وكأن حبي ليس حبا.. وكأن قلبي لا يهزه نبضا.
يتحدثون عن الحب وكأنهم خلقوا للعشق ملكا.
وهم لجروحنا كانوا سببا ولآلامنا ظلوا مصدرا.
ترى أحبنا غير ذلك الحب الذي ألفوا الحديث عنه جهرا.
أم أن تفاصيلنا هي من جعلتنا عن الحب دونا.
لا تقلق يا قلبي فنقاء حبك لا يقدره سوى من هم أكثر سموا.
ممن يبحثون عن مشاعر خالصة وقلوب زادها جمالها صفاءََ.
وكيف لي أن أشفى من حب قاتل.
تملك جسدي في رمشة كأنه جندي باسل.
كل ينخر جسدي ويزيد من معاناتي وشدة آلامي.
علاجه متاح.. لكن لغيري كما قال وأبدا لن يكون لي.
فمن حسبته طبيبا سيعيد الحياة لروحي.
كسر صدري وقبله قلبي وأوقف النبض عن فؤادي.
•~~~~~~~~~~~~~~~~~~•
ندك الباب وزاد توتري وخوفي وكلارا ودانه هنه الوحيدات الي فهمني وعرفن شنو بداخلي حسيت بكلبي جاي يرفرف من دخل لابس قابط اسود رسمي وطالع غير شكل يجنن وانه من غبائي كلت بصوت عالي
طالع يجنن
كلارا:ولج جوليا
::بهالاثناء انتبهت عالنفسي من بعد ماشفت الكل يباوع عليه وحجيت بتوتر وخوف
شبيكم الفستان طالع يجنن عليه مو
آني:اي حلوو يلا صعدي لغرفتج
::تمام
::اتصنعت ابتسامه كاذبه وصعدت فوك لغرفتي وقفلت الباب وكعدت اغم بنفسي لان انثولت وجفصت
شوي وصعدن ورايه البنات دانه وكلارا وبقن يقلدن علتصرفاتي ويضحكن اتعصبت منهن بس ماكدرت اكض ضحكتي وضحكت وطارت الهيبه
كلارا: ولج من شوكت تحبي
دانه: اي اشو احنه ماندري هاي من شوكت
::من اجه لبيتنه اول مره وياه مرقس مادري كلبي انجذب اله
كلارا: احم احم وليش ماحجيتي النه
::مادري مادري بنات انه حيل فرحانه
دانه: تعالي خل نختارلج ملابس حلوه طلعين تكشخين بيهن
كلارا: اي يلا بلكي ينعجب بيج ويحبج
::كعدتني كلارا علكرسي وبقت تشتغل بوجهي بلمكياج وهالسوالف ودانه ادورلي ملابس واتقلد عليه وتضحك وانه حاصرتني ضحكه بس توتر والخوف ميخلني اضحك
أنت تقرأ
حربُ العاشقين
Mystery / Thrillerبين ثنايا الظلام هناك من قرر الانتقام وبين طيات العشقِ هناك من قاتلت من اجل الحب ومابين هذا وهذه فرق الحبُ والانتقام جمعهم الانتقام معاً في رواية حربُ العاشقين 2023/6/21
