بعد عودة من شهرين كاملين مبنزلش اي حاجة بسبب الدراسة بس رجعت تاني بـ معلومات غربية عن العالم إللي كله اسرار ، والنهارده هكلمك عن معلوكة غريبة شويتين لآنها حصلت علي أم الدنيا مصر ، يلا نشوف الموضوع بيقول إيه ؟! ' متحف الأجنة المشوهه ' يعتبر المتحف ده اغرب متحف في عالم كله لآنه متحف محتفظ بـ جثث لآجنة اطفال مشوهين وإللي عمل المتحف ده هو الدكتور نجيب محفوظ .. وقبل ما اكلمك عن المتحف تعالي نعرف مين هو نجيب محفوظ ؟
في مدينة المنصوره سنه 1882 اتولد الدكتور نجيب محفوظ في حاله ولاده صعبة معروفة بـ اسم الإسفكسيا البيضا ودي تعتبر اسؤ حاله من حالات الأختناق لدرجة إنهم ظنوا إن نجيب محفوظ اتوفي .. لكن بعد مده بسيطة يلاحظوا انه بيتنفس لكن بصعوبة جدا والدكاتره وقتها عملوا كل حاجة يقدروا عليها عشان ينقذو حياتة وفعلاً نجحوا وطبعًا الدكاتره مكنوش عارفين انهم انقذوا طفل لما يكبر هيكون من أهم الدكاتره في العالم . في سنة 1898 دخل نجيب مدرسة القصر العيني المعروفة دلوقتي بكلية طب جامعة القاهرة وبعد ما اتخرج منها اتعين في مستشفي القصر عيني كـ طبيب تخدير .. وفي يوم من الأيام والدكتور نجيب في المستشفي أستقبل حالة ولاده صعبة ووقتها حضر نجيب اكتر عملية من العمليات المتعسره في حياتة لان الطفل جسمه كان خرج من رحم الأم ولكن راسه للأسف انفصلت عن جسمه ووقتها حاول الدكاتره بكل الطرق ينقذوا الطفل ولكن بعد لحظات الطفل يموت هو والآم .
والحادثة دي أثرت كتير في دكتور نجيب محفوظ والمشهد الحزين ده فضل ملازمه طول حياته واللي بسببه قرر نجيب يغير تخصصه من التخدير للنسا
وفي سنه 1911 جالة شخص قاله ان مراته بتولد وان هي والطفل في خطر .. والدكتور نجيب ينجح المرادي وينقذ الآم و الطفل واللي هيتسمي علي اسمه تيمنا بيه .. وبعد فتره فتح الدكتور نجيب محفوظ عيادته الخاصه وفي خلاص سنتين بس العياده استقبلت 2000 حالة وبقي اشهر دكتور نسا في البلد وأسس اول وحده صحية لرعاية الآم والطفل في مصر . وخلال رحلته قابل عمليات كتير اتحكم عليها بالفشل فقرر يجمع اكبر عدد من الاجنة الغير مكتملة والمشوهه وكل ده ساعده كتير في شرح الماده الطبيه بشكل اسهل للطلبة وبقي المتحف الآجنة المشوهه وهو يعتبر من اهم الوسائل إللي بيلجئ ليها الأطباء لحد وقتنا الحالي لحل الكتير من المشاكل الطبية وعمليات الولاده المتعسره .
_ روان خالد '
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
