"اسماء لما سمعت أن الفرح قريب دخلت اوضتها وقفلت ع نفسها وفضلت تعيط"
مسكت موبايلها تكلم صاحبتها
_الحقيني يامي جوز أمي عايز يجوزني
مي: طب وأسامه راح فين هو مش وعدك انو يجي يتقدملك
اسماء منهاره من العياط: طلع كداب وكان بيضحك عليا اول لما عرف قفل موبايله ومش عايز يكلمني
مي: طب اهدي اهدي كل حاجه وليها حل
اسماء: حل اي بس دول حددو معاد الفرح
مي: بسرعه كدا
اسماء: جوز أمي عايز يخلص مني تعرفي عايز يجوزني لمين هيجوزني لواحد من الناس الي ليهم دقن وإرهابيين دول
1
مي بدهشه: يلهوي زي الي بنشوفهم ف المسلسلات الي بيموتو الناس
اسماء بعياط: اه ياستي شوفتي
مي: هو كبير ف السن ولا اي
_لا لسه صغير وشكله مش وحش دا حلو جدا بس أنا كل مخاوفي من الدقن دي دا لو عرف اني كنت بكلم حد قبل مااعرفه هيقتلني اكيد دول مفيش تفاهم معاهم
_وهو اي الي هيعرفه ياغبيه بس حاولي تتصرفي الناس الي بدقن دي بتنقب زوجاتهم وبيحبسوهم ف البيت ومعقدين جدا خلي بالك
اسماء بخوف: طب هتصرف ازاي دلوقتي بقولك لو موافقتش جوز أمي حالف ليرميني ف الشارع
مي: يلهووي اي الراجل المفتري داه
_انا تعبت من حياتي خلاص يارب اموت
"وقفلت معاها وفضلت تعيط"
____$
"نهار يوم جديد
يوسف قاعد مع محمد زميله ف المدرسه كالعاده"
محمد: عملت اي يابني ف العروسه
يوسف بحزن: مش عارف يامحمد حاسس ان في حاجه مش طبيعيه وخايف البنت دي تكون مغصوبه ع الجواز
_هي قالت مش موافقه يعني
_لا بالعكس قالت إنها موافقه وعادي بس أسألتها غريبه اوي وتفكيرها
_أسألة اي
_يعني بتقولي هو انت تبع جماعة اي وانتو بتفجرو نفسكو ليه وكلام غريب كدا
محمد بحزن: منه لله الإعلام والمسلسلات الي بينقلو للناس صوره سيئه عن الملتزمين لدرجة أن الناس بقت تخاف منهم
_مانا خايف من كدا خايف تكون مش حباني ومفيش قبول من ناحيتي
_يابني مش انت قولت أنها قالت موافقه
_ايوا
_خلاص سيبك من وساوس الشيطان دي ولو محصلش نصيب البنات كتير مدايقش نفسك
_ع رأيك خليها ع ربنا اكيد ربنا مش هيكتبلي حاجه وحشه
_فعلا الطيبين للطيبات والخبيثون للخبيثات
يوسف : لا انت فاههم غلط الايه متعلقه بالاعمال وليس لها علاقة بالزاوج والدليلل ع ذلك أن نبي الله نوح و لوط زوجاتهم كانت كافره بمعني اوضح مكانتش طيبه عشان تتزوج نبي وقول تعالي ( فأنجيناه واهله الا امرأته كانت من الغابرين)
وكمان السيده آسيا زوجة فرعون.. أمنت بالله رغم وجودها ف بيت من يدعى انه آله.
محمد بدهشه: ياه السنين دي كلها وانا فاهم تفسير الأيه غلط
يوسف بإبتسامه: معظمنا فاهمها غلط ادعيلي انت بس لو ليا نصيب فيها ربنا يصلحهالي ويجعلها خير زوجه لي ولأولادي
_ربنا يكرمك يا يوسف وان شاء الله ربنا هيصلحلك الحال ياحبيبي
__$
"بدأ يوسف يروح مره واتنين وأسماء بسبب الضغط عليها كانت بتكلمه كويس وبتبين أن مفيش حاجه ويوسف كمان ارتحلها خصوصا انه عارف انها عايشه مع زوج أمها وعانت ف حياتها فكان عايز يتجوزها من باب أنه يعوضها عن كل الي هي شافته ف حياتها
يوسف قال أنا مش هعمل فرح وهشغل اغاني وكلام من داه احنا فرحنا هيبقى اسلامي
اسماء قالت أنا مش عايزه فرح خالص ملوش لزوم
يوسف استغرب بس وافق ع رغبتها
عدت الأيام وجه معاد كتب الكتاب والفرح ويوسف خدها وراحو ع شقتهم
____$
"يوسف كان فرحان جدا واسماء مقدرتش تمسك دموعها"
"بيقرب منها علشان يقبل رأسها
رجعت لورا
أفتكر أنها مكسوفه ابتسم وقالها متخفيش
كل اما يقرب ترجع لورا
حس أن في حاجه مش طبيعيه
فجأه اسماء انفتحت ف العياط ونزلت ع الأرض بركبتها وفضلت تعيط بطريقه هستريه
يوسف اتخض عليها
_اسماء انتي كويسه
مردتش عليه وفضلت تعيط
راح بسرعه جابلها كوباية مايه وجه
بيقرب منها كوباية المايه
مدت أيدها ليه وهي بتترعش ونظرات الخوف باينه ف عيونها
حس بخوفها حط الكوبايه ع الأرض وبعد عنها شويه
خدت الكوبايه وشربت بوء مايه
يوسف مستغرب : معقوله تكوني خايفه مني
اسماء حاطه وشها ف الأرض
يوسف حس أنه لازم يسبها لوحدها شويه علشان تطمن
سابها وخرج وهو بيقول ف باله أنها اكيد بنت ولسه مستغربه أنها ازاي هتعيش مع واحد غريب ف بيت واحد
خليها لوحدها لحد ماترتاح
"اسماء خافت اول لما شافته خرج من الأوضه وأفتكرت أنه هيجيب حاجه يضربها بيها فجأه سمعت صوت جميل بيقرأ قرآن بره
فتحت الباب وبصت بالراحه لقت يوسف بيصلي فضلت واقفه وهي مرعوبه فجأه لقته خلص صلاه ودخل ع الأوضه التانيه نام
يتبع.....
