حربُ العاشقين

part: 36

- إن هذه الذكريات شاقة على النفس يا صاحبي ، إنها تطعن قلبك مرة، ثم يبقى ، يبقى الجرح نازفًا الى الأبد.

•~~~~~~~~~~~~~~~~~~•
بعد مرور 5 اشهر ونص

يارا: مرت هاي الخمس اشهر بصعوبه من الملل ماچان اكو شي جديد صار بهلفتره روتين عادي بس حالة محمد كل مالهه تزيد للاسوء وسرمد اكثر وقته طالع او ملتحق وسمر المسكينه ابوهه منعها داوم كليه وهاي صارلي خمس اشهر ونص من شفتهه اخر مره بس دائماً اتصل علرغد حتى اطمئن عليهه وتكول موزينه وكوه تاكل

وهل يوم هم جان روتين كلش عادي رحت للكليه وهسه رجعت واحس نفسي وحيده بلكليه لان سمر مو ويايه وبعد الي شهر وان شاء اروح مرحله ثانيه

سرمد: شبيج صافنه

::دافكر بسمر

سرمد: هاي خلال هل خمس اشهر ونص خطبناها اكثر من 10 مرات بس ابوها شنسويله قافل ميقبل

::ماتشوف محمد شصاير بي يمثل الفرح وحسباله مصدكينه انه اكثر وحده اعرف بشنو جاي يحس واحس بشعور سمر هيه ماخسرت بس محمد وخسرت مستقبلهه هم هاي راحت سنه عليهه بسبب ابوها والله واعلم اذا سنه جايه يخليهه تدرس لولا

::محمد وينه هسه

::طلع للشغل

::تمام انه رايح اشوف اهلي تجين وياي

::لا

::تمام علراحتج

::طلع سرمد من البيت وبقيت وحدي لان ماما وبابا طلعو وعمو ايهاب هم وعمه رهف وبتهه راحو للسوك وبقيت وحدي انضف واسوي عشه

لليل رجع الكل ووجوهم ماتنوصف شي ضايج وشي معصب ماتحملت اشوفهم هيج ورحت لغرفتي  بدلت وكعدت ادرس بس احس نفسي مامركزه بدراسه وكمت راسلت ميس وكعدت اسولف وياهه اتصال

هلاو ميس

::هلابيج حبيبتي

::شونج انتِ ومسلم ان شاء الله متصافين

::الحمدالله شوي شوي جاي احاول اتقبل الوضع

::ميس مسلم يحبج مو مثل دانيال ولاتفكرين بي بهلطريقه صح ممكن ابوج هوه الي باعج بس مسلم اشتراج وفرق شاسع بين الشخص اليبيعج واليشتريج

::اعرف يارا بس صعب اقنع عقلي بهذه الشي بس جاي احاول وجاي اتأقلم علوضع

::تمام عمري اكلج ماعرفتي شي عن لارا من مسلم

::لا هواي اسأله بس يكول ماعرف عنه اي شي