________
"فى مدرسه ابتدائي يجلس يوسف ورامى يتحدثان "
- هو انت ليه مبتفكرش تحب وتتحب يا يوسف
_حب ايه هو انا بتاع الكلام ده انا أن شاء الله ناوى امشى على هدى النبي هسأل على بنت واروح لخطبتها واتجوزها على طول
" رامى بتريقة ههههههه" ايه ده هيتجوز صالونات
مسماهاش صالونات أسماها ماصونات ده الغاليين بس
رامى " والله يا بنى انت من يوم ما ربيت دقنك وانا تفكيرك اتغير جدا فين يوسف بتاع زمان
"يوسف بفخر " مسمهاش دقن أسماها لحية وبعدين انا مبسوط بالتغير ده واتمنى أفضل كده طول العمر بس سيبك انت انا فعلا زهقت من العيشه لوحدى متعرفليش عروسه
" رامى بضحك " لا يا عم طلعنى انا من الحوار ده انا ضد الجواز ده اصلا الواحد لازم يتجوز عن حب
" دخل عليهم محمد "
محمد.: السلام عليكم
يوسف: و عليكم السلام و رحمه الله و بركاته
رامى بضحك : تعالى ياعم شوف يوسف عايز يتجوز ازى
محمد بفرحه : ايه ده اخير هيبقى فى عريس فى الشله مبروك يا يوسف
يوسف بضحك : الله يبارك فيك بس انا لسه ملقتاهش رامى ده مبيتبلش فى بوئه فوله
رامى : يا عم ده عايز يتجوز صالونات
محمد باستغراب : مش هو ده الطبيعيى بردو ولا انت عايزه يتجوز ازى
يوسف : قوله يا محمد
رامى : انتو الاتنين مش عارفين حاجه الواحد لازم يحب ةيتحب ويعيش قصة حب وبعد كده يبقى يتجوز
محمد : ياسلام يعنى علشان اتجوز امشى الاول فى علاقه حرام علشان ابقى واد شبح واعجب الناس
يوسف: يا رامى غير تفكيرك ده من بنى على باطل فهو باطل ربنا مش هيبارك فى جوازه بدايتها تغضب ربنا اكيد
رامى : ياعم انت وهو براحه عليا اعملو اللى انتو عايزينه
وكل واحد يقوم على فصله الجرس ضرب
" كل واحد منهم راح عل فصله "
ملحوظه " التلاته مدرسين فى مدرسه وأصدقاء "
بعد اما خلصو يوسف روح على شقته وحضر اكل لنفسه وهو اعد بياكل فكر فى عيشته دى وان من بعد وفاة والده ووالدته وهو عايش لواحده حتى اخواته كل واحد عايش مع نفسه قرر انو يدور على عروسه يكمل معها حياته فى طاعه ربنا
فجأة الباب خبط وهو بياكل
ابتسم وراح فتح لقى الاطفال اللى هو بيديهم قرآن وماسكين المصاحف فى أيديهم
قالهم ادخلوا مع انكم جاين بدرى بس يلا مش مهم اهو تسلونى بدل الاعده لوحدى
اعدو كلهم بدأو يهزرو سوه
يوسف : هاا خلصنا هزار نسمع بقى
طفل : عمو الشيخ ماما بتقولك هى الفلوس كام علشان اجيبها
يوسف بضحك: قول لماما عمو الشيخ يوسف مبيخدش فلوس انا يحفظكم لوجه الله وكل واحد يقول لاهلو كده
بس الهائل بس اللى مش بيحفظ هاخد منه فلوس وكمان مش هنديله بنبونى
الأطفال اعدو يضحكوا
" مرت الايام ويوسف بيدور على بنت لحد اما بقى واحد داله على بنت "
قرر انو يروحلها ويتقدملها
............................بقلم ملك محمد
" فى بيت اسماء "
اسماء بنت تعبت جدا فى حياتها بسبب ظروف طلاق امها وأبوها
ابوها رفض ياخدها واعدت مع امها وجوز امها ولكن العيشة كانت صعبه كانت كل يوم بتتهان وجوز والدتها مهلهاش تكمل تعليم 3 ثانوى علشان مش عايز يصرف عليها
بسبب قسوه الحياة والبعد عن الدين وزى مابيحصل للاسف مع بنات كتير وقعت فى فخ الحب والمشاعر المزيفه
تعرفت على شاب على الفيسبوك وبدأت تكلمه لحد اما تعلقت بيه ووعدها انو هيجى يخطبها اول لما يجهز نفسه
لكن فوجئت ايمان أن والدتها داخله عليها وبتقولها أن جايلك عريس بكره
فضلت تعيط وكلما الشاب اللى وعدها بالجواز
قالتلو جايلى عريس وجوز امى حالف ليجوزنى
قالها عندو حق وأنها لازم تتجوزو وتشوف مستقبلها وفقا الفون
كانت مصدومة وترن عليه تانى لكن الفون كان مقفول
أعدت تعيط وعرفت انها اتخدعت زى ما بيحصل مع ا بنت
" تانى يوم جه يوسف راح بيت اسماء وزوج والدتها رحب بيه جداً وقال لاسماء اخرجى بالخمار علشان اللى منقدماك شيخ لازم تكونى لابسه كويس ياكش يوافق ونخلص منك بقى واياكى تحسسيه انك مش موافقة "
اسماء مسحت دموعها وليست وخرجت تعد معاه
لكن انصدمت لما لقيته ملتحي
هو لصلها لاقها جميله وكلامها هادئه
يوسف: اعرفك بنفسى
اسماء ساكته وحاطه وشها فى الارض وماسكه دموعها بالعافية
يوسف : انا أسمى يوسف لسه متخرج قريب وشغال مدرس فى مدرسه انا اصغر اخواتى واهلى متوفين وكل اللى بتمنا من ربنا يرزقنا ربنا الحلال اللى أكمل معاها حياتى فى طاعه ربنا
اسماء ساكته وحاطه وشها فى الارض
يوسف مش مستغرب لأن اى بينت بتبقى فى الموقف ده بتكون مكسوفه
يوسف : ممكن تتكلمى عن نفسك
اسماء ماسكه دموعها بالعافية ولو اتكلمت هتفتح فى العياط
زوج أمها اعد بيبصلها بغيظ
بصت ليوسف وابتسمت وكأن مفيش حاجه
يوسف حس انها مرتاحه ليه رغم أن عيونها مليانه دموع قالها وهو خارج لو لينا نصيب أن شاء الله هيجيلك تانى
يوسف خرج من هنا وزوج امها حلف ليضربها وامها فضلت تبعدها عنه
زوج أمها : عاوزه تطفشيه علشان تفضلى عائشة عاله عليا
اسماء بتعيط بطريقة هستيريه : انا موافقة اتجوز اى حد بس بلاش ده بالله عليك ده شكله إرهابى حرام عليكم
هتتجوزيه يعنى هتتجوزيه اهو يعلمك الادب
دخلت اسماء على غرفتها تعيط وتكلم نفسها
هتجوز ملتحي دى اخرتها اتجوز واحد داعشي ده ممكن يقتلنى لو عملت حاجه غلط
يتبع ....✨💙
