قصر البارون أو زي ما بيسموا قصر الرعب .. روحت قبل كده قصر البارون؟ طيب تيجي أخدك رحلة ليه؟
يلا بينا، دارت مواضيع كتير جدًا عن قصر البارون وبعد ما كان قصر في قمه الروعه تحول إلي قصر مجهور في منطقه صحراوية بعد ما دارت بين الناس قصص الأشباح والأساطير إللي بتسكنه ، ويعتبر قصر البارون من أهم القصور الأثرية في مصر، لكن جيه عليه فتره كده وأهملوا بعد ما صاحب القصر أتوفي .. فضل القصر مهجور سنين طويلة وبعد كده قررت الحكومة المصرية تحويل القصر إلي معلم أثري.
مين هو صاحب القصر؟ " البارون إدوارد إمبان " كان مهندس ورجل أعمال ولد في بلچيكا في الـ20 من سبتمبر عام 1852.. و خلال الحرب العالمية الأولى، حصل على رتبة جنرال ومدير إنتاج الأسلحة في باريس للجيش البلجيكي و حصل إدوارد علي على لقب البارون من الملك البلجيكي ليوبولد الثاني تكريماً لإنجازاته.
إدوارد كان مهوس بمصر وبأثرها وكان حابب يبني قصر ليه بأسمه .. نزل مصر وقرر أنه يستقر فيها، وبني القصر في مصر الجديدة بالقاهرة ووقتها مصر الجديدة كانت صحرا، بدأ ببناء قصر البارون عام 1907 وتم افتتاحه في عام 1911 بحضور السلطان حسين كامل
مين صمم القصر؟ المهندس المعماري الفرنسي الكسندر مارسيل وكان وقتها شغله في باريس، إدوارد شاف المهندس الكسندر وأعجب جدًا بشغله وقرر أنه ياخدوا معاه مصر عشان يسلمه تصميم القصر، أما زخرفة القصر وديكوراته فكانت للرسام جورج لويس، تصميم القصر واخده من التصميمات الهندية والفرعونية والأيطالية، وطبعًا القصر مبيخلاش من تماثيل النادرة وأهمهم بوذا والتنين الأسطوري، القصر كان بيدخلة الشمس من كل الغرف تحديدًا غرفة أبنه البارون غرفتها كانت بتلف في اتجاه الشمس ولكن الحلو مبيكملش والبنت دخلت في حالة أكتئاب شديده بعد وفاة والدها وانتحرت ومن وقتها شباك الغرفة بطل أنه يلف.
كل ده حماده وإللي جي حماده تاني خالص، ممكن تسأل نفسك ليه بنته أنتحرت؟ مش من حزنها علي أبوها لا لا هقولك دلوقتي.. في أسفل القصر كان في غرفة البادرون وكان إدوارد مانع تمامًا أي حد ينزل الغرفة دي، ولما القصر أتعمل معلم أثري ودخلوها لقوا حاجة غريبة جدًا الغرفة كلها مليانة مرايات فقط وبيتوسط الغرفة مثلث جوا عين تشبه طلاسم الشياطين وهنا العلماء أدركوا أن إدوارد كان من عبدة الشياطين وكان بيمارس طقوسهم في الأوضه دي ولما مات بنته نزلت الغرفة وفضوا يدورا عليها وملقوهاش غير بعد فتره، دخلت في حالة اكتئاب شديدة جدًا وانتحرت بعد كده، لغاية دلوقتي مش عارفين إدوارد مات موتة عاديه ولا بسبب إللي كان بيعمله في الغرفة؟ ناس كتير من إللي ساكنين جمب القصر قالوا أن كل يوم تحديدًا الساعة 3:33 دقيقة ساعات القصر كلها بدق في وقت واحد والشباك إللي كان في غرفة البنت بيلف لمده دقيقتين ويرجع يقف تاني زي ما هو وبسمعوا أصوات كتير جاية من غرفة البادرون وكانها صوت طلاسم وأشياء بتتكسر، في بنت مذيعه كانت بتعمل أبحاث من قريب عن القصر ولما دخلته وطلعت غرفة بنت إدوارد لقت اثار دم علي الحيطه وﷲ أعلم حصلها إيه بعد كده.
نسيبنا من بارون وبنته ونروح لمجموعه من الشباب المصريين إللي قرروا يدخلوا القصر بليل ويكتشفوا في إيه جوا؟ طبعًا دخلوا من ورا الحكومة المصرية لانها بتمنع حد يزور بعد الساعة 5 العصر، المهم الشباب دخلوا القصر من ورا الحراس وتحديدًا كانوا عايزين يدخلوا غرفة البادرون ويعرفوا بيحصل إيه بس كانت النتيجة أنهم دخلوا ومخرجوش تاني لسبب مجهول برضه
هيفضل قصر البارون لغز محدش عارف يحله لوقتنا الحالي
سلام يا صديقي♡
_ روان خالد "
