"نهار يوم جديد"
"يوسف صحي يصلي الفجر كالعاده وصحى اسماء تصلي هي كمان"
رجع بعد الصلاه لقى اسماء قاعده ع سجادة الصلاه فرح جدا
وهي أول لما شافته قالتله
يوسف انا عايزه اقرب من ربنا انا حبيت القرب من ربنا اوي
يوسف بابتسامه : تحبي نبدأ مع بعض
ابتسمت وقالتله: موافقه
قعد جمبها ع السجاده وبدأ يكلمها عن ربنا
وهي بتسمعله بفرح
_____
عدا الوقت وهما بيتكلمو والنهار كان طلع
يوسف : أنا جعان هقوم اعمل أكل
اسماء: لا تعمل اكل اي امال أنا روحت فين
يوسف : لا أنا بحب اجهز ألاكل عادي متعود ع كدا
: وانا كمان بحب اعمل اكل ومتعوده ع كدا
: أنا الي هعمل الاكل يااسماء
:أنا الي هعمل الاكل يايوسف
يوسف: نلعب حجره ورقه مقص
اسماء بضحك ملتحي وعايز يلعب حجره ورقه مقص هههه
يوسف مسكها من ودانها هو الملتحي دا اي مش كائن حي ولا اي بالظبط
اسماء بضحك: اااه سيب وداني
_طب يلا قومي قدامي ع المطبخ علشان هنجهز الفطار سوا
اسماء بضحك: تصدق فكره واهو نفض الأشتباك
جهزو الفطار وخلصو أكل وقضو اليوم مع بعض ضحك وهزار
فجأه الباب بيخبط
يوسف راح يفتح
_عمو الشيخ عمو الشيخ وحشتنا والأطفال حضنوه
فرح لما شافهم وحضنهم وقالهم دا مكنش يومين اجازه دول
قعدو وبدأ يوسف يهزر معاهم ويسمعلهم
اسماء واقفه من بعيد بتبص عليهم وهي مبتسمه
يوسف خد باله ندهلها وقلها اسماء تعالي أقعدي
اسماء فرحت وقعدت وسطهم
بنت صغننه من الأطفال سألته مين دي ياعمو يوسف
قالها دي بنوته جايه تحفظ معاكو قرآن وهتبدأ من النهارده موافقين تخلوها صحبتكو
رد طفل صغير : ايوا طبعا موافقين وبص لأسماء وقالها انتي حلوه اوي ممكن تبقي صحبتي ونحفظ سوا
يوسف بضحك: ولد أنا بغير محدش يقولها انتي حلوه غيري
اسماء ضحكت والكل بيضحك
بنت صغيره قالت: ع فكره انا عارفه انك مرات عمو الشيخ يوسف يابختك بيه دا حنين اوي هيديلك كل يوم بنبون كتير زي ما بيدينا
الكل بيضحك ويوسف وأسماء بيبصو لبعض بنظرة حب وتفاؤل وإن الي جاي احلى بإذن الله
يوسف خلص تحفيظ ودخل يقرأ شويه ف كتب أهل العلم
أسماء قاعده بتقلب ف الموبايل فچأه جتلها رساله من الشخص الي كان واعدها بالجواز
بيقولها أنا سمعت انك اتجوزتي واحد من بتوع الدين دول لو حاسه انك مش مرتاحه معاه ممكن نرجع نتكلم سوا
اسماء حست انها رخيصه اوي وأنها ازاي فتحت قلبها لواحد زي داه عملتله بلوك وهي بتعيط وقالت ف نفسها
كنتي عايزه تتجوزي واد روش وصايع انما الملتزم كنتي رافضاه ياغبيه دا انا حاسه اني من يوم ماتجوزت يوسف وأنا عايشه ف جنه
مسكت موبايلها ودخلت ع صفحة يوسف ع الفيس بوك وجابت لينك الأسگ بتاعه ودخلت تسأله من غير مايعرف هي مين
بعتتله وقالتله
أنا غلطت وندمانه ربنا هيقبلني
يوسف قاعد ف الاوضه التانيه بيقرا فجأه جت الرساله مسك موبايله وقرأ السؤال ورد عليها
_غافر الذنب وقابل التوب اتظنه يردك
اسماء بعتتله وهي بتعيط
: تفتكر هيسامحني
رد عليها : عن أنس –رضي الله عنه- قال : سمعت رسول الله صلى الله عليه وسلم يقول : «قال الله تعالى : يا ابن آدم، إنك ما دعوتني ورجوتني غفرت لك على ما كان منك ولا أبالي، يا ابن آدم، لو بلغت ذنوبك عنان السماء، ثم استغفرتني، غفرت لك ولا أبالي، يا ابن آدم، إنك لو أتيتني بقراب الأرض خطايا، ثم لقيتني لا تشرك بي شيئا، لأتيتك بقرابها مغفرة» (رواه الترمذي) .
أبشري فمجرد التفكير بالتوبه توبه
"اسماء قرأت رده كتبت له وقالت"
ليا ماضي سئ وتزوجت بشخص حسن الخلق هل أصارحه
يوسف رد وقالها
_ التوبه تجب ما قبلها وقد سترك الله لما تفضحيين نفسك
"اسماء كتبتله: تفتكر زوجي هياسمحني
رد وقالها : ربنا سبحانه وتعالى بيسامح يبقى جوزك مش هيسامح
كل بني أدم خطاء يااختي لسنا معصومين لكن خير الخطائين التوابين والفرق بين العاصي والمُلتزم مش ان ده بيعصي وده مبيعصيش ؛ الفرق بين العاصي والمُلتزم ان ده بيعصي ومبيتوبش وده بيعصي وبيجدد التوبة ربنا يهدينا جميعا
اسماء بعتتله
حاسه اني لازم اطلب الطلاق دا شخص كويس مينفعش اظلمه معايا
رد وقالها
التائب من الذنب كمن لا ذنب له انتي بتبتدي من جديد أهم حاجه انك تعذمي ع عدم العوده للذنب وكوني له خير زوجه تعينه ع الطاعه وتحفظ نفسها له
اسماء شافت رده فضلت تبكي من جمال دين ربنا وإنه ازاي سهل وبسيط كدا ومفيش تعقيد
يتبع .....
