عُمري الفريد ..⁦♡

واهتِف بالحُبّ أهلاً رَمضان 🥰🥰

افرحوا ب رمضان وهنوا بعض واصنعوا انتو البهجة ... بلاش جو مش حاسين ،
وتذكروا  قول الله تعالي" ومن يُعظم شعائر الله فإنها من تقوي القلوب"

انشروا السعادة ❤

تخرج روان خاتم من فمها

وهي تنظر بصدمة الي عهد
_ اي داااا !!

تأتي فريده من خلفهم
_ والله قولتلهم هتاكله دي بتاكل الاخضر واليابس دي محدش صدقني

تنظر اليها روان بإستغراب
_ فريده انتي اي اللي جابك هنا انا مش فاهمه حاجه

يأتي عمر ورحيم ايضاً يتحدث عمر الي روان
_ كسفتينا الله يكسفك ، كويس انه حطلك خاتم باتنين جنيه ونص بدل ما كنتي بلعتي الخاتم الغالي اللي الواد دافع فيه دم قلبه

وأخيراً يأتي مروان يرتدي جاكيت اسود جلد وبنطال من اللون الاسود كان جذاب وشعره مهندم علي عكس عشوائيته المعتادة

يقف مروان امام روان وهي لا تستوعب ما يحدث من حولها
_ هو في اي يا رجاله ما حد يفهمنا

يثني مروان ركبتيه علي الارض امامها ويقوم بفتح علبه علي شكل ورده كانت تحمل بداخلها خاتم
_ تتجوزيني يا روان

تشهق روان من هذا الفعل لا تعرف ماذا تجيب شُل جسدها لا تقدر علي الحراك اطلاقاً يُخيل لها أنها في حلم ولكن حلم جميل.
تنغزها فريده كي تفيق تنتبه روان وتعود الي ارض الواقع

تتجمع الدموع في عينيها وهي تنظر إلي مروان حبها الطفولي تهز رأسها بالإيجاب
_ موافقة

يبتسم مروان بشده ويضع الخاتم في أصبعها
ثم يضع قبله علي كفها
_ بحبك يا روما

كانت روان تنظر إليه بعدم تصديق يستكمل مروان حديثة وهو ينظر داخل عينيها بحب
_عمري ما اتمنيت حد قد ما اتمنيتك ،انتي حب حياتي ،حب الطفوله اللي مقدرتش ابعد قلبي عنه برغم بعدك عنه مقدرتش احب حد غيرك ولا حتي حاولت قلبي رافض يحب غيرك وكأنك سحراله ، بنتي اللي ربيتها علي ايدي من صغرك وانا بخاف عليكي بحس انك مسئولة مني

واني فعلاً لازم اخاف عليكي ربنا يقدرني واقدر اسعدك واخليكي اسعد انسانه في الدنيا واعوضك عن اي حاجه شوفتيها في حياتك هبقي ابوكي واخوكي وصاحبك وحبيبك وكل حاجه هقوم بكل الأدوار اللي في حياتك لأجل عيونك اللي كفرني علي وشي من ٤ ابتدائي.

تنهمر الدموع من عينيها لا تصدق ما تري تريد ان ترتمي بأحضانه وتصرخ بأعلي صوت ان كل دقه من دقات قلبها تصرخ بأسمه تريد ان تعبر عن مدي حبها واشتياقها له ولكن في النهايه صمتت لا يعد لديها القدره علي الحديث.