ضحية الإرث

الفصل الثاني والثلاثين ✨

(( وبعد ما إشتكت رحمه على أم أيمن ... قررت ترجع للبيت ))

رحمه : هلا وغلا ... شلون جايتچ من ايام ...

أم أيمن : خيير ... شكو اليوم

رحمه : يصير خير إن شاء الله

أم أيمن : باعي ... إنتي بالذات ... إذا ما تركتينه بحالنه اروح ابلغ عليچ بكومه تهم تره اني لازمه عليچ

رحمه : خليهن إلچ ... زيين

أم أيمن : اي خوش لعد ... تالي وكت تجيني وحده مخبله تگلب البيت على راسنه وتحاول تطلعني من هذا البيت ...

رحمه : بلا تمسلت ولي منا لا ابتلي بيچ هسه ... وانتي جمانه يلا روحي سويلي گهوه لا اشلع عيونچ

ام أيمن : عيب عليچ تحچين هيچ ... إحترمي نفسچ تره جايه المره بفلوس  ما جيه علمود تهينين بيهه

رحمه : وانتي منو طالب رأيچ ... هاا ... لتخليني هسه اروخ بين الجوارين اصيح والمن الناس عليچ وعلى هذا إبنچ ... يا مجرمه ... عمت عينچ

(( ام أيمن شگدهه وشكبرهه اكلتلهه رزاله معدله تالي عمرهه ...))

(( راحت لغرفتهه وقفلت الباب ))

(( ضلت ضايجة وتبچي وتگول ... شمسوية بحياتي حتى تجيني هيچ وحده تالي عمري هجمت بيتي ... وراح تهجمني همين ... ))

(( ضلت بالهه مشغول ..خاف صدگ مبلغه عليهه ...ومن ناحية ثانية متريد تطلع وتكسر كلام أيمن وتفقد كرامتهه وعزة البيت ...  ))

(( فتحت الكنتور على أمل تدور على تلفونهه الثاني إلي بي رقمهه الثاني الموجود بي رقم ابن اختهه ))

(( ووگع بالغلط ألبوم مال صور ...من الكنتور ))

(( وفتحته ولگت بي كل صور الذكريات .... گالت ...))

أم أيمن : أيبااه ... 😩😫 ... معقوله هيچ يصير ... والله مشتاقتلك ييمه والله مشتاقتلك ... والله حته محد بقالي بس اخوك ... والله ييمه مشتاقتلك انت وهيبتك وجمالك ...وينك هسه بالتراب چا وين ذاك الگمر وويين ... اريد الله ياخذ حقي من كل من حرمني منك وخلاك گبل لا تموت تغظب امك ... ولك اني الربيتك 😭 اني ييمه ... درجع  مو گلبي راح ينسلع من مكانه ... 😩 حسبي الله وعم الوكيل .... خل اروح اخابر اختي گبل لا يصير شي ... اني اذا هاي الحقيره موتتني منو راح يبقه بالبيت ...

(( چانت تبچي على ابنهه الربته من كل گلبهه ... للأسف ابوه متزوج ويطلگ بالنسوان وهذا الصحية وگع بيهه ... ف أم أيمن ربته لسليم ... ))

(( لو نجي هسه على تاريخ ابو أيمن ... ف ابو أيمن ظالم كلش ظالم ... ولإن هو عنده مكانه بالعشيره ومجالس وهاي ... ف كل الناس گلتله اتزوج بس هو چان يحب ام أيمن ..لكن تأثر بحچي الناس وتزوج وحده كردية مو منهم ... وتمت على خيرر وهم إجتي لبيتهم و أم ايمن كشفت هاي ام سليم باگت نص البيت وطلعت وعافت إبنهه إلي عمره ٣ سنوات ))