"تصحيح مفاهيم"
"يوسف خرج من بيت اسماء وتمت الرؤيه الشرعيه وحس أنه مرتاح إلى حد ما بس كان مستغرب ليه عيون اسماء مليانه دموع وكان خايف لتكون مغصوبه"
"نهار يوم جديد"
"في المدرسه قاعد رامي ويوسف ومحمد بيتكلمو"
رامي بتريقه: شيخنا الي هيتجوز صالونات عملت اي ياترى
يوسف مدايق منه: يابني انت مالك ومال جواز الصالونات ربنا يهديك يارامي
محمد : سيبك منه يايوسف المهم قولي عملت اي روحت لبنت ولا لسه
يوسف لف وشه لمحمد : روحت امبارح في واحد دلني ع بنت وروحت شوفتها
محمد: اي دا بجد طب واي حددتو الفرح وكدا
يوسف بضحك: ياعم بقولك لسه اول مره اشوفها امبارح أنا عن نفسي حستها هاديه وجميله وروحها حلوه رغم أنها متكلمتش
محمد بضحك : خير البر عاجله عايزين نفرح بقى هتروح تاني ولا هتعمل اي
يوسف: لو والدها اتصل بيا يبقى فيه قبول وان شاء الله هروح تاني
امي بضحك: لو موفقوش اعرف انهم خافو من دقنك دي
يوسف بغضب: قولتلك كام مره مسمهاش دقن اسمها لحيه
محمد : بكرا نتفرج عليك يارامي ونشوف هتتجوز البنت الي انت ماشي معاها ولا هتيجي ف الآخر وتخلع زي ما الشباب بيعمل
رامي بتردد: اكيد طبعا هتجوزها امال انا عايش قصة حب معاها ليه
يوسف: اتجوزها بس هقولك تاني من بني ع باطل فهو باطل أصلح نفسك من دلوقتي
رامي : أصلح نفسي اي يعني عايزني اربي دقني زيك
يوسف: هو الدين تربية لحيه بس الدين ثوابت تانيه كتير والحيه جزء منهم اكيد
رامي :لحية اي بس الي بتتكلم عنها انت مش شايف الملتحيين بيعملو اي
"محمد قاعد مستمع للحوار بينهم"
يوسف: بيعملو اي مش فاهم
رامي: بيقتلو ف الناس ياعم
يوسف بدهشه: ياااه حكمت ع كلنا اننا بنقتل ف الناس طب تعرف حبيبك النبي بيقول اي
_بيقول اي
يوسف_ صلى عليه الاول
رامي_ صل الله عليه وآله وصحبه وسلم
يوسف_ قال صلى الله عليه وسلم : (لزوال الدنيا أهون على الله من قتل مؤمن بغير حق ولو أن أهل سماواته وأهل أرضه اشتركوا في دم مؤمن لأدخلهم الله النار)وهو حديث صحيح كما قال العلامة الألباني في صحيح الترغيب 2/629.
رامي ساكت
يوسف :طب خد الحديث دا كمان
وعن أبي هريرة رضي الله عنه أن رسول الله صلى الله عليه وسلم قال:( المسلم أخو المسلم لا يظلمه ولا يخذله ولا يحقره … كل المسلم على المسلم حرام دمه وعرضه وماله) رواه البخاري ومسلم
هنا لينفذها
رامي: صل الله عليه وسلم بس خلاص انا عرفت انتو مبتقتلوش المسلميين بس بتقتلو الناس الغير مؤمنه بالله وبتفجرو نفسكو فيهم وقال اي بتستشهدو وبدافعو عن الإسلام
يوسف بحزن: يارامي أتقي الله مين قال كدا بس
رامي: مااحنا بنشفكو ف المسلسلات ياعم والاعلام طول النهار يتكلم عنكو
يوسف: وانت بتاخد دينك من الاعلام ماتدور ياعم رامي ف كتب السنه وتشوف نبيك قال اي عن قتل غير المسلم
رامي بتريقه: قال اي ياشيخ يوسف
يوسف : عن عمرو بن الحمق: سمعتُ رسول الله يقول: (مَن آمَن رجلًا على دمه فقتَله، فأنا بريء من القاتل وإن كان المقتول كافرًا)
شايف نبيك بيقول اي بيقول أنا بريء من القاتل ولو كان المقتول كافرا
وعن أبي بكرة قال: قال رسول الله صلى الله عليه وسلم: (من قتل معاهدًا في غير كُنهه، حرَّم الله عليه الجنة)
2
رامي :طب لما هو النبي قال كدا مين الناس الي بتطلع بدقنهم وبيقتلو ف الناس دول
يوسف: دول فئه الدين بريء منهم ومن أفعالهم هدفهم تشويه الدين الاسلامي أنا واحد ملتحي ماشي ع هدي النبي وبس وبعمل بالأحاديث الي قولتلهالك دي فمتجيش انت تتهمني اتهامات باطله لمجرد انك شوفت حد مربي لحيته بيعمل العكس أنا مليش ذنب
رامي بلامبالاه: يايوسف والله ماهما تعملو هتفضلو ارهابين
يوسف بحزن: للاسف انت حافظ مش فاهم وصعب اني أغير تفكيرك لازم الأول تشيل الغمامه الي ع عنيك دي
محمد قاعد وسطهم بيسمع النقاش وأخيرا اتكلم
