استغفرالله ❤️❤️❤️
لين : طيب وش الرسمه الي ماكملتها
مشعل وهو يحط يده فوق كتفها : شرايك بعد ما اخلصها تشوفين
لين : تم
مشعل : اقول يلاا يلا سرينا ل سلطان ان شاءالله عاد يدخلونا
لين تنهدت : يلا
وطلعو وركب السياره
مشعل : الا لين
لين : سم
مشعل : ياخي وش رايك يعني تتركين العبايات ذي وتتنقبين
لين : ليه
مشعل : احس احسن وش رايك
لين : تبيني اتنقب؟
مشعل : الصدق ايوالله
لين : دامك تبيه تم ان شاءالله بروح واشتري واتغطى لعيونك
مشعل وهو يمسك يدها بكل حب ويقبلها : فديت عيونككك وياجعلني ما افقدها
ابتسمت لين
مشعل : يارب انا طالبك ان ابتسامتها ما تغيب عني شغل لها اغنيه
وتوجهو لسلطان لاكن رفضو وحاول مشعل فيهم ورفضو رفض تام
لين : حقيرين وش بيضرهم
مشعل : معليك خلينا نرجع اوريهم شغلهم بعدين
عند اهل مقبل
جات رحيق وهي لابسه بوت اسود مع بنطلون جلد اسود وقميص ابيض وفوقه جاكت بيج وفاتحه شعرها الاسود الطويللل : بناتت تكفون كيف شكلي
ملاذ: ويييي وربي قمررر على الارض
جوري : صدق صدق حبيتتتتت
ملك : يموتتتتتت حصني نفسك
رحيق : اهخخ كنت شايله هم كيف بيطلع
ملاذ كانت لابسه بنطلون اسود وهاينك اسود مع جاكت ازرق غامق ولامه شعرها ذيل حصان
ملك لابسه تنوره بُني وهاينك اسود ومعها شال بيج ومسويه ويفي لشعرها القصير
جوري كانت لابسه بنطلون وتشيرت ابيض وفوقهم جاكت اخضر فاتحح وكانت لامه نص شعرها ونص فاتحته وكان شعرها يميل للون الأشقر
جاء عِنان بيناديهم يستعجلون : لالا وش ذا الجمال والحلاوهه مقدرررر مقدررر اقسم بتسكرون ملفهم!!!
ملك وهي تدور بتنورتها : شرايك بسس
عِنان : قمرررر قمررر بس والله سطام ليطيرنا انا وانتي لو طولنا يلا تعالو بسرعه
البنات : تممم
وطلعو
عند المخيم قسم الحريم
منيره : الا يا اصايل ماتفكرون تسكنون هنا ؟
اصايل : والله اني افكر بس تعرفين الاشغال كلها هناك ولا يازين الرياض واهلها والله انكم رديتو روحي
سُعاد : يابعد قلبي ياعمه
هاجر : الا وين اهل مقبل
نوره بقرف من الطاري : اكيد انهم على وصول
ابتهاج : اجل انا بقوم اسوي قهاويي الرجال
سُعاد: وانا جايه اساعدك
عن البنات
لين وهي للان مالبست بس مسويه شعرها ويفي : داليااا بالله طلعي لبسي بروح احط لي مناكير
داليا : ياربي يالين اي لبس اطلع
لين : تلقيت تشيرت ابيض مع بنطلون اسود فوق بعض وبجنب شنطتي جاكت احمر طويل
داليا : ادعسسس يا الاحمررر ناويه على موت مشعل؟
ضحكت لين وجلست تحط مناكيرها بكل تركيز
داليا : لين وش بتلبسين شوز
لين : جبت لي شوز ابيض
داليا: كويسس الا بنات
وصال : سمي
داليا : سم الله عدوك خلصتو ودي نطلع نصور ب المرايا الي ب الحوش قبل ماتغيب الشمس
ليان : انا خلصت
ساره : كلنا خلصنا بس باقي لين
لين : خلاص بس ثواني بلبس
راحت تلبس وجاتهم بكامل اناقتها وجلسو يصورون ومرا يستهبلون ومرا صورحلوه
سعاد: يابنات
داليا : سمي ياعمه
سعاد: ترا تو دقو اهل مقبل جايين تعالو واصلاً عشان تطلعون الثلاجات والحلى لقسم العيال
ساره : من عيونيي
سعاد : سلمهم ياربب
توجهو البنات وجلسو يشوفون على كل شي الحلويات والموالح والقهاوي والشاي
داليا : ياعمه ترا طلعتها بس عطي العيال خبر
سعاد : واييي تسلمين دلووو حبيبتي
ابتسمت داليا وتوجهة للبنات
داليا : تتوقعون كيف شخصياتهم
