انا همومي جهال وترضع دموع
اكضي الليل الولي وما يهيدون
اسكت هذا يكعد ذاك ويلوع
ويفزون على صوته وما ينامون
الگبر منهم فطمته وياكل ضلوع
شسوي نوب لو كلهم يكبرون ؟
جنح بيه انكسر والثاني مخلوع
وطرت كوه على عناد اليكرهون
بس اسمك نهر والماي مگطوع
اني بالجرف انعد بالعيون
اون بسكوت موش بصوت مسموع
انه جروحي علج والوادم سنون
يونس زين عمي بحوت مبلوع
انه بحلك الشماته المايرحمون
سمير صبيح✏️📜
•~~~~~~~~~~~~~~~~~~•
::صار صوت صياح جوه خليت بنتي عالتخت ونزلت عالسريع وحسيت بغصه من شفت المرأه الي تركتني انه وطفله وسرعان ماتذكرت كلشي صار وكلت
ليش اجيتي
حوراء: اجيت اشوفج بنيتي
::انه موبنتج انه امي ماتت من ولدتني
حوراء:بنتي لاتكولين هيج انه امج
::انه امي ماتخون بابا انت مو امي وين جنتي كل هاي سنين ماسألتني عني ولاعن محمد واكيد هسه انت فرحانه لان بابا مات
حوراء: حبيبتي اجيت اوكف وياج اعرف هالشي موسهل عليج وانه هم موسهل عليه خسرت محمد
::هههه طلعي برا
حوراء: بس بنتي
ام يارا:ماسمعتي شكالت طلعي برا
::طلعي
حوراء: بس يارو.....
::كلت طلعي ماريد اشوفج مره ثانيه
حوراء: تمام بس راح ارجع اشوفج
::ماريد لاترجعين يلا اطلعي
حوراء: تمام
::اول ماطلعت وكعت عالارض منهاره ودموعي يصبن واكول بصوت يرجف وتعبان
ليش تركتني بابا محمد ليش تركتوني مو وعدتوني تبقون وياي وماتخلوني ارجع وياه دانيال ليش تركتوني جا والوعد وينه ليش تركتوني
يارا: كومي حبيبتي نروح للغرفه
::من جنت صغيره جنت بالثالث ابتدائي رجعت للبيت وكعدت ابجي بلغرفه واجه بابا سألني شنو بيج وكلتله مشتاقه لماما لو جانت موجوده وياي جان هيه الي درستني وتبدلي من صبح مثل صديقاتي
وبوكتهه بابا حضني وكال انه امج وانه ابوج وكال راح ابقه وياج وفعلاً صار كل يوم صبح يحضرلي ملابسي ويمشطلي وياخذني للدوام ومن ارجع الكا واكف باب المدرسه وينتضرني ومحمد وياه واركض الهم واحضنهم وبقه وياي هيج لحد صف ثالث متوسط بس هسه تركني وراح صرت وحيده لاام ولااب ولااخ
أنت تقرأ
حربُ العاشقين
Mystery / Thrillerبين ثنايا الظلام هناك من قرر الانتقام وبين طيات العشقِ هناك من قاتلت من اجل الحب ومابين هذا وهذه فرق الحبُ والانتقام جمعهم الانتقام معاً في رواية حربُ العاشقين 2023/6/21
