ضحية الإرث

الفصل الثلاثين 💔.. ✨

أم أيمن : ما أسمح بعد لأي واحد يتدخل بشؤون البيت لا والله تلگه غراضك انت وهاي ومرتك بالشارع ...

رحمه : مو من حقچ لإن آني هنا مكانتي خاصه بالبيت ونص البيت بإسمي

أم ايمن : وانتي شعليج اني ماجايبه طاريج حته تحجين بكيفج

سليم : يمه إذا ميعجبچ هذا الكلام اني ما ابقة هنا وشيصير خل يصير بالنهاية اطردچ واخلص منچ ومن شرچ

أم أيمن : وصلت بيك تطرد الربتك وتعبت عليك ياحسافة ... خليهه ببالك مهما لبست ومهما غيرت من روحك تضل إنت شنو ... عل شنو آني كل هاي السنين اربي إبن زوجي تاليهه يضل يطرد بيه

سليم : إبن زوجچ ... مو اني الخلقت روحي .. روحي لرجلچ هناك بل گبور سألي والله ليش تزوج وتطلگ بالنسوان وهو يجاوبچ من تروحين ويا

(( أم أيمن صفعت سليم راشدي عل وجهه ))

أم أيمن : ما إلك مكان هنا بعد واذا تحچي حتى من حصة الورث ما إلك وكلهه تروح

سليم : لا وغصباً ما عليچ اضل واشوف منو اليوم يوگف بطريقي

(( فرح چانت گاعده بغرفة الضيوف وسمعت صوت الصياح والعرك ))

(( قررت تروح تفتح الباب بس بعدين تذكرت حچاية أم أيمن ..ولازم فرح متدخل ))

(( بس ضلت تحاول تفكر لإن راح ينهجم البيت ))

فرح : خاله خاله عل كيفچ ليصير بيچ شي تعاي هنا گعدي

أم ايمن : ما أگعد بمكاني لا والله إلا نشوف اليوم منو يخصلني من هذا 😭

سليم : شجابچ انتي ولچ .. إله اجيب عليچ الشرطة لو ادفنچ بگاعچ ...تولين منا لا ادوس ببطنچ وخلص منچ

فرح : عليك الله لا ... والله خاله ما مسويه شي ... خاله روحي شردي اني اواجهه

أم أيمن : خلي خلي خل نشوف وين يوصل بعد ...

جمانة : مدام محتاجه مساعده

أم أيمن : إتصلي عل شرطة بسرعة ماعدنه وكت للحچي

فرح : اوكف سليم .. معقوله تجي يمك تجيب السچينه تريد تكتل امك ..اكيد انت شارب شي مو خاليه

سليم : لچ اني مو گتلچ لتاحچيني لا والله هسه ادچ السچينه ببطنچ وخلص منچ ومن وجهچ

(( فرح طبت لغرفتهه ))

(( فرح إتصلت عل أيمن ))

(( فرح تتصل ))

أيمن : ألو ..

فرح : أمانة الله أيمن تعال إنقذني من هذه وصلت بي يريد يدچ السچينه ببطني... تعالوا بسرعة وخلصني من هذا المجرم امانة الله حياتي راح تنتهي وأمك راح تموت إذا متجي اني قافله الباب وهسه ما اعرف امك شبيهه

أيمن : جيت جيت .. بس ركدي ولتحچين شي جاي اني وريهام نشوف اليوم وين توصل بي النذاله

(( تم غلق المكالمة ))