ليان : اصلاً هم كم
ساره : على حسب ماسمعت انهم اربع بنات
وصال : مشاءالله عاد يارب يطلعون زينا
حنين : يوه عاد لو طلعو نفسيات بتخرب ابو الطلعه
دلال: لالا ما اتوقعع
سمعو صوت البنات وعرفو انهم جو
عند العيال
سعود: ياعيال عمه سعاد تو مرسله انهم طلعو الحلى والقهوه واحد منكم يروح
خالد : مو انا عاد من اول اشتغل
غيث : انا والله ماطرى علي لاني تو جلست
عزيز: مالها الا الذيب جمال
جمال وهو يقوم : امري لله يلا رايح اجيبها وبعدي شغلك عندي صرت ذيب يوم بغيتي اروح طلع متوجه للجدار الفاصل بينهم وماكان متوقع انو فيه احد ودخل راسه عشان ياخذ الاغراض راح اخذ الدفعه الاولى ورجع للدفعه الثانيه ورفع راسه يشوف اذا بقى اغراض او لا بس انصدم لما شاف بنت جميله جداً واكثرشي لفت نظره شعرها الاسود الطويل ولون الجاكت البيج الي برز لون الشعر لف بسرعه وتوجه للعيال وصيطر على نفسه
مقبل : سلام يااهل المكان
منير : ياهلا ياهلا تفضل تفضل
مقبل وهو يسلم عليه : زاد فضلك يارب وشلونك
منير : والله بخير نحمدالله ونشكره
وتوجه مقبل يسلم عليهم وكملو عياله يسلمون
منير : ماشاءالله انت من
ضحك عِنان : احمم معك الخريج عِنان بن مقبل ال جاسر
ضحك منير : يا هلا والله ب عِنان يا هلا
ضحكو العيال على رده وجلسو يسلمون على بعض وصار ترتيبهم تقريباً
الرجال بجنب بعض والعيال بعدهم
عزيز : عرفونا عليكم
عِنان : اعرف ولا عرفتوني
ضحك عزيز : لالا عرفناك
سطام وهو يتوعد بداخل ب عِنان : اوريك ياعِنانوه على ذي الحركات
اشر عزيز ب اصبعه على عادل : عرفنا عليك
عادل : احم معكم المحامي عادل بن مقبل ال جاسر
سعود : احممم شكله لقاء الجبابره لان معك المحامي سعود بن مُنير ال مُهاب
تنحنح فهد : ولا تنسون المحامي فهد بن محمد ال هُذام
خالد : ياليل المحامين اجتمعو علينا
فهد : حبيبي والله دراستنا ماتروح عبث
ضحك عادل : ايوالله صدقت
عزيز : وانت كان يقصد مُلهم
مُلهم : احم معك مُلهم تووي ادرس ثانوي
غيث : احس حبيتك تدري ليه
مُلهم : ليه
غيث : ماقلت اسمك ووضيفتك واسم سابع جد لك لا بس اكتفيت ب اسمك
مُلهم وهو يضحك : لا توك مابعد شفت شي خلني ادخل تخصصي بس
ضحكو عليه
عزيز : جينا لااخر واحد انت
سطام : احمم ماودي اقول اسمي ووضفتتي بس تعرف لزوم
عبدالمجيد وهو يضحك. : يارجال تعودنا قول ماعليك
سطام : معكم الفريق سطام بن مقبل ال جاسر
تكلم مشعل بصوته الخشن اثر انه توه مدخل : الله يحيك ارحبب معك الفريق اول مشعل بن فهد ال مُهاب
سطام : يامرحبا فذمتي بس ترا الاسم مو غريب
صالح : اكيد مو غريب معروف مشعل
سطام وكان صوته مرتفع شوي : دقيقه دقيقه انت الي مسكت راشد بن****
صنمو احفاد اصايل من الي سمعوه
غيث : دقيقه دقيقه متأكد من الاسم
مشعل : غيث تعال بكلمك برا
فارس : بوش بتكلمه ان شاءالله
لف له مشعل وبهمس : وانت وش دخلك !!
فارس : لا ياشيخ تتكلمون راشد موضف عندنا بعدها تاخذ اخوي تكلمه على جنب وش نفهم من ذا ؟
غيث : فارس رجاء مالك شغل بيكلمني الرجال وبرجع
سكت فارس بعد كلام اخوه وكان يحترقققق نارر وشراررر
أنت تقرأ
النهايات السعيدة 💙💙
Acakهم عائلتين وكلهم يكونون عيال عم ومايتغطون وعاد تبدأ الاحداث الجميله بينهم وراح تنصدم بطلتنا من حقيقة امها وكيف هي مخبيه عنها سر كل هاذي السنوات💙💙
