فكرت قبل كده تنزل لأعماق البحر؟ طب فكرت إيه إللي ممكن يكون موجود في خندق ماريانا؟ فكرت قبل كده أزاي غرقت سفينه تايتنك ووصلت لعمق 3800 متر؟ طب عرفت موضوع غواصه تيتان؟ خليني أخدك النهارده في رحلة أستكشافية لأعماق البحار، أعمل قهوتك ويلا بينا.
خلينا نبدأ الموضوع بأن قدره ﷲ سبحانه وتعالي عظيمه جدًا وخلينا متفقين أننا كـ بشر مكتشفناش غير 5% بس الكائنات البحرية زي القروش والدلافين والحيتان والأسماء إللي نعرفها وأبقي أعملك حلقة مخصوص عن موضوع الأسماك ده، المهم إيه هو؟(خندق ماريانا)
خندق ماريانا موجود في غرب المحيط الهادي شرق اليابان ودي أعمق نقطة في المحيط وهو موجود علي عمق 11 الف متر وبيوجد في أشرس المخلوقات البحرية يعني مش شوية قروش ولا شوية حيتان إللي وزنها طن ولا 2 طن لا لا ده كلام فارغ بالنسبه للخندق، بيقول العلماء أن خندق ماريانا بيوجد في نوع من أنواع القروش العملاقة المنقرضة من 3 مليون، و600 سنه، وهو قرش الميجالودون بيوصل طوله لـ 22 متر ووزنه 45 طن، يعني في طول عماره 7 أدوار، وكائنات مرعبه تانية كتير منعرفش عنها أي حاجة
سفينه تايتنك .. حكاية سفينه تايتنك بتبدأ يوم 10 إبرايل سنه 1912 يوم ما أتصنعت بتقرر السفينه إنها تبحر من لندن لينويورك عبر المحيط الأطلسي، في الوقت ده سفينه تايتنك كانت أعظم سفينه أتصنعت، كانت بتشيل حوالي3547 شخص وكانت جواها حوالي 1187 قارب للنجاه ورغب كده وقت ما غرقت نجي منهي 706 بس، مصمم السفينه دي اسمه توماس أندروس كان نرجسي حبيتين وأطلق علي سفينه السفينه إللي مبتغرقش وقال ان ﷲ سبحانه وتعالي نفسه ميقدرش يغرق السفينه دي، وطبعًا ده كان تحدي لقدره ﷲ سبحانه وتعالي من وقتها السفينه اتلعنت وربنا غرقها بالفعل، طب غرقت أزاي؟ اتخبطت السفينه في جبل جليدي واتكسرت من القاع وغرقت في المحيط الأطلسي علي عمق 3800 متر ، ومفيش قوه لحد دلوقتي قدرت تخرجها
نيجي بقي للغوصة إللي نزلت الأحد إللي فات عشان تشوف حطام السفينة بعيدًا أن الموضوع أستفزني شخصيًا بس إيه الحلو أنك تشوف حطام سفينه؟ إيه الأستكشاف العظيم في كده، المهم خليني أحكيلك حصل إيه بظبط جيه واحد كده قالك أنا هصمم غواصه مفيش منها أتنين وهتستحمل ضغط المياه وهنطلق رحله أستكشافيه عشان نشوف حطام سفينه تايتنك العملاقه وفعلًا جيه خمسه من اغني اغنياء العالم كل واحد دفع 250 الف دولار ونزلوا الاحد اللي فات في المحيط الاطلسي عمق 3800 متر عشان يوصلوا للسفينه ولكن الاتصال قطع بيهم خلال ساعتين ومحدش عارف عنهم حاجة لغاية دلوقتي ولكن بتاكيد انهم ماتوا لو ممتوش من الاكسجين إللي خلص هيموتوا من الرعب وشكل المحيط والكائنات البحرية المفترسه إللي في عمق البحر موضوع يجبلك ضيق تنفس مجرد التخيل.
_روان خالد "
