لماذا لم تعُد تأتي ؟ وتُشعِرُني بما تشعر
تُرى لازالَ لي حبُ ؟ بقلبك•• نادرُ ، أخضر ؟
ولازالتْ سماءُ الروحِ بإسمي ليلُها يكُسر !
ولازالت ورُود الصّْبحِ تشرحُ صورتي'' الأعطر''
أمِ الأيامُ•• أم حبُ جديدُ غّيَر المنظر••
•~~~~~~~~~~~~~~~~~~~~~~~~~~~~~~~•
سمر: صار اليل والكل كاعد بصاله وصافن دك تلفون عمو رقم غريب بسرعه فتح خط وكال
الشيخ ايهاب: اي اي انه الشيخ ايهاب منو وياي تمام تمام جاي
ابراهيم: منو اتصل عرفو شي عن لارا
الشيخ ايهاب: لا مو عن لارا عن احمد ابنك يكولون متعارك يمكن مايريدك تعرف علمود هيج خلاهم يتصلون عليه
ابراهيم: وين هسه هوه
الشيخ ايهاب: بمركز شرطه مال **********
ابراهيم: تمام امشي روح نشوف شنو مسوي من طركاعه
سمر: بابا وعمو طلعو وماما ضلت صيح وتغلط على احمد
ام احمد: احنه بياحال وهاذ احمد يسوي مشاكل بعد ماريد اشوفه انه اتبرى منه هاذ الخايس
رغد: يمه فدوه تعالي كعدي موزين عليج صياح
ام يارا: صح كلام رغد تعالي كعدي مايفيد الصياح
العمه رهف: هذول ماوراهم بس المشاكل والاذيه هاي لارا هنا كطعت روحه علمود تاخذ التحبه وهاذ حميد دايح 24ساعه وبعد اللهه واعلم وانتم اذا واحد حجه كلمة الحق سكتونه
رغد: عمه فدوه سكتي شايفتني بوضع يسمح لهاذ الحجي مالج
نرجس: وليش سكتينهه محاجيه شي غلط كلامهه صح
سمر: انتِ نرجس سكتي موحسبالج ماندري بيج حيه بس انتِ من جوه ليجوه
العمه رهف: ولج شون تحجين ويه بتي هيج
ام احمد: بس كافي كلمن تروح لغرفتهه مووكتجن تتناركن
سمر: كمت من يمهم وصعدت فوك رحت اريد ادخل لغرفتي بس تذكرت محمد ورجعت نزلت طابق واحد لان همه بطابق ثاني رحت دكيت باب غرفته كال اتفضل ودخلت شفته كاعد عالارض ومنتكي ظهره على القنفه ورافع رجل ورجل منزلها ويدخن رحت كعدت يمه وتربعت بس بينه مسافه وكلت
محمد لاسوي بنفسك هيج بعدين صدك عوف جو الاكتئاب شوي وتعال سولفلي شنو صار بسالفة الفستان
محمد: جنت حيل ضايج وتفكير مسيطر على عقلي بس من فتحت موضوع الفستان ابتسمت لااردياً وكلت
بعده كالو يتأخر لان هاي البضاعه نادرا وصارت مشاكل بتوصيل فيتأخر
سمر: وشوكت تعرفنه على حبيبتك
حجيتهه وكلبي محترك وروحي طالعه
محمد: نشالله عن قريب ومتأكد راح تحبينهه
أنت تقرأ
حربُ العاشقين
Mystery / Thrillerبين ثنايا الظلام هناك من قرر الانتقام وبين طيات العشقِ هناك من قاتلت من اجل الحب ومابين هذا وهذه فرق الحبُ والانتقام جمعهم الانتقام معاً في رواية حربُ العاشقين 2023/6/21
