أنا لا تغريني فكرة العودة إلى المنزل ،بقدر ما تغريني
فكرة العودة إلى عائلتي ورؤية وجههم هكذا دون مسافات وحدود فأنا لا أمان لي ولا منزل آوي إليه
بعيدًا عن ظل عائلتي ."
روان : يا ابن الجزمه أنت مش في دبي هي دبي نقلت هنا !! وحياه امك ما هسيبك.
رحيق: تؤتؤتؤ يعني قالك أنه مسافر وهو هنا قدامنا قرطاس لب واقف جنبي يا اخواتي.
فريده : بس يا بوتاجاز انتي وبعدين في أي يا روان يا اتنشن هو انتوا مش صحاب بس؟!
لترد عليها روان : ايوه صحاب بس دا مايمنعش إنه يقولي هو فين ليه الكدب يعني سنديني يابت يا رحيق خليني اروح أفرج عليه أمه لا اله الا الله.
لتصفق رحيق بحماس: الصلاه ع النبي يلا يا ابو الصحاب نروح نبهدله ازااااي مايقولكيش أنه في مصر ازااااي !!
شهد : اسكتي انتي يا حريقه بطلي تولعي فيها انتي مش بتقولي انكوا مجرد صحاب ملكيش حق انك تعرفي هو رايح فين وجاي منين دا غير اصلا إن كل دا عك في عك الصداقه بين الولد والبنت حرام حتي لو بيكلمك يسمعلك قرآن في التليفون ربنا سبحانه وتعالى نهي عن الصداقه دي وقال في سوره النساء ( ولا متخذات أخذان) يعني ماينفعش تصاحبيه اصلا.
روان : والله يا شهد انتي بتحرجيني بكلامك دا.
لترد عليها شهد : دا مش كلامي دا كلام ربنا وعلي العموم يلا بقي نروح انتي تعبانه هو انتي فيكي حيل تتخانقي!!
لتهتف فريده بغضب طفولي : يوووه أي دا بقي يعني مفيش خناقه أنا كنت عايزه اتفرج
شهد : تتفرجي علي اي يا حببتي؟! يلا انتي وهي انجروا علي السكن صبرني يارب علي ما ابتلتني ربنا يهديكوا يا حبايبي أو يهدكوا ايهما أقرب عشان انا تعبت.
ليغادروا المستشفي ويعودوا إلي السكن ..
في السكن
شهد : ادخلي ارتاحي يا روما علي ما اعمل الاكل
لتدخل شهد وفريده المطبخ وتقوما بتجهيز الغداء
وتجلس رحيق مع روان يتحدثوا بشأن الشاب الذي التقوا به أمام المستشفي
رحيق : ازاي يكدب عليكي كده وانتي هتسكتيله ؟؟
روان : لا طبعا مش هسكتله
رحيق : يعني هتعملي اي ؟
روان : هعمله بلوك
رحيق : نعم يا روح امككك !! بلوك دا اخرك ؟!!!
لتقطع حديثهم فريده
فريده : يلا يا بنات الغدا جاهز
رحيق : ماشي يا صاحبتي جايين
لتستند روان علي رحيق
رحيق : انتي ليه محسساني انك عامله عمليه دا هما حصوتين في كليتك
روان : الهي اللي فيا يجي فيكي يا رحيق يا بنت سلوي عشان تحسي باللي انا حاسه بيه.
شهد : كفياكوا خناق ويلا عشان ناكل
ليبدأوا في تناول الغداء
لتضع شهد أمام روان فرخه
شهد : كلي يا روان الفرخه دي يا حببتي عشان ترمي عضمك انتي تعبانه
رحيق : جرا اي يا شهد هي والده ياماا هتأكليها فرخه مش عملتيلها شويه مغات بالمره
شهد : اتلمي يا رحيق الكلب
روان : والله انا مليش غير شوشو هنا في الشقه الرمه دي
فريده : اممم وأي كمان
روان : وفوفا كمان معاها
رحيق : ايوه مانا بنت البطه السودا طب مخصماكي ٣ ايام بقي !!
شهد : بطلوا رغي وكلوا ..
أنت تقرأ
عُمري الفريد ..♡
عاطفيةفي منزل يعمه الضجيج في كل مكان يسير رجال الشرطه هنا وهناك يتحدث أحدهم قائلاً: _ جريمه القتل دي حصلت امتي بالظبط يستمع الي صوت انثوي يأتي من خلفه _ من ساعه تقريباً عشان انا كنت هنا مع جوزي ونزلت اجيبله سجاير من السوبر ماركت اللي تحت وطلعت لقيته مقتو...
