النهايات السعيدة 💙💙

بارت 9

اللهم صلي على نبينا محمد 💜💜

اخيراً بعد 10 سـاعات ب الطياره وصلو الي دار الاسلام الامن والامان ولن يشعر ب الامان الا من فقده وهو نعمه عظيمه عظيمه جداً لا تقدر بثمن وايضاً هي دار العدل والانسانيه ومن غيرها دار المملكة العربية السعوديه دار العز والفخر لا يضيع حق احد ولا يظلم احد من غيرها التي تحفظ حقوق الانسان ورعايته من غيرها تهتم ب مواطنيها من غير المملكة العربية السعوديه

سعاد وهي تتنفس براحه انها وصلت ديارها: اخخخ يازينه من شعورر يازينه
محمد : ايوالله وياشين الغربه ويازين ديارنا
سعاد : اي والله يازين الراحه
ريناد : طيب ماما الان متى حنروح ل خوالي؟
سعاد : والله يا عيوني مدري بس ان شالله اسبوعين كذا ونروح لهم
فهد : يوههه احس متحمس اشوفهم
سعاد : عاد ترا اغلب عيالهم وبناتهم قدكم
ريناد: وش عرفك ماما انهم قدنا اانتي تتواصلين معهم؟
سعاد؛ لا ما اتواصل لا كن توصلني اخبارهم كل بعد فتره وفتره
رنو: اهاااا
محمد : شرايكم بس نروح نرتاح
سعاد: اي والله تعبت لنا 10 ساعات واحنا ب الطياره
فهد : ايوالله نحتاج راحه
وتوجهو للفندق

بالمدينه المنوره | بمعرض الكتب
عبدالله: وش رايك بذا الكتاب
سلمى : يهبل للكاتب        تجنن كتبه شكلي باخذه
عبدالله: تم عاد ودي اقرا له انا
بعد ما اخذ له خمس كتب وهو من محبين القرأة 
عبدالله : اخ احس اشتقت لهم وانا مالي عنهم غير يومين او ثلاثه
سلمى : شرايك نحرك لهم
عبدالله : الفجر ان شاء لله نحرك لهم
سلمى : تممم

عند مشعل
بعد ما استقبل مشاري وعبدالمحسن
مشاري: والله ماله داعي التكلف احنا جينا بس عشان نسلم عليك ليه الكلافه
عبدالمحسن : ايوالله انها مالها داعي وانا اخوك
مشعل : والله ماسويت شي وهاذا واجبي
سعود : ايوالله وانها قليله بحقكم
مشاري: والله ماقصرتو
دق جواله واستاذن منهم وطلع يرد ولمح وحده لابس توب بنك كانت واقفه تكلم
طلع مشعل عشان يروح ياخذ حبوبه وشاف ان مشاري شاف لين مايدي ليه حسسس بشي بقلبه يوجعه قرب من الباب وقال بصوت شبه معصب
: لينن ادخلي داخل الرجال براا
لين وهي تكلم لميس: يمه بسم الله معليش ما انتبهت
مشعل: حصل خير ويلا ادخلي ونادي لي دلال
لين : تمام
دخلت وراحت ل دلال :ي دلول كلمي اخوك
دلال: اوك حياتي
طلعت وشافت مشعل : هلا مشعل
مشعل : جيبي لي المسكن الي عند فراشي
دلال: تمام وراحت جابته وودته ل مشعل.
دخل مشعل  وشاف مشاري سرحان وحس بشعور مايدري وش يصنفه غير انه شعور مو مريح له
مشاري: ابد يلا نستاذن بمنشي تو دق علي الفريق اول باسم يقول لازم نحرك ب اسرع وقت
الكل: اذنكم معكم وطلعو ومشاري للان يفكر ب البنت الي شافها وحاول يبعدها من تفكيره عشان يركز وفعلاً بدا ينساها

