من ألطف أنواع الرزق "رزق الصحاب" ، ان ربنا يرزقك بشخص بيحبك لنفسك ولذاتك مش لشئ ما معاك، مابيتكلمش معاك عشان عاوز حاجه معينه او عاوز منك مصلحة ، صاحب ابن أصول شبهك مابيزعلش ، مابيتقمصش، رغم انكم تعرفوا بعض من سنين قليله إلا وانك حاسس انكم تعرفو بعض من ١٠٠ سنه ، تفاصيل ملامحكم فيها من بعض والناس دايما تسألكم انتم اخوات ولا قرايب ، ممكن تكونوا فاشلين دراسيا ومحطمين نفسيا ، مزاجين بتضحكوا و تزعلوا من أقل حاجه ، الشات بينكم عباره عن كوميكس و مزيكا و ميمز ، نفس التفاهه ونفس معدل الغباء ، كل واحد فيكم يعرف عن التاني أكتر ما أهله يعرفوا عنه ، النسخه التانيه منك
و دا اسمه "رزق الصحاب"، فا حقيقي ربنا بيحبك لو رزقك بصاحب بيحبك فعلا ، بيحبك أكتر مابتحب نفسك💙
مركز العلاج الطبيعي الخاص بمازن
السيده : السلام عليكم ورحمه الله وبركاته.
مازن : وعليكم السلام ورحمه الله وبركاته.
السيده : اذيك يا دكتور احنا سمعنا عن حضرتك كتير وقولنا أن شاء الله الشفاء هيبقي علي ايدك.
ليبتسم مازن : أنا تحت امرك
ليوجهه مازن نظره الي الجالسه علي الكرسي المتحرك..
مازن بابتسامه : اذيك
لترد عليه ( مريم ) بلامبالاه : كويسه
لتشرح إليه السيده حاله إبنتها: الدكتور اللي بتتابع معاه ( مريم ) قالنا لازم تروح لدكتور علاج طبيعي عشان محتاجه جلسات علي رجليها.. ودي الروشته والتحاليل بتاعتها يا دكتور.
لينظر مازن الي التحاليل لبضع دقائق.
ليوجهه نظره الي مريم : خلاص بإذن الله هنبدأ جلسات وكل حاجه هتبقي كويسه..هتجيلي مرتين في الاسبوع وان شاء الله خير.
لترد عليه مريم : لا مرتين كتير خليها مره واحده.
مازن : لا ما احنا لازم نساعد بعض عشان نقدر نوصل لنتيجه كويسه سوا ونخف بسرعه.
لتومأ إليه والده مريم : ودا المطلوب يا دكتور انا عايزه اشوف بنتي بتمشي علي رجليها تاني وتمارس حياتها الطبيعيه زي الناس.
ليرد مازن بابتسامه : أن شاء الله خير خلي عندك ثقه في ربنا وانا هبذل كل مجهودي عشان ترجع لحياتها الطبيعيه تاني.
السيده : تمام يا دكتور متشكرين جدا.. السلام عليكم.
ليرد مازن السلام وتخرج السيده من المكتب.
طرقات علي الباب متواصله وعلي الجرس.
لتفتح علياء : ايييي هو احنا قاعدين ورا الباب.
لترمي عهد الخضار علي علياء
عهد : خدي الخضار اهو وبعد كده مش نازله اجيب حاجه تاني جاتكوا القرف.
لتسألها علياء : اي دا مالك داخله بزعبيبك كده ليه ؟!
ليخرج عمر من الغرفه علي صوت صراخهم.
عمر : في اي يا عهد مالك حد كلمك من اللي تحت ولا اي ؟
لترد عليه عهد بحنق : هو حد يقدر يكلمني دا انا بهدلتهم .
لتأتي فاطمه من المطبخ علي صوت صراخ عهد : عملتي اي يا آخره صبري.
عهد : بقولك اي ياست انتي والله لو جيتي في صفهم لاسيبلكوا البيت وامشي عشان أنا زهقت من العالم دي.
قاطعها عمر : حيلك حيلك بس قولي اي اللي حصل.
لتقص عليهم عهد ما حدث : مرات عمك الحيزبونه هي وجدتك يا اخويا استلموني وانا طالعه ع السلم.
أنت تقرأ
عُمري الفريد ..♡
عاطفيةفي منزل يعمه الضجيج في كل مكان يسير رجال الشرطه هنا وهناك يتحدث أحدهم قائلاً: _ جريمه القتل دي حصلت امتي بالظبط يستمع الي صوت انثوي يأتي من خلفه _ من ساعه تقريباً عشان انا كنت هنا مع جوزي ونزلت اجيبله سجاير من السوبر ماركت اللي تحت وطلعت لقيته مقتو...
