ألا إِنَّ عين المرءِ عنوانُ قلبهِ
تُخبِّرُ عنْ أسرارهِ شاءَ أمْ أبى
•~~~~~~~~~~~~~~~~~~~~~~~~~~~~~~~•
الشيخ ايهاب: موافق انطيك بتي بس عدي شرط.
دانيال: ابشر شيخنه شنو شرطك.
الشيخ ايهاب: اريد تخليله بيت لوحده ماريد تعيش ويه ابوك بنفس البيت.
دانيال: تدلل شيخنه واذا هسه موافق خل نقره الفاتحه.
الشيخ ايهاب: موافق موافق.
*********************
سمر: طلعت برا وشفت واحد طلع مبين موراحه ردت ادخل عسريع وصاح.
ياسر: اوكفي.
سمر: نعم اتفضل.
ياسر: ياحلو وين الحمام.
سمر: عصبت منه من كال هيج كوه لزمت نفسي بس علمود ماصير مشاكل سكتت لخاطر لارا باوعت بعيونه شفت بيهن شر أشرتله على الحمام ودخلت جوه بسرعه من الخوف ردت اوكع وكضتني يارا.
يارا: هاي شبيج سمر.
سمر: حجيت بسرعه وبخوف''وياهم واحد مبين عليه حقير ومايستحي.
يارا: ليش شنو سوه احجي.
سمر: طلعت برا علمود اطفي الماطور وشفته ردت ادخل وصاح عليه تقرب مني وكلي ياحلو وين الحمام أشرت على الحمام ودخلت بسرعه.
يارا: وليش ماضربتي وينه وينه خل اروح اعلمه درس ماينسه بحياته علمود بعد مايتجاوز.
سمر: لاعوفي انه سكتت لخاطر لارا علمود ماصير مشاكل.
يارا: تعالي حبيبتي كعدي لاتخافين انه يمج خل انطيج ماي علمود تروح الرجفه.
لارا: جنه كاعدين نسولف وصلت رساله لام دانيال فتحت تلفون شافت رساله وبتسمت وكالت.
ام دانيال: ابو البنيه وافق.
لارا: من كالت هيج احس نفسي اريد اصرخ من الفرحه حجيت بسرعه بدون مافكر ''انه هم موافقه.
ام دانيال: لعد خل نقره الفاتحه.
لارا: قرينه الفاتحه وكامو سلمو علينه وراحو وانه بس طلعو ركضت للغرفه ابشر البنات دخلت للغرفه شفتهن كاعدات بس الابتسامه اختفت من وجهي من شفت سمر تبجي وترجف '' سمر شبيج حبيبتي تبجين.
سمر: جريت يارا من ايده من شفته رادت تحجي وكلت ''مابيه شي حبيبتي بس مادري شنو طاح بعيني وضليت ابجي لان كوه ياله طلعته يارا هسه المهم انتِ بشري شنو صار.
لارا: من سألتني رجعت الابتسامه لوجهي وكلت وافق بابا وافق واخيرا كلت هيج وضليت اطفر وافتر بالغرفه والبنات يباركلي ويطفرن وياي.
يارا: لارا اتصلي على ميس ولميس بشريهن اكيد راح يفرحن.
لارا: اي اي هسه راح اتصل عليهن.
أنت تقرأ
حربُ العاشقين
Mystery / Thrillerبين ثنايا الظلام هناك من قرر الانتقام وبين طيات العشقِ هناك من قاتلت من اجل الحب ومابين هذا وهذه فرق الحبُ والانتقام جمعهم الانتقام معاً في رواية حربُ العاشقين 2023/6/21