ب القصيم
مقبل : كلكم اخذتو اجازه صح ؟
سطام : اي كلهم غيري انا ماردو لي
مقبل : تمام.
ناديه : مقبل هاو وش هوله تبينا نروح للديره مو تركناها من زمان وشهوله نرجع لها اللان
احلام : ايوالله ليه نروح لها
مقبل : بروح اطلب السماح من ***
ناديه : مانسيته
مقبل : كيف انساه وانا كرهته فيني وصدمته ب افعالي بوه كيف انساه
احلام : الله يزين الحال بس
مقبل : امين
ناديه : يلاااا نوم انت وهي نامو عشان تصحون بكرا بدري
جوري: وين تونا الساعه 9
ملهم : صحح  ماميي تو بدري
سطام : اقول قم قدامي بس
ملهم وقف ودق التحيه وقال: ابشر طال عمرك
ضحكم عليه وراحو كل واحد لغرفته
رحيق: ملاذ تروحين معي السطح انتي او جوجي ؟
ملاذ : والله ياعيوني اني نعسانه
جوري : نفسها
رحيق : اجل اذلفو
رحت سوت لها شاهي وهي طالعه قابلت سطام
سطام : على وين ؟
رحيق : رايحه السطح
سطام : معك احد
رحيق : لا مالت عليهم كلهم بينامون
سطام : اجل شويات واجيك مافيني نوم
ابتسمت : تمام
راحت السطح وحطت الفرشه والشاهي وجلست بهدوء تتأمل السماء
دخل سطام وجلس وصبت له رحيق شاي وقال : كيف الجامعه معك
ابتسمت رحيق على طريقته وهو يحاول يفتح سالفه معها : مرا كويسه واهم شي اني داخله تخصصي وانا احبه
سطام : حلو الحمدالله سكت شوي وقال كم باقي لك وتتخرجين
رحيق : باقي لي تقريباً سنه واخلص ان شاءالله
سطام : ان شاءالله
رحيق : سطامم
سطام : لبيه
رحيق : مين ***
سطام : مين ذي
رحيق : قبل كم يوم كنت بروح ل السطح وامي وابوي كانو جالسين ب الصاله القريبه من الدرج وسمعته يقول ل امي عن ** وانه كان ظالمها وانو الحادث الي جاه كلها نتائج ظلمه لها
سطام: متأكده تبين تعرفين
رحيق : ايوه متأكده
سطام : هاذي كانت زوجة ابوي تزوجها بعد امي ب  10سنوات لئني اكبر
من بنتها ب 10 سنوات وتزوجها وهي كانت رافضه زوجتها امها غصب
عنها رغم انها كانت اكبر من امي ولما تزوجها ابوي كانت مرا شخصيتها ضعيفه مرا وكان يعنفها ما يرحمها وبعدها اكتشفت ان ابوي هو الي
غاصب امها واخوها انهم يزوجونها ابوي فا حاولت تقوي نفسها وراحت وخلعت ابوي وهربت ل اهل ابوها ابوها كان متوفي بس عندها عيال عم اخوان وراحت لهم
وتزوجها  واحد من عيال عمها لما خلعت ابوي كان عمر بنتها يمكن سنه وراحت ولاعاد شفنا ها ولا عاد شفنا بنتها فا سبب روحتنا للديره احتمال تكون ان ابوي يبي يرجع علاقته مع *** او يبي يعلم **** انه ابوها الحقيقي لئن ما اتوقع انو امها تعلمها ولا زوج امها قال لها ويبي يطلب السماح من *** لئنه اصلاً يكون صاحبه ولما عرف ان *** يحب ****ويبي يتزوجها كان متهاوش معه وراح عشان يقهره تزوجها
رحيق بصدمه : كيف كذا وابوي ليه كان يسوي كذا فيها 
سطام :  ابوي كان متهاوش مع ***وراح هدد اخوها  وامها انو لو ما زوجوه ****بيذبح ***
شهقت رحيق: يعني ابوي كان احتمال يكون قاتل
سطام : ايوه للاسف تزوجها عشان بس ينتقم من *** 
رحيق : يعني الان عندي اخت اسمها ****
سطام : اي وهي اصلاً قدك
رحيق : يعني ملاذ تعرف عنها 
سطام : لا عمر ملاذ وقتها كان خمس سنوات ما تتذكر
رحيق : يعمري عليها كيف بتتقبل ابوي واهلها بعد ما تعرف انهم كاذبين عليها
سطام وهو ينعس : معليك الله يهونها وان شاء الله تتقبل ابوي وتصدقهم
رحيق: شكلك نعست
سطام : ايوالله من الصباح صاحي
رحيق: اجل روح نام لا تتعب نفسك
سطام : وانتي
رحيق : مراح اطول بجلس شوي وانزل تحت انام
سطام : حسافه الجلسه حلوه بس لو اني لو مو نعسان
رحيق : معليك اعوضك بجلسه ثانيه
سطام ابتسم بهدوء: ان شاء الله وقام بيروح ينام
ابتسمت رحيق بهدوء لشخصية سطام معها  تتغير شخصيه مع ها تماماً وتختلف عن شخصيته معهم يرتاح لها مرا ويحب يسولف معها عكس شخصيته مع باقي افراد العائله حتى احيان يروح يحط له فراش بغرفتها يرتاح لها مرا
قامت بعد نص ساعه وراحة تنام

