"لا تدفع نفسك لقبول ما لا يُرضيك ولا يُناسبك، لا تضطر للإستمرار في مكان لا يُلائمك، لا تستهلك الشعور الصحيح على الأشخاص الخطأ، حين تجد نفسك في تبرير و توتر مستمر عليك أن تعود لتختار نفسك.
تبتسم عهد اليها ابتسامه ودوده
_ تسلمي يا طنط
تتحدث والده يونس إليه
_ روح يا يونس هاتلنا حاجه نشربها
_ بتوزعيني صح
_ ايوه بوزعك وخد فريده معاك يلا
تتحدث فريده
_ اي دا اي دا احنا بنتطرد عيني عينك كده
_ ايوه يلا عايزه اتكلم مع عهد شويه
_ اوكي يا طنط هنطرد بهدوء حاضر
تمسك فريده ايدي عهد وتهمس اليها في اذنها
_ متخافيش انا جنبك هنا لو ضايقتك ناديني واهدي كده مش هتاكلك متخافيش
تبتسم عهد بتوتر الي فريده
_ اشغلي عمر متخليهوش يشوفنا
_ حاضر هروح اشغلهم كلهم عنكوا
ترحل فريده هي ويونس ولكن قبل رحيلهم يميل يونس علي والدته
_ براحه عليها شويه هااا
_ امشي يا ولد من هنا
يرحلوا وتبقي عهد ووالده يونس
_ اذيك يا عهد
_ الحمدلله بخير يا طنط أنا اتشرفت جداً بمعرفة حضرتك
_ تسلمي يا حبيبتي .. بصي بقي يا عهد انا هكلمك كلمتين عايزاكي تدوريهم في دماغك كده كويس انا عندي بنت زيك يا بنتي وهعتبرك زيها
_ ودا شرف ليا ان حضرتك تعتبريني زي بنتك
_ بصي يا بنتي يونس لا هو شبهك ولا انتي شبهه يونس ابني لعبي وبيلعب بيكي يونس من صغره وهو اي حاجه عايزها بياخدها وهو شايفك مختلفه عن كل البنات اللي شافهم في حياته وعشان كده مشدودلك لكن دي مجرد فتره صغيره ولما يحس إنك بتاعته هيرميكي زي اي لعبه كان نفسه فيها واول ما بقت بتاعته زهق منها ورماها.
ترد عليها عهد بهدوء رغم العاصفه التي بداخلها
_ بس يونس بيحبني يا طنط مش مجرد بيتسلي بيا انا فعلاً بحس بحبه ليا في كل حاجه تصرفاته وكلامه
_ اه هو من الواضح انك مفهمتيش كلامي كويس طب بصي بقي يا بنتي لا انتي شبهنا ولا من مستوانا ولو كنتي عايزه ابني يتجوزك عشان يبقي عندك فلوس وتعيشي ملكه فأنسي كل دا لإني مش هسمح بيه.
_ أنا لا عايزه فلوس ولا عايزه أعيش ملكه انا يونس عندي بالدنيا يا طنط والواضح ان حضرتك مش قادره تستوعبي حبي ليه انا عمري ما بصيت علي فلوس انا لو هعيش انا ويونس في عشه فراخ انا هبقي مبسوطه وعلي قلبي زي العسل كل دا ميفرقش معايا لإني الحمدلله عيني مليانه وطول عمري طلباتي مجابه أخويا شايل مسئوليتي من صغري وعمره ما قصر معايا وعيني شبعانه اللي بيبص علي الفلوس والحاجات دي يبقي حد جعان وانا الحمدلله شبعانه.
_ امممم برضو شكلك مفهمتيش كلامي كويس طيب هقولك علي آخر حاجه كده الشاب اللي قاعد هناك دا أخوكي صح
أنت تقرأ
عُمري الفريد ..♡
Lãng mạnفي منزل يعمه الضجيج في كل مكان يسير رجال الشرطه هنا وهناك يتحدث أحدهم قائلاً: _ جريمه القتل دي حصلت امتي بالظبط يستمع الي صوت انثوي يأتي من خلفه _ من ساعه تقريباً عشان انا كنت هنا مع جوزي ونزلت اجيبله سجاير من السوبر ماركت اللي تحت وطلعت لقيته مقتو...
