مفيش حاجة بتبهرني قد وقفة ربنا جنبي في كل المواقف اللي انا ببقي شايف انها أكبر مني واني مش هعرف اعديها لوحدي، كل مره بيبهرني برحمتة وبإنه قد ايه قريب لينا اوي وسامعنا وحاسس بينا حتي لو احنا منستاهلش وحتي لو مقصرين وحتي لو ذنوبنا كتير 💜
تخرج روان خارج المستشفي حيث توجد حديقه بالأسفل تجلس علي الارض وهي تشعر بأنفاسها تتلاشي شيئا فشيئاً
يأتي من خلفها مروان ويجلس بجانبها دون التحدث وبعد مرور دقائق قليله تتحدث روان وهي تنظر أمامها حيث اللاشئ
_ شهد دي مش مجرد صاحبتي ولا حتي اختي شهد دي امي حرفياً بحسها كده بتخاف عليا وبتنصحني وبتسندني طول الوقت اول ما بقع بلاقي ايديها اول ايد بتشيلني اول ما بحس بخنقه بترمي في حضنها وبحس اني حرفياً حاضنه ماما بتفضل تقرأ عليا قرآن صوتها نفسه فيه دفي رهيب بحس بحنيتها في عيونها وصوتها ولمستها انا مبحسش بيتم الام وانا في حضنها طول الوقت بتنصحني اني البس الحجاب واني ابطل تصرفات الطيش اللي بعملها وبتديني النصيحه من قلبها فعلاً شهد رقيقه اوي مش هتقدر تستحمل اللي حاصلها دا
يمسك يديها مروان ويبدأ بتهديتها
_ شهد قويه يا روان ربنا اكيد هيقويها وهتقدر تتغلب علي كل دا، انا عارف ان هي بالنسبالك حاجه كبيرة جداً بس انتي مينفعش تبقي كده لازم تبقي قوية عشانها عشان انتي المره دي اللي تسنديها وتبقوا جنبها كلكوا هي في أمس الحاجه للدعاء دلوقتي ادعيلها يا روان واكيد ربنا هيسمعك.
تصرخ روان بأعلي صوت تمتلكه وهي تنظر الي السماء تطلب من ربها
_ يااااااارب يارب اشفيها يارب انا عارفه اني ممكن دعوتي متستاجبش عشان مش قريبه منك اوي بس اشفيها عشانها هي يارب شهد بتحبك اوي يارب وانا كمان والله بس هي قريبه اكتر مني يارب مش عايزاها تروح مني زي ماما يارب الأذيه متجيش فيها يارب اديني انا التعب والأذي انا موافقه بس شهد لا والنبي يارب
في الجامع بجانب المستشفي
ترفع فريده يديها وهي علي سجادة الصلاة وتقوم بصلاة ركعتين حاجه الي ربها وهي ساجده تدعو ربها الي صديقتها
_ اللهم رب الناس اذهب البأس اشفي وانت الشافي لا شفاء الا شفاؤك شفاء لا يغادر سقماً يارب اشفي شهد بنت ناهد يارب ، يارب قويها يارب
وتبكي فريده وهي تدعي الي صديقتها وتقوم بالتسليم
وهي جالسه علي سجاده الصلاه تدعو ربها يارب اشفيها يارب لا إله إلا انت سبحانك اني كنت من الظالمين يارب اقف جنبها يارب واشفيها وعافيها شهد بالنسبالي كتير اوي يارب مقدرش اتخيل حياتي من غيرها شهد غيرتني وغيرتنا كلنا للأحسن خرجت الحلو اللي فينا يارب ماتحرمني منها ولا من حنيتها يارب.
أنت تقرأ
عُمري الفريد ..♡
Romanceفي منزل يعمه الضجيج في كل مكان يسير رجال الشرطه هنا وهناك يتحدث أحدهم قائلاً: _ جريمه القتل دي حصلت امتي بالظبط يستمع الي صوت انثوي يأتي من خلفه _ من ساعه تقريباً عشان انا كنت هنا مع جوزي ونزلت اجيبله سجاير من السوبر ماركت اللي تحت وطلعت لقيته مقتو...