محمد: تصدق يايوسف كلامك حببني ف الدين اكتر أنا هبدأ اقرأ ف كتب السنه من بكرا علشان ابقى فاهم زيك كدا لما حد يكلمني اعرف ارد عليه
رامي: بقولك اي انتو الاتنين أنا رايح ع فصلي الحصه هتبدأ خليكو مع نفسكو انتو
انتهى الحوار بينهم
"يوسف خلص شغل ف المدرسه ورجع بيته وكالعاده نفس الروتين دخل يعمله حاجه ياكلها وبعدها جم الاطفال الي بيديهم درس القرآن "
بعد ما خلص والد اسماء اتصل بيه وقاله أنه موافق
يوسف فرح جدا وقرر يلبس ويروح يقعد مع اسماء تاني علشان يشوف رأيها
"ف الروئيه شرعيه للمره التانيه"
اسماء دخلت غصب عنها وجوز امها قالها لو عملت نفس الي عملته المره الي فاتت هيضربها فخافت منه وطلعت تقعد معاه ووالدها سابهم وخرج يوسف مكنش حابب كدا بس اتحط قدام الأمر الواقع
اسماء حاطه وشها ف الأرض
يوسف: ازيك
اسماء مش عايزه ترد بس افتكرت جوز أمها وهو بيهددها قالت بصوت واطي : الحمدلله بخير
يوسف بابتسامه: ياه اخيرا سمعت صوتك
اسماء ردت بسرعه : هو انتو بتفجرو نفسكو ليه مش حرام أذية الناس
يوسف استغرب: هما مين الي بيفجرو نفسهم
اسماء: الناس الي بتربي دقنهم زيك
يوسف مستغرب بردو: بس دي مسمهاش دقن دي اسمها لحيه سنه عن النبي صلى الله عليه وآله وصحبه وسلم
_وهو الرسول قال ربي دقنكم
يوسف مندهش من ردودها بس حب يفهمها وقالها :
صح عن النبي ﷺ ما أخرجه البخاري ومسلم في الصحيحين من حديث ابن عمر-رضي الله عنهما-قال: قال رسول الله ﷺ: أحفوا الشوارب ووفروا اللحى خالفوا المشركين وفي صحيح مسلم عن أبي هريرة قال قال رسول الله ﷺ: جزوا الشوارب وأرخوا اللحى
اسماء بتكلم ف نفسها دا حافظ احاديث وشيخ كمان دا اي الوقعه المهببه دي وفكرت تسأله
_هو انت تبع جماعة اي
يوسف: أنا مش تبع جماعه ولا حاجه أنا متبع لنهج اهل السنه
اسماء: ومين أهل السنه دول
يوسف : اهل السنه دول صحابة رسول الله
بس ممكن اعرف ليه كل الأسئله دي هو انتي مش موافقه ع الجواز مني
لسه هتتكلم دخل جوز والدتها فجأه
ردت بسرعه : موافقه موافقه
يوسف استغرب رد فعلها : متأكده انك موافقه
جوز أمها: اكيد موافقه دي فضلت تشكر فيك طول اليلل امبارح
يوسف حس أن في حاجه بس بما انها قالت موافقه خلاص قالهم
_طيب ياعمي ع بركة الله أنا عن نفسي جاهز من كل حاجه وشقتي موجوده وشغلي موجود يعني وقت ماتحبو انتو تحددو المعاد أنا معاكو
جوز أمها مصدق أنه هيخلص منها بس قاله احنا هنتأخر شويه لحد مانجيب الجهاز بتاعها
يوسف رد وقال : لو هي حابه تدخل ع شقتي زي ماهيه أنا موافق الشقه عندي جاهزه بس لو مش موافقه أنا موافق بردو استنا لحد ماتعملها مطبخ جديد وتجهزها
وبالنسبه للنيش فأنا ضد الفكره دي وعامل عندي ف الشقه النيش مكتبه وحاتط فيه كل كتب أهل العلم بس لو انت طبعا حابب تجيب حاجات للنيش أنا موافق
جوز أمها بيقول ف باله اي العريس اللقطه داه
لا بقى داحنا نحدد معاد الفرح
يوسف : بسرعه كدا
جوز أمها: خير البر عاجله يابني
اسماء الدموع خلاص هتنزل من عينها قامت بسرعه خرجت ودخلت ع أوضتها
يوسف استغرب: هي كويسه
جوز أمها: ايوا طبعا دي فرحانه جدا بس تلاقي دموع الفرح خلينا ف المهم تحب الفرح يكون امتى
يوسف باله مشغول بأسماء قاله: زي ماحضرتك تحب بس أنا رأي نطول المده شويه لحد مااسماء تاخد قرار لأن باين انها مش مرتاحه
جوز أمها بغضب بيكلم ف نفسه: ماشي يااسماء اما أدخلك
يوسف : حضرتك سكت في حاجه
زوج والدتها: لا لا مفيش بينا نقرأ الفاتحه
يوسف بابتسامه: قراءة الفاتحه بدعه فبلاش منها
زوج والدتها بيكلم ف نفسه تاني هه بدعه دانت هطلع عليها القديم والجديد بس تستاهل
يوسف استغرب: حضرتك بتسرح كتير تقريباً
_ها لا خالص الي انت شايفه صح احنا هنعمله
"اسماء ف اوضتها بتعيط وخايفه تتجوز يوسف ومفكره انه إرهابي زي ماالاعلام بيحاول يشوه صورة الملتحي "
يتبع.....
