"يوسف عرف أن أسماء متجوزاه غصب وقرر أنه يحاول ع أد مايقدر يخلي الحياه تستمر لأنه عرف إنه لو طلقها زوج والدتها هيرميها ف الشارع دا غير إنه كان بيضربها "
"يوسف حط الأكل لأسماء ف الأوضه وخرج"
اسماء مستغربه وبتبص للأكل وبتكلم ف نفسها
_هو ليه بيعاملني بلطف كدا مش مفروض إن المشايخ دول بيخوفو
يمكن يكون بيدبرلي مصيبه وأنا معرفش
بطنها بتصوصو من الجوع خبطت ع دماغها وقالت
كلي بس دلوقتي وكل حاجه هتظهر بعدين
"يوسف بره قاعد بيراجع الحفظ بتاعه وصوته جميل جدا ف القرآن "
اسماء خلصت أكل وطالعه بالراحه علشان تودي الصينيه المطبخ
لمحها يوسف
ابتسم ع شكلها وهي بتتسحب وكمل قراءه
فجأه الباب بيخبط
يوسف قفل المصحف وقام يفتح الباب
لقا زوج والدة أسماء ووالدتها
اسماء أول لما سمعت صوت زوج والدتها قلبها كان هيتخلع من مكانه وكانت خايفه لحسن يوسف يقوله أنه عرف أن أسماء متجوزاه غصب
"يوسف رحب بيهم ودخلو"
والدتها: صباحيه مباركه ياعريس
يوسف: الله يبارك فيكي يا أمي
حسين زوجها: أمال فين اسماء مش ظاهره يعني
اسماء أول لما سمعت اسمها خافت اكتر
يوسف بإبتسامه موجوده جوه ثواني اندها
"يوسف دخل ع اسماء الأوضه لقاها خايفه ومرتبكه "
قالها
_أنا قولتلك أطمني أنا نسيت كل حاجه
اسماء لسه خايفه ومفيش ثقه خالص ف يوسف ولا ف كلامه
" أهل اسماء قعدو ف الصالون بينتظروهم وبيتودود سوا"
والدتها: أنا خايفه ع البت اوي ياحسين ليكون عمل فيها حاجه حاكم الناس الي بدقن دي مبرتحلهمش
حسين: سيبيه يعلمها الأدب تستاهل كل الي يجرالها
والدتها: ياراجل ميبقاش قلبك اسود بقى
"يوسف وأسماء دخلو عليهم"
اسماء بخوف: ازيك ياماما
والدتها قامت علشان تحضنها وتباركلها راحت اسماء راجعه لورا
والدتها اتكسفت وزعلت ويوسف زعل من المشهد داه
قعدت اسماء ويوسف قعد جمبها كأن مفيش حاجه وواحد وعروسته عادي
زوج والدتها كان مستغرب شكلهم
يوسف بابتسامه: هقوم اعمل حاجه نشربها من جوا
حسين : هو انت الي هتعمل امال اسماء راحت
يوسف بابتسامه : اسماء ممكن تكون تعبانه شويه والنبي قال خيركم خيركم لأهله وأنا خيركم لأهله "صل الله عليه وسلم"
والدتها وزوجها متنحين من كلامه حتى اسماء مستغربه
مطولوش ف القعده وأهل اسماء قامو ومشيو
"اسماء كأن كابوس اتزاح من ع قلبها "
اسماء بفرحه: متشكره جدا ليك انك مقولتلهمش حاجه جميلك داه أنا هفضل شايلهولك طول العمر
يوسف بابتسامه: طب مش في حاجه بردو اسمها رد الجميل
بصتله بخوف: عايز اي يعني
_العصر أذن وأهلك كانو هنا ومعرفتش اسيبهم وانزل اصلي ف المسجد وبكدا ضاع عليا ثواب الجماعه
اسماء مستغربه: اه أنا اسفه
يوسف : لا أسفه اي بقى دانا هفجر نفسي فيكي دلوقتي
اسماء خافت
يوسف ضحك : رد الجميل الي عايزه منك انك تتوضي علشان أصلي بيكي جماعه وأخد الثواب
"اسماء مستغربه: هو دا الي انت عايزه
_اها ياستي شوفتي يلا بقى علشان منتأخرش ع الصلاه
اسماء :لسه بدري ع المغرب
يوسف بحزن: انتي عارفه ربنا قال اي
_قال اي
_قال الله تعالي (.فَوَيْلٌ لِّلْمُصَلِّينَ الَّذِينَ هُمْ عَن صَلَاتِهِمْ سَاهُونَ الَّذِينَ هُمْ يُرَاؤُونَ وَيَمْنَعُونَ الْمَاعُونَ [الماعون:4-7]
اسماء باستغراب: مش فاهمه
بوسف بابتسامه : الويل دا وادٍ في قاع جهنم للذين يسهون عن صلاتهم ويأخرونها
اسماء بدهشه: دا للي بيأخر الصلاه امال الي مبيصليش خالص دا هيعمل اي
_في علماء قالت إن تارك الصلاه كافر ولكن ليس كفرا يخرجه من المله وفي فئه من العلماء قالت إنه فاسق
"اسماء خافت جدا وبحزن قالتله: طب والي كان ميعرفش يعمل اي أنا علشان منشأتش ف بيت يعرف ربنا والدين وكدا فكنت اوقات مبصليش
يوسف بابتسامه : الي عرف يتوب إلي الله
اسماء : التوبه هتكفي
يوسف : لا لازم تحاولي تذودي ف السنن وف قيام الليل بحيث انك تعوضي الي فاتك من الصلوات
اسماء لسه هتتكلم يوسف قاطعها
_ع فكره احنا لو فضلنا نتكلم كدا هنبقى من الذين هم عن صلاتهم ساهون
اسماء ابتسمت وقالتله ماشي أنا رايحه اتوضى
يوسف فرح لما شاف ابتسامتها
خلصو صلاه واسماء قامت من ع السجاده
يوسف اقعدي مكانك تاني
اسماء مستغربه: اي في اي هو أنا عملت حاجه غلط
_لا بس اقعدي نختم الصلاه
اسماء : وهنختمها ازاي
يوسف قرب منها ولسه هيمسك ايدها
راحت شدتها لبعيد
_قالها متخفيش وابتسم
وراح ماسك أيدها وفردلها صوابعها وقالها هنقول سبحان الله (33 مرة ) والحمد لله (33مرة ) الله أكبر ( 33 مرة ) ونقول تمام المائة لا إله إلا الله وحده لا شريك له له الملك وله الحمد وهو على كل شىء قدير
+
اسماء سابتله أيدها يسبح عليها وهي بتبصله ومندهشه من كمية اللطف الي بيتكلم بيها والأبتسامه الي ع وشه
يوسف هو انت مبتسم ع طول كدا ليه انت مفيش حاجه بدايقك خالص
بصلها وابتسم : كنت بدايق زمان وكنت ع طول مكشر ومخنوق بس بعد ماعرفت طريق ربنا خدتها قاعده ف حياتي الدنيا فانيه فلما التعب والحزن الملتقى الجنه بإذن الله وبعدين ياستي زعلانه من ابتسامتي ليه دا رسولنا قال ابتسامتك في وجه أخيك صدقه وكان نبينا بشوش الوجه
اسماء: صل الله عليه وسلم " أنا مش زعلانه أنا بس قولت أسألك
يوسف ضحك: أسألتك كتير بس يلا مش مهم هعتبرك عيله من العيال الصغيره الي بدرسلهم
يتبع........
نزلت روايه جديده اهو عايز تفاعل كثير جدا يجماعه علشان اكمل
