خليني النهارده أخدك في رحله إلي "لندن" تحديدًا Merrylin" Cryptid Museum" متحف ميرلين للمخلوقات .. رغم التحضر إللي وصلنا ليه من تكنولوچيا حديثة إلا أن الإنسان مازال بيحبث عن خفاية الماضي وطبعًا عشان الإنسان بطبعة فضولي بيحب يعرف كل حاجة صعب العقل البشري إنه يفسرها أصلًا خليني مطولش عليك وأحكيلك إيه هي قصة صناديق Merrylin {ميرلين} يلا بينا.
في سنة 1960 في أحدي ضواحي مدينة لندن، كان في عمال مكلفين بهدم قصر قديم مهجور عشان يتم بناء حي سكني جديد، القصر ده كان يعتبر ملجئ للأطفال اليتيمة زمان، صاحب القصر كان أسمه " توماس ثيودور ميرلين" خلال هدم القصر نزل العمال لطابق السفلي للقصر {القبو} عشان يشوفوا المكان صالح لبدء العمل ولا لا بـ الصدفة عثروا علي باب سري مقفول بقفل محكم، وبعد جهد كبير أخيرًا قدروا إنهم يفتحوا الباب عشان يتفاجئوا بمجموعة كبيرة من الصناديق المقفوله.
بعد العمال ما فتحوا الصانديق بيتافجئوا لتاني مره بأشياء غريبة وعجيبة في الصناديق، طيب الصناديق دي كان فيها إيه؟ كانت كلها مليئة بجثث محنطة لكائنات غريبة مش شبه بشر ولا حيوان، هياكل عظمية مثبتة علي اللواح وخطوطات وقلوب واعضاء بشرية محنطة واجسام شبه الجنيات وقطع اثرية من اصل مش معروف وكائنات مشرحة ومحفوظة وحوالي 5000 عينة كانت محفوظة في الصناديق.
وطبعًا عشان نرجع لحقيقة الموضوع لازم نرجع لصاحب القصر السد " توماس ثيودور ميرلين " مين هو وإيه هي قصته؟
توماس ثيودور ميرلين
أتولد سنة 1782 توفت والدته وهي بتولده وتربي علي يد والده ' ادوارد ' إللي كان جنرالا في الجيش ، وبعد تقاعده مارس هوايته المفضلة وهي الترحال وجمع التحف والغرائب، إدوارد كان مغرم بالتاريخ الطبيعي جدًا ، واستثمر كل امواله في شركات مربحة لتمويل رحلاته حول العالم بحثا عن القطع الاثرية الغريبة والانواع الحية الفريدة ، إدوارد كان بياخد توماس معاه رحلاته.
بعد وفاه إداورد اصبح توماس وحيدا لكنه قرر يجمع التحف النادرة والغريبة زي والده، وبعد فتره اصبح توماس عالم مشهور في الأحياء والأشياء الغريبة في مناطق معينه من أنجلترا.
في سنة 1899 زار توماس الولايات المتحدة عشان يعرض مجموعته من التحف والغرائب النادرة هناك لكن الناس للأسف مهتمتش لعرضه فالغي رحلته ورجع لـ لندن تاني.
توماس رغم تقدمه في العمر الا انه كان يتمتع بصحة جسدية وعقلية كويسه والناس قالت عليه انه عاش 117 سنة ، بعض الناس كانوا معتقدين انه خبير في السحر عشان كده كانوا بيبعدوا عنه خوفاً منه ومن الغموض إللي بيحوطه،توماس متجوزش رغم ثروتة المهوله وكبر سنه وكل الأسرار والغرائب إللي في حياتة خلته يبعد عن كل الناس ويختفي تمامًا عن الأنظار ومظهرلش مره تانية وكأنه مات.
لكن خلال سنة 1942 أتسربت شائعات ان في شخص يتظاهر بأنه توماس ميرلين وقدم وثائق تؤكد امتلاكه لقصر في لندن ، الرجل ده لم يتجاوز عمره الاربعين ، وكانت اوراقه صحيحة ، وبعد فتره من أمتلاك الرجل ده للقصر قال أنه هينقل ملكية قصره لدار ايتام بشرط ان محدش يبيع المنزل ابدا ومحدش يفتح القبو مهماً كان.
بعد كل ده اختفى توماس ميرلين مرة تانية ومحدش شافه وفعلًا المرة دي أختفي تمامًا.
فضل قصر توماس ميرلين تابع لدار الايتام ومحدش قرب من القبو كل السنين اللي فاتت وبعد فترة تم اغلاق الميتم واتهجر القصر والناس نسيوا وجود القبو وباللي فيه ، وفي سنة 1960 بدأ العمل على هدم القصر عشان يتم بناء مشروع سكني جديد وهناك تم اكتشاف القبو الخفي وإللي جواه من صناديق مليئة بالاشياء الغامضة والغريبة ، لكن راحت فين الصناديق دي ؟
في سنة 2006 قام مجموعة من المؤلفين بنشر كتاب قالوا فيه ان القطع الاثرية والاجسام الغريبة لتوماس ميرلين هي مجرد خدع قام بها مجموعة من الفنانين والنحاتين .
كائنات محنطة عجيبة .. هل فعلًا من عالم أخر؟
في عام 2010 قام "اليكس سي اف" وهو نحات ورسام وفنان وكاتب بعرض مجموعة توماس مارلين في متحف خاص عملوا في بيته وقام بعرض الصناديق على الانترنت للحابب يشوفها بس السؤال اللي ممكن يجي في بالكم الصناديق دي وصلت ليد اليكس وازاي حصل عليها وكانت مختفية فين كل السنين دي، وهل اتعرضت على علماء عشان يكشفوا عن حقيقتها وماهيتها ولي لما اكتشفوها لي مرحتش للمتحف البريطاني او لعلماء الاثار؟
كل الاسئلة دي زادت من غموض الصناديق دي اللي ظهرت فجأة واختفت فجأة ورجعت عشان تظهر مرة تانية عند اليكس.
وتوماس ميرلين حقيقته إيه؟ وهل فعلًا عاش كل المده دي؟
في الاخر قال اليكس ان مجموعة توماس ميرلين حقيقية زي ما قال ادعى وان مذكرات توماس اللي اتوجدت مع القطع الاثرية بتحتوي على افكار ونظريات متطورة مكنتش معروفة في زمنه زي ميكانيكا الكم ونظرية الكون المتعدده وقال ان المذكرات بتحتوي كمان على تفسيرات علمية عن مجموعة توماس الاسطورية واعلن انه مسؤول عن المجموعة الاثرية دي ويمكن لأي شخص إنه يشوفها عن طريق الانترنت .
عزيزي القارئ مارأيك في شخصية ميرلين ومجموعته الاسطورية هل هي سر جديد للبشر ام مجرد منحوتات فقط؟
سلام يا صديقي♡
_روان خالد "
