اللى مبيظبتش منبه لصلاة الفجر كل يوم لازم يراجع نفسه تانى وثالث لأن الأمر خطير واللَّـه، وهقولك على معلومة مهمة جايز تهزك وتخليك تقوم مهما كنت تعبان.
وهى إن يوم القيامة هتكون الدنيا ضلمة جدًا ومش هيساعدك فى هذه الضلمة إلا أنوار صلاة الفجر، صلاة الفجر هتكون مصدر من مصادر النور يوم القيامة.
"بشر المشائين فى الظلم إلى المساجد بالنور التام يوم القيامة."
فاللهمَّ اجعلنا منهم.
في منزل مليء بالدفئ والأمان لم نجد مثلهم كثيراً في وقتنا الحالي تتجمع العائله علي مائده الطعام يتناولون الإفطار..
تتحدث عهد إلي والدتها
_ امال اي عملاله الفول بالطحينه اللي هو بيحبه لكن انا أقولك اعملهولي بالطماطم ولا كأني بتكلم ..انا عايزه افهم بس لو انا مش بنتك قوليلي اروح ادور علي أمي تعملي فول بالطماطم.
ترد عليها والدتها ( فاطمة)
_أعمله اللي هو عايزه دا انا عنيا ليه.
نظر عمر بشماته لعهد وهو يقبل كف والدته
_ربنا يخليكي ليا يا ست الكل ويبعد عننا الناس الحقوده.
ترد عليه عهد وهي تنظر إليه نظرة مستاءه
_ نينيني..هو انا مش بنتك يا وليه انتي، ماتحضرينا يا ست علياء وتقولي كلمه لمرات أبونا دي.
تنظر لهم علياء ببلاهه
_هاا بتقولي اي؟!
_أصلا!! دا انتي مش معانا خالص .
يتحدث عمر إلي علياء قائلاً
_مالك يا علياء في اي يا حبيبتي ؟
ترد عليه علياء بإبتسامه رقيقه
_مفيش حاجه يا عمور انا بس مرهقه شويه من الشغل عن اذنكوا هدخل ارتاح في اوضتي شويه جنب غاليه.
نظر عمر إلي والدته بإستغراب
_في اي يا ماما مالها علياء ؟
ترد عليه والدته
_معرفش يا حبيبي اهي علي الحال دا من ساعه ما جات من الشغل انا خايفه يكون اللي في دماغي حصل ...
في كافيتريا الجامعه يتجمعون الشباب والفتيات منهم من يأكل ومنهم من يذاكر ومنهم من يثرثر مع اصدقائه
تتحدث روان
_ها مين فيكوا طالع رحله ذهب دا دكتور احمد المحلاوي هو المشرف يعني قمه الفرفشه والنعنشه.
ترد عليها شهد صديقتها
_انا معاكوا بس هاخد إذن ماما الأول.
وأيضاً فريده صديقتهم
_هقول لبابي ويارب يوافق أنا زهقانه اوي وعايزه أغير جو.
تتحدث إليهم روان بتوسل
_بالله عليكوا تقنعوا اهاليكوا من زمان ماطلعناش رحله مع بعض عايزين نفك شويه قبل امتحانات الميدتيرم.
أنت تقرأ
عُمري الفريد ..♡
Romanceفي منزل يعمه الضجيج في كل مكان يسير رجال الشرطه هنا وهناك يتحدث أحدهم قائلاً: _ جريمه القتل دي حصلت امتي بالظبط يستمع الي صوت انثوي يأتي من خلفه _ من ساعه تقريباً عشان انا كنت هنا مع جوزي ونزلت اجيبله سجاير من السوبر ماركت اللي تحت وطلعت لقيته مقتو...
