الساعه 9:45 صباحاً.
لارا: صباح الخير.
الكل: صباح النور.
سمر: شوف الوجه احمر والخدود حمر لو ندري هيج راح صيرين جان عرسناج من زمان.
لارا: نجبي.
الشيخ ايهاب: تعاي بنيتي كعدي يمي خل اشبع منج قبل لاتفاركيني.
لارا: رحت كعدت يمه وكلت '' بابا لاتحجي هيج يوميه اجي اشوفك.
يارا: يمعوده ماسكتين هوه انتِ كون ماتنسينه مونوب يوميه تجين.
لارا: ماعليج انتِ.
محمد: جا انه هسه ويامن تعارك بعد.
لارا: عدك سمر ويارا.
محمد: لا متعود اتعارك وياج وكتلج.
لارا: لاوالله انت تكتلني هههههه.
العمه رهف: كافي سوالف احترمو السفره الكاعدين عليه اكلو وكومو بأدب.
ام احمد: شوف منو يحجي بس لاقاهرينج.
ام يارا: اكيد قاهرينه لو مامقهوره ماتحجي هيج.
العمه رهف: كضو نسوانكم لاينحرفن.
ابراهيم: رهف بس كافي لاانتِ ولابتج ماتكدرن شوفنه مرتاحين لازم طلعلجن سالفه موزين منه متحملينجن هنا.
العمه رهف: هاا يعني جاي تطردني اسمع اسمع شيخنه شوف اخونك يطردوني.
قاسم: روحي عد خواتج انتِ وياهن نفس طكه ماكو فرق.
الشيخ ايهاب: بس كافي عالاقل احترمو وجودي بينكم.
ام احمد: اسفين خويه بس انت جاي شوف حجيه ويانه لكول اعدائها.
العمه رهف: انه طالعه من هاذ البيت ماضل بي بعد.
الشيخ ايهاب: ماطلعين مثل ماهذا البيت بيتهم بيتج انتِ هم ومحد يطردج.
العمه رهف: لعد كض خوانك ونسوانهم.
الشيخ ايهاب: انتِ بس لاتدخلين بينهم وهمه مايحاجونج.
لارا: عفتهم يحجون وكمت رحت لغرفتي فتحت تلفون شفت منه رساله.
-دانيال: صباح النور ياعسل.
لارا: ابتسمت وكتبتله.
-لارا: صباح الورد.
لارا: بسرعه فتح رساله وكتب.
-دانيال: ياحلو انه باجر العصر جايلكم علمود انحدد موعد العرس انه وابوج.
لارا: بصدمه وتوتر كتبتله.
-لارا: دانيال موعلساس تريد سافر.
-دانيال: اي حبيبتي بس صارت مشاكل وسفره تأجلت وره مانتزوج اسافر انشالله.
-لارا: تمام هلا بيك انه راح انطي خبر لبابا.
-دانيال: تمام عمري محتاجه شي انه راح اطلع للشغل رجع بالـ3العصر.
أنت تقرأ
حربُ العاشقين
Mystery / Thrillerبين ثنايا الظلام هناك من قرر الانتقام وبين طيات العشقِ هناك من قاتلت من اجل الحب ومابين هذا وهذه فرق الحبُ والانتقام جمعهم الانتقام معاً في رواية حربُ العاشقين 2023/6/21
