• التكملة ...
:
:
:
:
✨•_______________________•✨
ريهام:إجتني 4 مكالمات من خاله ريم
فرح:وأخيرا
ريهام:ها فرح شكو
فرح:لا هيچ ماكو شي ...
ريهام: دورحي گلي لمچ خاله ريم راح تجي
فرح: ماشي
* صارت الساعه 12 الظهر
ريم: خيه شمالچ تنطين بينتچ لهذا شنو عندچ سمچ باير
ام ريهام: لا اني امهه واعرف إلمن انطيهه وإلمن تستحق
ريم: (بإستحقار) عفتي الدنيا كلهه رحتي عل ابن رحمه تتذكرين شسوو بيچ
ام ريهام: خيه بعد قسمه ونصيب وهيه رادته
ريم: چذابه اني متأكده البنيه ما قابله بس انتي جبرتيهه
ريهام: لا خلص اصلا اني موافقه وبعدين منو انتو وتدخلون منو اتزوج ومنو ما اتزوج
فرح: يعمري والله لو بيدي ما خليچ بس ادري مجبوره
رزق: (عمة ريهام الچبيرة) - الله كريم إن شاء الله كل الخير والبركة
فاطمة:(عمة ريهام الصغيرة)- كل ما اشوف ريهام اتذكر ابوهه الله يرحمه
ام ريهام: ريهام هذوله شنو يگولون ما دا افتهم شبي ابوچ
ريهام: ها يمه لا لا ماكو شي قصدهه عل جدي لإن همه عدهم الجد مثل الأبو مو عمه
فاطمة- اي حبيبتي هذا هو قصدي وإن شاء الله يصحى من الغيبوبة
ام ريهام: ريهام اني مو غشيمه احچي شبي ابوچ
محمد: خاله ما بي شي اهدئي
ام ريهام: لعد إذا بالغيبوبه لعد ودوني يمه اريد اشوفه بالمستشفى
محمد: خاله انتي مره مريضه كافي لا تفكرين بهذي السوالف واليوم عقد بنتچ يعني بس يكمل واوديچ يمه
ريهام: محمد تعال
محمد: اجيت ريهام
(راحو عالمطبخ يحچون )
ريهام: تذكر اني ما عندي اي مشاعر تجاهك لذلك لتحاول تتلوگ گدام المعازيم وتسوي روحك خوش واحد لإن إنت إلي دمرتلي حياتي
محمد: والله هذا الموجود ان عجبچ او لا تذكري اني إلي طلعت اخوچ من السجن
ريهام: لكن صدگني إذا عرفت امي قسما بالله اتركك وأروح ..ليش باقيه عل شنو !!
محمد: أي وشيگولون عليچ المعازيم ... عافت رجلهه وراحت
ريهام: انت مو رجلي افتهمت اني عندي ثقه بالله سبحانه وتعالى كلشي يگدر يسوي هسه تخرب المعازيم كلهه والله لا عبالك !!
أنت تقرأ
ضحية الإرث
Romanceقصة حزينه و مؤثرة ... حيث تتحدث عن ضحية عانت من أجل حق الإرث وتركت كل ما يسعدها من اجل من بقي من عائلتها الذي ماتوا واحداً تلوى الآخر من أجل المال المسروق ...من أجل حق الإرث الذي أقسمت الضحية أن لا تأخذ قرشاً واحداً من هذا المال ... وترك اثر الحقد ا...
