"وبيت إذا رأه النبي تبسم"
"أسماء راحت مع يوسف للدكتوره علشان تعرف ليه مخلفتش لحد دلوقتي "
يوسف كان عنده حسن ظن بالله وإن ربنا هيراضيه وأسماء أتعلمت منه الدرس وبقا عندها ثقه كبيره ف ربنا ورضا تام إن الي ربنا كاتبه خير ليها أكيد"
أثناء الكشف اسماء تفاجئت ب الدكتوره بتقولها أنها حامل ف اول اسبوع
أسماء من الفرحه مكنتش مصدقه قالت ليوسف يلا نروح بسرعه عايزه أسجد لربنا وأشكره
____
"بعد مرور شهر ع حملها "
يوسف رجع من الشغل فتح باب الشقه اتفاجئ لما شاف أسماء قاعده ع الأرض وحواليها ورق شكولاته وأكياس شيبسي وكانزات ف كل مكان
يوسف بخضه: ياخبر ابيض اي دا كله
اسماء بتتكلم بتقل ومش قادره تتنفس: قالولي مش هتولدي الا لما كرشك يكبر وانا عديت شهر ولسه مكبرش قولت أكل أنا وأكبره بسرعه لسه هستنى 8شهور كمان
يوسف فضل يضحك: يامجنونه انتي فطستيه جوه
اسماء : انت بتضحك عليا دا جزاتي اني عايزه اجبلك عائشه بدري
يوسف شدها وقومها من ع الأرض : ومين قالك إني مستعجل تيجي ع مهل مهلها
_____
"بعد مرور خمس سنوات ع جواز يوسف وأسماء"
ماما حمزه عمال يدايق فيا
حمزه: عائشه بتكدب ياماما هي الي دايقتني
اسماء ف المطبخ قالتلهم : بدأتو تنكافو ف بعض افهم أن الورد اتحفظ خلاص
عائشه : أنا حفظت
حمزه: أنا كمان حفظت
دخل والدهم يوسف وقال
وأي أخبار أم عائشه حفظت ياترى ولا لا
اسماء : طبعا طبعا حفظت امال مين هياخد بنبون غيري
يوسف ضحك وقالهم يلا علشان نصلي اسماء سيبي الي ف إيدك ويلا
اسماء فعلا سابت المطبخ ودخلت اتوضت وجت تصلي معاهم
وقف يوسف وحمزه ف الأمام
وعائشه وأسماء ف الخلف
بعد ماخلصو صلاه حمزه وعائشه قاموا بسرعه علشان يلعبو
اسماء ندهت عليهم وقالت عودو نفسكو بعد الصلاه اقعدو اذكرو ربنا شويه لأن الملائكه بتبقى حوالينا
عائشه: بجد ياماما
حمزه : ازاي ياماما
أسماء : قال رسول الله صل الله عليه وسلم
وبدأت تسرد الحديث عليهم وتفهمهم
يوسف بصلها وأبتسم وكان فخور أنها كمان اتعلمت تتكلم بقال الله وقال الرسول
قرب من أسماء ومسك أيدها وهي بتتكلم وقالها
كان نفسي ف بيت إذا رأه النبي تبسم وها قد حدث
وقبل رأسها
___
"يوسف كمل مع أسماء رغم علمه أنها متجوزاه غصب وكانت بتخاف من الالتزام
وقال لربنا أنا عايزها يارب اصلحهالي
انتو كمان لما تحبو حد ادعو ربنا يصلحه ليكو
وأقرأو أحاديث كتير وأقروا ف كتب أهل العلم علشان لما حد يقولك حاجه تردي عليه بقال الله وقال الرسول وأرفعي راسك فوق بنقابك وانت كمان ارفع راسك فوق انك ملتحي
حتى لو الحيه والنقاب سنه يكفينا شرف أننا نتبع نبينا محمد وأمهات المؤمنين
وأخيراً هطلب منكو طلب وياريت متكسوفنيش ادعو لأمي بالرحمه والمغفره وإن ربنا يجعلها من أهل الجنه 💙
ونتقابل ف روايه جديده دمتم لي بحبكو جدا💙