عند مشعل
يحس ب الم من رجله عشاانه طول وهو وافق لف بيشوف مين صاحي يبي ماء وشاف سعود
مشعل : سعود
سعود: هلا
مشعل : بالله اذا معليك امر ابي ماء والله رجلي تعورني مقدر اقوم والعيال نايمين
سعود: تبشر ماطلبت شي
ابتسم له مشعل وقام سعود للمطبخ طق الباب الخارجي ومحد تكلم عرف انو مافيه احد حب انه مايكرر موقفه الي قبل شوي دخل وفتح الثلاجه بياخذ له علبة ماء
دخلت ساره : حنين كل هاذا تجيبين ماء وش ذا استغربة من هدوء حنين وجات بتشوف مين الي ورا الثلاجه الا تصرخ قام سعود بسرعه وحط يده على فمها يمنعها من انها تصارخ
سعود : غبيه انتي تصرخين
ساره : خير انت الغبي
سعود : ارجعي ارجعي بسرع لا يشوفنا احد ويفهمون غلط
طلعت وهي للان مصدومه وهي اصلاً للان ماتخطت لما دخل وهي ب الحوش
عند سعود جاب ماء لمشعل
وانسدح وجلس يفكر بساره كيف انها ب اقل من ساعتين استحلت تفكيره
وبعدها بفتره نام

عند ساره
طلعت وهي شبه معصبه ليش ماتدري
لين : ساره انتي ودلول شرايكم تنامون عندنا
داليا : صح شرايكم؟!!
ساره : بشوف ماما وارد لكم كلمت امها وقالت تمام
جات هي ودلال ومعهم فرشهم  راح ننام  عندكمممممممممم
لين: الحمدالله وافقتتتتت
ساره : شرط محد ينام على السراير نفرش ب الارض
داليا : تممممم
قامو وفرشو مراتب وحطو فرشهم وانسدحو وجلسو يسولفون لحد ماغلب عينهم النوم

اكثر بارت ترددت انزله بسبب كم شي ان شاءالله اوضحها ب البارتات الجايه واحس البارت هاذا مو طويل اعذروني لئني احس ما ابي انفذ كل الافكار الان ف اغلب البارتات بتكون روتين يومي او مناقره وكل بعد فتره احط وحده من افكاري الان موضوع زوجة مقبل المجهوله احتمال اصلاً اخبي الموضوع عن بنته الي ماتعرف اصلاً انه ابوها لئن لو حطيت كل افكاري الان بتخلص الروايه بسرعه ويمكن ماتكون مفهومه لئن الاحداث ورا بعض 🤎🤎🤎