبعد مو دائما أگدر اشوفچن

رشا : اقصد إنو اختچ اليوم سوتلنه مسرحيه ... يعني اني ما أگدر اتحمل أعيش هنا وفرح تكون المسؤوله علينه

ريهام : لعد شريدچن غير حته تصيرن گلب عل گلب ...شوفي خبر مهم وكلكم لازم تعرفوا بس لازم أگول أول شي لعمه رزق وبعدين أبلغچن

رزق : گولي ريهام

ريهام : شكراً إلچ عمه تحملتينه كل هاي المده واني كلش اتشكرچ بس كلشي إله نهاية باچر عگبه مثلا تريدين تزوجين إبنچ مره ...فشله مرت ابنچ تشوف خواتي ببيتهه ... قررت اخذهن لبيتي كلهن ...

رزق : والله اني ما أدري شگلچ بس تره اني تعودت عليهن ومشفتهن غربه ابد

ريهام: ادري لكن ماكو واحد يتحمل واحد ... اني اختهن الچبيره وأمهن ولازم أوفرلهن كل إلي يريدنه لحد ما يتزوجن ...

فرح : معقوله راح نطلع منا واجيچ ... هواي ذكريات صنعت هنا ...

رشا : ما ممكن اترك بيوم عمه رزق ... تعودنه هنا بعد

ريهام : صيحي رند

رند: هلا ريهام .. سمعت بالخبر ... واني اشكرچ هوايه تدرين ليش

ريهام : عل شنو ؟

رند : اشكرچ واهنيچ عل دورچ التمثيلي ... تدرين المفروض ينطوچ جائزة الاوسكار عل هذا تمثيلچ