عُمري الفريد ..⁦♡

اللعنه علي الظروف 💔

حقيقة النصيب غلاب ..

تفارق حد سنين والقدر يخبطكم في بعض
ممكن تبقي مع حد وتصحي تكون نصيب حد تاني خالص ترسم حياتك مع شخص ويجي القدر يقلب كل الموازين تبقا فاكر انك خلاص اخدت الي اتمنيته وفي لحظة تنتهي كل حاجة مفيش حاجة مضمونة ولا حتي مؤكدة حبيبك يبقي عدوك وعدوك يبقي رفيق دربك
اكتر حد هتبقي رافضة ممكن توافق وتكمل معاه في ثانية الي هتبصم بالعشره انك خلاص ملكتة في ثانية بيروح المواعيد مترتبة ونصيبك هتاخده والأرزاق ملك الرازق اختيارات ربنا دايماً أفضل

في سكن البنات
تجلس شهد في الصاله تذاكر محاضراتها
وتجلس فريده في البلكونه تستمتع بالهواء النقي وهي تذاكر ايضاً

تخرج رحيق من الغرفه وهي تضع الورق علي وجهها
_ انا زهقت من الوليه اللي عماله ترغي وانا مش فاهمه اي حاجه منها دي

تبتسم شهد علي حديثها فهي معتاده علي صياح كلاً من رحيق و روان اثناء فتره الدراسه
_ دي ماده اي ؟!
_ محاسبه وزفت علي دماغي
_ طب اي المشكله اللي عندك طيب فهميني مع اني بكرهه الرياضه والحسابات
_ المشكله اني بحل مسأله والمفروض اني اطلع مرتب العامل كام في الشهر
_ اه وبعدين
_ تخيلي اني طلعت العامل بياخد ٢ مليون في الشهر

تنفجر شهد من الضحك تتحدث من بين ضحكاتها
_ ما شاء الله دا انتي هطربقي الشركه علي دماغ صاحبها
_ يووه بقي طب اعمل اي طيب هو اللي طلع كده في المسأله

تخرج روان من الغرفه علي صوت ضحكه شهد
_ في اي ماتضحكوني معاكوا بدل الهم اللي انا فيه دا انا اتحشرت في الماده مش عارفه اطلع منها .

تقص عليها رحيق مره اخري وتضحك روان بقوه
_ ما تقوليلي علي مكان الشركه دي خليني اروح اشتغل معاهم ينوبك الثواب.

يضحكوا الثلاث فتيات علي هذا الموقف تقاطعهم فريده
_ اي دا في اي بتضحكوا علي اي
ويقصوا عليها الحوار

_ انا جعانه يا اخواتي
وليس هذه سوي رحيق

_ انا كمان جعانه بس مش جعانه اكل
_ اومال جعانه اي
_ معرفش انا عايزه اكل حاجه بس حاجه متتاكلش

تنظر اليها رحيق ببلاهه
_ اوبااا دا الصنف عالي اوي
_ صنف اي ؟؟
_ صنف المخدرات اللي بتتعاطيه ماتبقيش تسترخصي بقي بعد كده

لتنكض روان علي رحيق
_ اتلمي يا حيوانه

تتحدث فريده اليهم
_خلاااااص احنا هنطلب حاجه حلوه